Tuulize chochote kuhusu mbao na changamoto zake

[Mbao Tanzania]

Heri ya mwezi mpya,

Sisi ni wataalamu wa mbao za aina mbalimbali zinazozalishwa nchini Tanzania. Tupo Dar es Salaam. Tunao ujuzi na uzoefu wa miaka mingi.

Kama inavyofahamika, shughuli za ujenzi wa majengo na baadhi ya miundombinu hapa kwetu kwa kiasi kikubwa bado hutegemea mbao kama mojawapo ya nyenzo muhimu.

Je, unawezaje kutambua mbao nzuri, imara na zinazofaa kwa mradi anuai?

Tumekuja JamiiForums kujuzana na kuepusha hasara ambayo wadau wa ujenzi hukumbana nazo, yakiwemo makampuni na watu binafsi kutokana na kutokuwa na uelewa wa kutosha.

Tutajibu maswali yote tutakayoyamudu kwa wakati.

Karibuni sana.

 

[stephot]

Nataka kujua, Mbao za Mkaratusi zinafaa kwa milango au fremu, na kama hazifai kwanini?

 

[Interest]

Nataka kujua,Mbao za Mkaratusi zinafaa kwa milango au fremu,na kama hazifai kwanini?

Hivi mikaratusi ndio plywood?

 

[Mbao Tanzania]

Nataka kujua,Mbao za Mkaratusi zinafaa kwa milango au fremu,na kama hazifai kwanini?

Mbao za mikaratusi zinafaa kutengenezea fremu za milango, madirisha na kadhalika.

 

[Mbao Tanzania]

Unawezaje kutofautisha mbao ambayo ni imepitia process zote kuwa treated (treated timber) na fake?

Mbao iliyopitia mchakato wa dawa (treated) huwa zinachemshwa na kubadilika rangi mpaka ndani ya mbao husika.

Mbao ambazo hazijawa treated mara nyingi huwa na muonekano wa rangi nyeupe angavu.

 

[Nyumisi]

Mbao za mikaratusi zinafaa kutengenezea fremu za milango, madirisha na kadhalika.

Kwa nini zinapinda au kuachana na kuacha uwazi, zikitumiwa kutengeneza milango, je, ni mbao zipi zinafaa kutengeneza milango na samani mbalimbali kwa ubora zaidi ya mninga.

 

[Pendaelli]

Mnaweza mkajua mbao zinazopatikana kwa wingi?

Mfano mkaratusi unapatikana wapi kwa wingi, mninga, mkongo, mtondoro mpodo, mvule, mkangazi,mkarati, msederea, na Bei zake huko zinakopatikana.

Pia vibali vya kununua kusafirisha na kuuza mbao mnaweza kujua namna vinavyopatikana? Natanguliza shukrani.

 

[Chabo]

Je, naweza kuezeka Nyumba yangu kwa kutumia mbao za Mninga?

 

[stephot]

Hivi mikaratusi ndio plywood?

Hapana hizo zinaitwa Eucalyptus...

 

[stephot]

Kwa nini zinapinda au kuachana na kuacha uwazi, zikitumiwa kutengeneza milango, je, ni mbao zipi zinafaa kutengeneza milango na samani mbalimbali kwa ubora zaidi ya mninga..

Hapa na mimi ningependa kujua,na kama zina hii tabia zinawezaje kufaa kwa kutengenezea fremu za milango au madirisha...?

 

[Mbao Tanzania]

Tunaendelea kupitia maswali yote. Tutajibu kwa kadri itakavyowezekana. Asanteni sana.

 

[Mbao Tanzania]

Je naweza kuezeka Nyumba yangu kwa kutumia mbao za Mninga?

Kwa kujibu hili haraka haraka:

Unaweza lakini Mninga hutumika zaidi kutengenezea samani za nyumba na ofisi.

Mbao zinazotumika kuezekea mara nyingi zinajulikana kwa jina la Pine.

Asante.

 

[bitimkongwe]

Je naweza kuezeka Nyumba yangu kwa kutumia mbao za Mninga?

Wewe lazima utakuwa multi-millionea, kuezeka nyumba kwa kutumia mbao za mninga? Unajua bei ya mninga?

 

[Covid-19]

Zipi athari za kutumia untreated kwa kuezekea?

 

[Mbao Tanzania]

Zipi athari za kutumia untreated kwa kuezekea?

Wadudu korofi hususan mchwa wanazimaliza haraka sana mbao ambazo hazijawa treated.

 

[Mbao Tanzania]

Mnaweza mkajua mbao zinazopatikana kwa wingi?
Mfano mkaratusi unapatikana wapi kwa wingi, mninga, mkongo, mtondoro mpodo, mvule, mkangazi,mkarati, msederea, na Bei zake huko zinakopatikana.
Pia vibali vya kununua kusafirisha na kuuza mbao mnaweza kujua namna vinavyopatikana? Natanguliza shukrani.

Tutakuja na details za kutosha juu ya hili. Acha tukusanye data za uhakika ndugu, tutakujibu mapema iwezekanavyo.

 

[Mbao Tanzania]

Je naweza kuezeka Nyumba yangu kwa kutumia mbao za Mninga?

Kwa kuongezea hapa:

Mbao za mninga zinapendwa kwa sababu ni imara sana lakini gharama yake ipo juu hivyo ni mara chache hutumika kwa shughuli za kuezekea.

Kujibu swali lako, ndiyo unaweza kuezeka nyumba yako kwa kutumia mbao za mninga.

Asante.

 

[Mbao Tanzania]

Kwa nini zinapinda au kuachana na kuacha uwazi, zikitumiwa kutengeneza milango, je, ni mbao zipi zinafaa kutengeneza milango na samani mbalimbali kwa ubora zaidi ya mninga..

Ni kutokana na asili yake.

Ndiyo sababu ni nadra mikaratusi kutumika kutengenezea milango, makabati na samani na badala yake hutumika kama mistimu ya umeme, fremu na baadhi ya kingo/viambata vya madaraja n.k.

Bado mninga ndiyo mbao nzuri na bora kwa utengenezaji wa samani kuliko aina nyingine yoyote.

 

[Chabo]

Wewe lazima utakuwa multi-millionea, kuezeka nyumba kwa kutumia mbao za mninga? Unajua bei ya mninga?

Hapana mimi sio Tajiri hivyo, ila napenda vitu imara tu bila kujali gharama.

 

[bitimkongwe]

Hapana mimi sio Tajiri hivyo,ila napenda vitu imara tu bila kujali gharama.

Don't worry, siku hizi zipo zile za steel kwa kuezeka badala ya mbao. Nazo ni gharama lakini naona ni very long term