Ujumbe wangu wa Mei mosi

Idd Ninga · 2018-05-01T07:04:51+00:00

1)Mamkuzi na salamua,juu yenu iwe amani Salamu kwetu muhimu,tena jambo la imani Kusalimu yalazimu,ni kale tangu zamani Mei mosi na ujumbe,natamani kuutoa 2)Heko kwa wafanyakazi,walioko makazini Wale wafanyao kazi,hata wakiwa nyasini Leo tweke mambo wazi,siyo tuache sirini Siri ya maendeleo,ni watu kufanya kazi 3)Hii wamu ya kazi,asiejua ni nani Kazi tusake hijazi,hata kama mashambani Tuutumie ujuzi,tufurahi maishani Siri ya maendeleo,ni watu kufanya kazi 4)Masilahi yaboreshwe,mashahara siwe duni Watu haki wafundishwe,hata ka kitamaduni Haki zao waonyeshwe,iwatoweke huzuni Siri ya maendeleo,ni watu kufanya kazi. 5)Mishahara ipandishwe,hata kama viwandani Li maisha yaboreshwe,na familia nyumbani Pia vyeo wavalishwe,watu wawaze vichwani Siri ya maendeleo,ni watu kufanya kazi 6)Tabia undugu ndugu,haipo maofisini Lilikuwa donda sugu,raisi kapiga chini Leo hatuna magugu,tuna raisi makini Siri y maendeleo, ni watu kufanya kazi. 7)Vijana nawausia,lazima changamkeni Vyema fursa kutumia,tusilale vijiweni Ubunifu kutumia,kutwa tusicheleweni Siri ya maendeleo,ni watu kufanya kazi. 8)Serikali na kwa wingi,ajira zitangazeni Tena zitangazwe kwingi,kila pala zenezeni Tutayaepuka mengi,pamoja tupendezeni Siri ya maendeleo,ni watu kufanya kazi. 9)Hata kama tunachoka,tamaa tusikateni Nchi yetu tajawika,na mazuri kusheheni Tukitaka nawirika,hili tuzingatieni Siri ya maendeleo,ni watu kufanya kazi. 10)Kalamu naweka chini,ujumbe uko mwishoni Raisi pendwa tawika,tapendwa kote moyoni Nchi inanawirika,kazi tuweke rohoni Siri ya maendeleo,sisi kujituma sana. SHAIRI-MEI MOSI MTUNZI- Idd Ninga Arusha +255624010160 iddyallyninga@gmail.com

Thread starter Idd Ninga
Start date May 1, 2018

Idd Ninga

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Ujumbe wangu wa Mei mosi

Idd Ninga

JF-Expert Member

Our Community

Regional Communities