Tusimwadhibu Diamond Platnumz

[Thadei Ole Mushi]

Na Thadei Ole Mushi.

Diamond 💎 Platnumz ni Moja ya wasanii wanaowania Tuzo toka BET Awards kwenye kipengele Cha International ACT.

Kwenye category yake yupo na wasanii wengine wakubwa tu toka maeneo mbalimbali Duniani.

Wasanii wanaoshindania Tuzo hiyo na Diamond ni Aya Nakamura toka France, Burma Boy toka Nigeria, Emicida toka Brazil, Headie one Toka UK, Wizkid toka Nigeria, Young T toka UK na Youssoupha toka France.

Fuata link kuona washindani wa Diamond.

My5

www.bet.com

Kwa jinsi walivyo na maeneo wanayotokea Diamond Platnumz ndiye Pekee anayetokea ukanda wa Africa Mashariki na Kati pamoja na Kusini mwa Africa. Kwa jinsi ilivyokaa Diamond angeliweza kushinda kama angelipata uungwaji mkono toka eneo analotokea.

Kilichotokea

Kwa sasa Kuna watanzania wanaoshinikiza BET kumwondoa Diamond kwenye kinyanganyiro Hicho kisa alishiriki kwenye Kampeni za 2021. Watanzania hawa wameanzisha Petition na wanasaini huko ili BET wamuondoe Diamond kwenye Award hizo. Link ifuatayo ni petition ya Watanzania kushinikiza Hilo.

23,187 people signed and won this petition

BET - Disqualify Diamond Platnumz from BET AWARDS 2021 (for Best International Act)

www.change.org

Tunavyoongea watu 25,000 wameshasaini.

Huko nyuma Diamond aliwahi kuhojiwa kwa nn ameamua kuisapoti CCM akasema kuwa alifanya hivyo kwa kuwa yeye ni mwana CCM na hawezi kuacha kuiombea Kura.

Je kikatiba haukuwa haki Diamond kuwa na Itikadi ya Chama? Jibu ni Kuwa ana haki kabisa hivyo Hoja hii haina mashiko kabisa.

Hoja ya kwamba alishirikiana na Magufuli kama tukianza kuadhibu watu wote walioshirikiana na Magufuli Nani atakayebaki? Hata wapinzani wengine waliokuwa Serikalini kwa maana ya nafasi za kiutumishi kipindi Cha Awamu ya Tano walificha Kadi zao kabisa.

Hivi mlitaka Diamond ampinge JPM katika mazingira yaliyokuwepo angeponea wapi? Waliojaribu kufanya hivyo nini kiliwatokea?

Tusizime jitihada hizi za Naseeb.

Diamond katokea mbali Sana hadi kufikia hapo alipo. Ni mpambanaji haswa na amefanikiwa kuwabeba wenzake wengi tu. Naamini kama Kuna kijana wa kumsaidia afanikiwe basi ni Diamond kwa kuwa kila anapofanikiwa hushika wenzake mikono na kuwainua.

Nyuma yake wapo watu wengi Sana wananufaika na mafanikio yake. Tunaweza kuona kama tunamwadhibu yeye lakini wengi watakuwa wanaumia. Naamini kwa alipofikia hatakosa Pesa ya kula lakini Taifa linahitaji Sana mafanikio yake ili kwanza kulitangaza Taifa letu na kufungua Fursa nyingine za kiuchumi lakini Cha pili kutusaudia kuendelea kuajiri vijana wengine wanaomzunguka.

Hebu watanzania tufikirie tofauti. Tumsaidie afikie MALENGO makubwa zaidi.

Lakini Pia watanzania tusipende kushikiwa akili na watu eti Diamond nyimbo yake ya acha nikae kimya ulilenga kuwanyamazisha watu. Labda tuusikilize Tena na wabobezi wa fasihi wataelewa alichomaanisha Mondi.



Wenye petition hii waiondoe tusonge Mbele. Tusahau ya Nyuma tulijenge Taifa Letu.

