Makonde plateu
JF-Expert Member
- Nov 19, 2022
- 1,443
- 3,480
TUKUMBUSHANE
Mwaka 2009, Bingu wa Mutharika, kama mgombea wa urais na Joyce Banda mgombea-mwenza, walishinda uchaguzi mkuu kupitia chama cha DPP. Mara baada ya kuanza majukumu yao, iliibuka minong’ono kwamba wawili hao walikuwa hawaivi chungu kimoja.
Halafu, Mutharika akafa ghafla!
Baada ya kifo cha Mutharika, serikali ilificha taarifa za kifo chake mpaka watu wakaanza kuhoji kwa nini rais haonekani. Ulitaka kutokea mzozo wa kikatiba mpaka Rais mstaafu Bakili Muluzi alipoomba katiba ya nchi iheshimiwe na kuomba makamu wa rais akabidhiwe madaraka kama katiba inavyotaka. Baadhi ya mawaziri walipotaka kuwekea pingamizi ili mahakama isimwapishe, Joyce alimpigia mkuu wa majeshi, Jenerali Henry Odillo na kumwomba aokoe jahazi. Odillo alimwaga wanajeshi lukuki kumlinda Joyce mpaka alipoapishwa, April 7, 2012.
Kwenye hotuba yake baada ya kuapishwa, Joyce alitoa wito wa mshikamano. “Nawaomba tusonge mbele kwa matumaini, umoja na mshikamano. Tumtangulize Mungu kwa sababu, tusipofanya hivyo hatutafika popote kama taifa” Hotuba hii iligusa na kuponya majeraha ya watu wengi. April 26 2012, Joyce aliunda baraza la mawaziri 19 na ma-makamo wao lakini wizara nyeti akizibakiza mikononi mwake. Mwaka uliofuata kulitokea kashfa kubwa ya rushwa ya mamilioni ya dola (maarufu kama Capital Hill Cashgate scandal). Alivunja baraza lote la mawaziri na kuunda jipya.
Akituhumiwa na wananchi kwa uongozi legelege, tuhuma za rushwa na kunyamazia malalamiko ya wananchi, mwaka 2014, Joyce alishindwa vibaya sana katika uchaguzi mkuu uliofuata. Alijaribu kufuta na kubadili matokeo lakini tume ya uchaguzi na mahakama vilimgomea. Kwenye sherehe ya kumwapisha rais aliyeshinda, Joyce hakuhudhuria japo alituma pongezi zake. Joyce aliamua kwenda kuishi uhamishoni lakini tarehe 31 July, 2017, mahakama ilitangaza hati ya kukamatwa kwake kwa tuhumu za rushwa wakati wa maigizo ya urais wake.
Nimeiandika makala hii ili kama nanyi wenzangu mna tatizo la kusahau-sahau kama mimi, basi itukumbushe sote historia hii ya muhimu.
Mwaka 2009, Bingu wa Mutharika, kama mgombea wa urais na Joyce Banda mgombea-mwenza, walishinda uchaguzi mkuu kupitia chama cha DPP. Mara baada ya kuanza majukumu yao, iliibuka minong’ono kwamba wawili hao walikuwa hawaivi chungu kimoja.
Halafu, Mutharika akafa ghafla!
Baada ya kifo cha Mutharika, serikali ilificha taarifa za kifo chake mpaka watu wakaanza kuhoji kwa nini rais haonekani. Ulitaka kutokea mzozo wa kikatiba mpaka Rais mstaafu Bakili Muluzi alipoomba katiba ya nchi iheshimiwe na kuomba makamu wa rais akabidhiwe madaraka kama katiba inavyotaka. Baadhi ya mawaziri walipotaka kuwekea pingamizi ili mahakama isimwapishe, Joyce alimpigia mkuu wa majeshi, Jenerali Henry Odillo na kumwomba aokoe jahazi. Odillo alimwaga wanajeshi lukuki kumlinda Joyce mpaka alipoapishwa, April 7, 2012.
Kwenye hotuba yake baada ya kuapishwa, Joyce alitoa wito wa mshikamano. “Nawaomba tusonge mbele kwa matumaini, umoja na mshikamano. Tumtangulize Mungu kwa sababu, tusipofanya hivyo hatutafika popote kama taifa” Hotuba hii iligusa na kuponya majeraha ya watu wengi. April 26 2012, Joyce aliunda baraza la mawaziri 19 na ma-makamo wao lakini wizara nyeti akizibakiza mikononi mwake. Mwaka uliofuata kulitokea kashfa kubwa ya rushwa ya mamilioni ya dola (maarufu kama Capital Hill Cashgate scandal). Alivunja baraza lote la mawaziri na kuunda jipya.
Akituhumiwa na wananchi kwa uongozi legelege, tuhuma za rushwa na kunyamazia malalamiko ya wananchi, mwaka 2014, Joyce alishindwa vibaya sana katika uchaguzi mkuu uliofuata. Alijaribu kufuta na kubadili matokeo lakini tume ya uchaguzi na mahakama vilimgomea. Kwenye sherehe ya kumwapisha rais aliyeshinda, Joyce hakuhudhuria japo alituma pongezi zake. Joyce aliamua kwenda kuishi uhamishoni lakini tarehe 31 July, 2017, mahakama ilitangaza hati ya kukamatwa kwake kwa tuhumu za rushwa wakati wa maigizo ya urais wake.
Nimeiandika makala hii ili kama nanyi wenzangu mna tatizo la kusahau-sahau kama mimi, basi itukumbushe sote historia hii ya muhimu.
