Tundu Lissu akihutubia mamia ya wafuasi wa Chadema na wananchi wasio na itikadi ya chama chochote mkoani Dodoma ametoa hoja kali ambazo CCM hawana uwezo wa kuzijibu zaidi ya kupanic na kukimbilia kwenye vyombo vya habari viwahurumie wasirushe mikutano ya Tundu Lissu.
Mosi, amezungumza kuwa jipya na la ajabu kwenye utawala huu ni Rais kujenga uwanja mkubwa Chato wakati marais waliopita hawakufanya maajabu haya, amesisitiza Tundu Lissu.
Pili, ni kitendo cha Rais kupeleka mbuga Chato. Hili ni ajabu kuu ambalo halijawahi kufanyika amesisitiza Tundu Lissu.
Tatu, Lissu amesisitiza kuwa watu wamedhalilishwa, hasa viongozi wa serikali na akina Mama kwa kauli chafu zinazotolewa.
Lissu amesisitiza hii nchi sio kila mtu ni mjinga na unaweza kuwadanganya kirahisi. Kuna watu werevu na wanakwenda kuwaambia wananchi kwa miaka mitano madudu yaliyofanyika.
Je, haya maajabu ni kweli yamefanyika huko Chato?
Je,wakazi wa Lindi, Dodoma, Mbeya, Ruvuma, Arusha, Mtwara, Kilimanjaro mnafahamu maajabu haya ya huko Chato?
Kwa hoja hizi ambazo hata mimi sikuzijua kwa miaka mitano, sasa nimeamshwa usingizini.
Hoja haipigwi rungu, bali hujibiwa kwa hoja. Hii ni kauli ya Dkt Jakaya Kikwete
CCM oyeee oyeeee oyeeee, jibuni hoja hizo!
Kama una nia ya Lissu awe Rais wa Serikali ya awamu ya Sita, wewe na washambiki/wafuasi wake, mpeni/mfikisheni ushauri ufuatao:-
1) Arekebishe lugha anayotumia kuwasilisha hoja zake, kutoka ya matusi na kimahakamahakama na kuwa ya kisiasa.
2) Aheshimu mamlaka, kwa kauli na matendo yake, ili akiingia madarakani naye aheshimiwe.
3) Rais Magufuli amesimamia vizuri utekelezaji wa Ilani ya Uchaguzi wa chama chake. Yawezekana kuna mapungufu. Haya yabainishwe ni ya Sera (zilivyoainishwa kwenye Ilani) au ya utendaji wake. Kumlawaumu Magufuli, kwa ujumla, ni upofu wa uhalisia ambao unaweza kumgharimu Lissu na kundi lake.
Mnyonge mnyongeni lakini haki yake apewe
4) Serikali ya awamu ya tano imefanya mambo mengi ya maendeleo, katika kipindi kifupi, ikilinganishwa na awamu zilizotangulia. Marais wastaafu na viongozi wengi Afrika na duniani kote, wanakiri hivyo hadharani. Ni kiongozi "mpumbavu" na "lofa" tu ndiye anaweza kusimama hadharani na kukebehi. Lissu akiendekeza lawama na kejeli dhidi ya Magufuli, hakuna shaka wananchi hawatasita kumwajibisha kwa kura.
5) Amekaa nje ya Tanzania kwa kipindi kirefu wakati mengi yamefanyika, hivyo afanye tathmini kabla ya kukurupuka kwa lawama na ahadi ambazo anaamini ni mpya, zitampa kukubalika na wapiga kura wakati hana jinsi ya kuthibitisha utekelezaji wake.
6) Akumbuke M/Kiti wa chama chake anatuhumiwa kufisadi fedha ya chama, ikiwa ni pamoja na ruzuku, kiasi cha kushindwa kujenga ofisi na kuwalipa wafanyakazi haki zao. Je, atawezaje kukabili na kubadili ufisadi huo wa "Boss" wake akiingia Ikulu?
7) Anaamini anapambana na CCM tu, je, amejiandaaje kwa ushindani wa wagombea Urais wa vyama vingine? Hadi sasa hajaonesha nia thabiti ya ushirikiano ikizingatiwa kuwa Uchaguzi Mkuu, 2015 CHADEMA ilivuna ushindi kupitia UKAWA na baadaye kuwatosa washirika wake. USALITI kamwe siyo mtaji katika maisha.