Naomba kuwa Tofauti.

Ole Mushi
0712702602.

 

[Daudi Mchambuzi]

Haadhibiwi bali kila mtu anachagua wa kumpigia kampeni anayemtaka kama yeye alivyofanya october 2020.

 

[Wildchild]

Hutanishawishi kwa asiye jali uti na haki,ikiwa ni pamoja na utawala unaofuata sheria,kwa kisingizio cha uzalendo,siku zote nimekuwa na zungumzia uzalendo maslahi na uzalendo halisi.

Hivyo kwa hilo nakukataa na utetezi wako hats kama no legend niliyekuamini siku zote na sikuwahi kukutilia mashaka.

 

[King Kong III]

Issue sio uccm ila dayamondi ni mbinafsi sana ,yeye hajawai msupport msanii yeyote nje ya kundi lake....kwa kifupi ajirekebishe.

 

[Bujibuji Simba Nyamaume]

Mnasafirisha mkoani??

Hadi ughaibuni

 

[Rebeca 83]

Nani anamwadhibu? Mbona hii ishu mnaikuza sana, ... mnapiga kelele huku mtandaoni.. nina uhakika watakao vote huko BET ni wachache sana... wala Hata msijipe pressure

 

[BAK]

Watu wanashangaza sana kutaka kuminya uhuru wa watu wengine.

Haadhibiwi bali kila mtu anachagua na kumpigia kampeni anayemtaka kama yeye alivyofanya october 2020.

 

[mjombakim]

Link ndio iyo apo juu ngoja nifungue na mimi asante

 

[ntamaholo]

Ubaya wa Nasibu ni kumkataa Abdul. Hilo ni doa kwake

 

[SACO]

Nielekeze jinsi ya kusign, nataka na mimi nikasign.. hawa ndio wali intertain udikteta enzi za Mwendazake

 

[Slowly]

Tanzania ni moja kati ya nchi kumi zenye umaskini wa kutupwa duniani ,

watu wake wana matatizo makubwa , wenye chuki husda na wivu ndo mana ipo kwenye hyo rank . Mpaka alipofikia Diamond kapambana almost alone through out the entire music career battle ....na moja ya watu waliotaka kumkwamisha kabisa from the beggining ni wabongo wenyewe ...anakili wazi ilibid apitie Nigeria ili kuburst mpak kufikia hapo alipo.

watangazaji wa channel O walimwambia wazi I think ilikuwa 2013 or 2014 , kuwa kuna criticism kubwa Sana kutoka Tanzania Ngoma zako zisichezwe , na hyo ilifika mpak kwenye management, thanks to Mr Davido Kwa kumtoa alipokuwa.

Japo anajulikana Sana hapa bongo anakili wazi pia fans wake wakubwa wanaompatia mpunga mnene kwenye digital platform sio wabongo , Kwa East Africa ni Kenya na nchi zingine kule ambako wanamuelewa.

Christian Bella akihojiwa aliiweka was kuwa Diamond anajulikana Sana nje na kajitangaza Sana , na akaongeza pengine ni zaidi ya kipaji cha music huenda na ni nyota yake.

Mwana FA juzi kasema ukimuona msanii anapasua anga Kwa Tanzania tambua amepambana mwenyewe , no support at all..

Kwa jina lake watu wengi Sana wamefaidika na wanaendelea kunufaika direct and indirect. Kijana kazoea kupigana na hata hili atalipita ,petition hyo haina nguvu yyte kumuondoa kijana mpambanaji tokea tandale , petition ipo kisiasa zaidi na hata hzo hoja zao hazipo verified in international level, zaidi ya yote inamtangaza kimataifa.

Mpak alipofikia hakuna mtanzania wa kujisifu kuwa kamsaidia , jamaa kapambana mwenyewe na kuwa mtanzania ni jina Tu Ila hakutakiwa kuwa mtz Kwa jinsi tulivyo na roho mbaya.😋

Vote for Diamond Platnumz.

