Prisoner 46664
JF-Expert Member
- Dec 18, 2010
- 1,948
- 1,238
Wale walioko kwenye sekta za usafirishaji, uchimbaji wa malighafi ujenzi na ujenzi kwa ujumla watakuwa wamegundua kuwepo kwa uhaba wa ghafla wa mchanga unaotumika kujengea hivi Karibuni maeneo ya Dar na sehemu jirani. Kwa kipindi cha kama wiki moja hivi, TRA Pwani imekuwa ikikamata magari yote ya mchanga yasiyokuwa na mashine za kielektroniki za risiti (EFD). Hii imesababisha magari yote yanayobeba mchanga kutoka machimbo ya msangani Kibaha kwa Mathias kujificha na kushindwa kuendelea kusambaza bidhaa hii iliyo chachu kubwa ya kuendeleza shughuli mbali mbali za ujenzi kama ambavyo imekuwa kwa kipindi chote cha serikali ya awamu ya tano ya Mhe. John Pombe Magufuli.
Wakati tukiunga mkono juhudi za mamlaka ya mapato Tanzania (TRA) za kupanua wigo wa kodi, ni lazima mabadiliko yanayofanywa yawe shirikishi, yenye tathmini pana juu ya uchumi na pia yafanywe kimkakati kuhakikisha wadau/walipakodi wanaelewa malengo na mabadiliko tajwa na kuyaunga mkono ili yafanikiwe. Mfano kwenye sakata hili, TRA wangeweza kuwadhamini wamiliki wa magari waweze kupata mashine na kuendelea kukatwa fedha za kulipia mashine kidogo kidogo. Mpaka ninapoandika uzi huu, hakuna wamiliki wa magari waliokwisha kufanikiwa kupata mashine hizo na hivyo kupelekea shughuli za uchimbaji na usafirishaji mchanga sambamba na zile za ujenzi kusimama kwa muda.
Athari za harakaharaka zinazotokana na maamuzi haya ya TRA ni pamoja na kukosa mapato kwa muda kwa wafuatao;
1. Madereva wa malori
2. Wamiliki wa malori
3. Wafanyakazi wa machimbo
4. Wafanyakazi wa sekta ya ujenzi
5. Halmashauri (Tozo za maliasili zinazotozwa kwenye malighafi ujenzi)
Hili linalotokea linanikumbusha walichofanya TRA Morogoro mwanzoni mwa mwaka huu ambapo waliwaagiza vijana waliokuwa wanauza mishkaki kama ya Coco pale Nyumbani Park (Samaki Morogoro) watafute mashine za kielektroniki baada ya kuona wanauza sana. Matokeo yake vijana wale walilazimika kupandisha bei ya mishkaki toka shillingi 300 mpaka 500. Wateja nao wakashindwa kumudu bei mpya na hatimae vijana wakalazimika kufunga biashara. Hii ilinisikitisha sana na inaonesha namna ambavyo maaumuzi yanayohusiana na kodi yanavyotakiwa kufanywa kimkakati na kwa kuzingatia tija.
Tunashauri TRA Pwani wachukue hatua za haraka za kuondoa changamoto hii kuzuia athari kubwa inayokaribia kuukumba uchumi mpana wa sekta ya ujenzi.
Wakati tukiunga mkono juhudi za mamlaka ya mapato Tanzania (TRA) za kupanua wigo wa kodi, ni lazima mabadiliko yanayofanywa yawe shirikishi, yenye tathmini pana juu ya uchumi na pia yafanywe kimkakati kuhakikisha wadau/walipakodi wanaelewa malengo na mabadiliko tajwa na kuyaunga mkono ili yafanikiwe. Mfano kwenye sakata hili, TRA wangeweza kuwadhamini wamiliki wa magari waweze kupata mashine na kuendelea kukatwa fedha za kulipia mashine kidogo kidogo. Mpaka ninapoandika uzi huu, hakuna wamiliki wa magari waliokwisha kufanikiwa kupata mashine hizo na hivyo kupelekea shughuli za uchimbaji na usafirishaji mchanga sambamba na zile za ujenzi kusimama kwa muda.
Athari za harakaharaka zinazotokana na maamuzi haya ya TRA ni pamoja na kukosa mapato kwa muda kwa wafuatao;
1. Madereva wa malori
2. Wamiliki wa malori
3. Wafanyakazi wa machimbo
4. Wafanyakazi wa sekta ya ujenzi
5. Halmashauri (Tozo za maliasili zinazotozwa kwenye malighafi ujenzi)
Hili linalotokea linanikumbusha walichofanya TRA Morogoro mwanzoni mwa mwaka huu ambapo waliwaagiza vijana waliokuwa wanauza mishkaki kama ya Coco pale Nyumbani Park (Samaki Morogoro) watafute mashine za kielektroniki baada ya kuona wanauza sana. Matokeo yake vijana wale walilazimika kupandisha bei ya mishkaki toka shillingi 300 mpaka 500. Wateja nao wakashindwa kumudu bei mpya na hatimae vijana wakalazimika kufunga biashara. Hii ilinisikitisha sana na inaonesha namna ambavyo maaumuzi yanayohusiana na kodi yanavyotakiwa kufanywa kimkakati na kwa kuzingatia tija.
Tunashauri TRA Pwani wachukue hatua za haraka za kuondoa changamoto hii kuzuia athari kubwa inayokaribia kuukumba uchumi mpana wa sekta ya ujenzi.
