Wana JF,
Imekuwa gumzo duniani kuhusu mfumo huu wa 3 - 4 - 3. Mfumo huu si mpya bali ulikuwepo na makocha wengi wanauelewa ila huwa hawapendi kuutumia sababu unahitaji kuwa na wachezaji wenye uwezo ufuatao:
Mabeki 3
Hawa mabeki 3 lazima wawe warefu na wepesi, wawe na uzoefu na uwezo mkubwa mno wa kucheza mipira hasa ya juu. Kwenye timu ya Chelsea mabeki hawa watatu ni
X3 (Azpilicueta X5 (David Luis) X2 (Gary Cahil)
Viungo 4
X4 (Ngolo Kante) X8 (Nemanja Matic) X7 (Victor Moses) X6 (Alonso)
Viungo hawa 4 wamegawanyika sehemu kuu mbili - 1. Viungo wa kati; 2. viungo wa pembeni.
Viungo wa Kati yaani X4 (Ngolo Kante) na X8 yaani (Nemanja Matic)
Hawa watakuwa na majukumu makubwa ya ukabaji na kuhakikisha wanamiliki mpira ili kuipa timu uwezo wa kwenda mbele kushambulia - X4 atakuwa nyuma kidogo kuhakikisha Ulinzi unaimarishwa na X8 atakuwa mbele kupeleka mashambulizi - hawa watacheza kwa uelewano kwamba kama X4 atakwenda mbele kuongeza mashambuzi basi X8 atarudi kuweka cover nyuma. Mfano ni ile game ya Man U - like goli alilofunga X4 (Ngolo Kante) ni uhakikishio wa ushirikiano wao kwenye kiungo cha Chelsea.
Viungo wa Pembeni yaani X6 (Alonso) na X7 (Super Victor Moses).
X7 (Victor Moses) ni kama amezaliwa upya, pongezi kubwa na Conte kumwezesha Moses kufikia kwenye ubora wake, Huyu atakuwa na majukumu ya Ulinzi upande wa Kulia, atahakikisha anasaidiana kwa kiasi na X2 kuhakikisha eneo lote la kulia ni salama, kama timu haina mpira basi X7 atarudi nyumba upande wa kulia kuhakikisha wapinzani hawapiti kirahsi kufanya maangamizi. Ubora wa mfumo huu utategemea uwezo wa X7 kupanda na kushuka - yaani awe na mapafu ya mbwa kwani kama itatokea akichoka tu ama hayupo kwenye ubora wake basi timu inaweza kupitwa kirahisi mno kupitia upande huu. So far X7 amefanya kazi kubwa mno.
X6 (Alonso); Huyu jamaa ni jembe, yupo kwenye ubora wake timilifu, kazi ya X6 ni kama ya X7 kuhakikisha ulinzi sehemu ya kushoto akisaidiana na X3. Kama timu haina mpira basi X3 atashuka zaidi kuweka cover upande wake huo wa kushoto, na kama timu ina mpira basi atapanda mbele kuongeza mashambulizi.
Washambuliaji yaani X11 (Pedro) X10 (Costa); X9 (Hazard)
X11 (Pedro); kazi yake ni kukimbiza upande huo wa kushoto, wakati timu haina mpira anaweza kushuka hadi eneo la kati kuhakikisha mpira unapatikana kwa haraka, X11 kwenye mfumo huu lazima awe mwenye mbio na kasi na uwezo kwa kuwapita ma-defenders wa timu pinzani walau wawili ama watatu - hili X11 (Pendro) analiweza saana, kukuhakikishia hilo angalia goli alilofunga kwenye game ya Tonteham - aliwageuza mabeki 2 kabla hawajarudi sawa kujua nini kimetokea mpira ulikuwa unaninginia wavuni.
X10 (Costa) Finisher, anatakiwa awe na nguvu za Kichwa, miguu - kuhakikisha anamalizia cross toka kushoto ama kulia - kwa hili X10 (Costa) kalifanya vizuri na mpaka sasa ana magori 10
X9 ( Hazaaaaaard) Huyu na wewe utamalizia - sitaki kusema sana.
Jumuisho.
Je unafikiri Mkwasa sasa ni muda wa kutumia mfumo huu??? je tunao wachezaji wenye uweo huu nchini kwa sifa nilizozitoa hapo juu??
Tujadili kwa hoja!!! namalizia kutoa hongera kwa Conte kuteta starehe siku za weekend kwa washabiki wa Chelsea.