 

[kibovu kichwa]

Haadhibiwi bali kila mtu anachagua na kumpigia kampeni anayemtaka kama yeye alivyofanya october 2020.

Shida isingekuwa kuwapigia kampeni washindani wake, shida ni kumsagia kunguni aondolewe kabisa kwenye hicho kinyang'anyiro. Wakina kigogo nuksi sana

 

[Erythrocyte]

Kila mtu ashinde mechi zake tuone mwisho utakuwaje, utakula ulikopeleka mboga

 

[jabulani]

Shida alipochaguliwa alienda kuwashukuru ccm badala ya kuwashukuru Watanzania. Apigiwe kura na ccm.

 

[Abul Aaliyah]

nadhan n muda muafaka chama chakavu kumpigia kura kwa wingi ili walipe fadhila

 

[Neurologist]

From my understanding sio kwamba wanaharakati wanamwadhibu daimond kwa sababu ni mwana ccm, nimepitia tweets zo nyingi, shida ni kwamba daimond hakuwahi kusimama upande wa wananchi hata pale utawala ulipotenda maovu, umfano matukio machache tu hata kutekwa kwa Roma mkatoliki, mauaji ya wananchi, ukandamizwaji wa wa haki hakuwahi kupaza sauti badala yake alikaa kimya na kusimama upende wa watesi wa wananchi, hakuna mtu mwenye shida na uccm wa daimond

Watu wanalinganisha wasanii wa Nigeria kama akina Dovido, Burna boy walivyosimama na wananchi wakati wa mauaji na wanapata hamasa ya kuwasapoti wasanii wa namna hiyo

Sipo upande wa wanaharakati wala upande wa daimond ila nafhani tuwekane sawa

Mimi pia namsapoti Burna boy
Karibu

 

[Marytina]

Mbona Samia suluhu, majaliwa, kikwete ni ccm Ila hawachukiwi???

Diamond akubali akatae ni lazima ate geneze na wana

 

[Bila bila]

Mwaka Jana tuliwaambia mapema Diamond na wenzake, mnakwenda kwenye kampeni, hamzuiwi ni haki yenu, lakini wekeni akiba ya maneno.

Kashfa na kutweza watu kwa sababu ya itikadi zitawagharimu, hawakusikia. Wakasapoti utekaji, utesaji na uuaji kwa gharama ya kofia aina ya Pama walizokuwa wanavalishwa na Mwendazake.

 

[Tindo]

Hapa hufanyi Utetezi, bali uko kiupotoshaji zaidi. Hakuna mwenye tatizo na Diamond kuwa mwanaccm, maana hiyo ccm yenyewe hatuionei wivu wala kuitamani. Bali Diamond kama kioo cha jamii alisimama na kiongozi muovu, sasa anapewa Somo kuwa unapokuwa kioo cha jamii unapaswa kujitenga na kiongozi muovu.

Nadhani uliona baada ya Makonda kwenda kule Egypt kwenye kombe la mataifa ya Afrika, jinsi wapenda haki tulivyokuwa na furaha kwa timu yetu ya taifa kufungwa. Hata leo hao Yanga na Simba wajitokeze wazi wazi kujiunga na kiongozi muovu utauona mziki wake. Tunaomba watu wengi zaidi wajitokeze kusaini hiyo petition, ili kutoa somo kwa wasanii wengine wote kutojiunga na kiongozi yoyote dhalimu.

 

[Tindo]

Shida isingekuwa kuwapigia kampeni washindani wake, shida ni kumsagia kunguni aondolewe kabisa kwenye hicho kinyang'anyiro. Wakina kigogo nuksi sana

Tena inatakiwa ifanyike kampeni asipewe nafasi kushiriki kwenye mashindano yoyote ya kimataifa, bali ashiriki mashindano kwenye nchi zenye siasa chafu kama za jiwe, na matamasha ya ccm. Ukiwa upande wa kiongozi muovu, jiandae kukosa support ya wapenda haki.