ULIMWENGU WA ROHO: Nini hasa maana halisi ya kitu hiki?

[TRIPLE H]

Asante sana kwa mwaliko
Kwanza ni vema kufahamu kwamba kila kitu kina pande mbili na katika hizo pande mbili kuna mmoja ndio kiini, msingi wa matokeo ya upande mwingine
Kiimani tunaambiwa hapo mwanzo nchi ilikuwa giza totoro na uso wake ulifunikwa na maji
Kwahiyo giza ndio mzizi wa mwanga, maji ndio mzizi wa uso wa dunia
Kwenye mambo ya maisha kuna vitu vinavyoonekana kwa macho hivi mzizi wake ni vile vilivyo nyuma yake visivyoonekana na hivi ndio msingi na asili ya vile vinavyoonekana
Roho no ninini?
Roho ni nishati(energy)inayoendesha vile vinavyoonekana vilivyo na uhai na visivyo na uhai
-huwezi kutoa jibu moja Kwanini tunawasiliana hapa je ni simu? Je ni mitandao? Je ni umeme? Je ni bundle? Unakuja kuona kwamba mpaka tunaweza kuwasiliana hapa ni mkusanyiko wa vitu kwenye mpangilio sahihi
Hivyohivyo kwenye mashine magari nk nk

Nimepata kitu hapo mkuu Mshana jnr. Ahsante sana

 

[TRIPLE H]

ROHO, NAFSI NA MWILI
Ndugu msomaji,
Je, mwanadamu ni nani?
Kwa kifupi ninaweza kusema kuwa Mwanadamu ni Roho, ina Nafsi na inakaa ndani ya Mwili.
Ukisoma 1 Wathesalonike 5:23 Inatusaidia Kuona maeneo yote matatu ya mwanadam/mtu;
"Mungu wa amani mwenyewe awatakase kabisa; nanyi NAFSI ZENU na ROHO ZENU na MIILI YENU Mhifadhiwe mwe kamili, bila lawama, wakati wa kuja kwake Bwana wetu Yesu Kristo"
Hapa unaona Nafsi, Roho na Mwili vimetajwa kwenye hiyo aya.
ROHO NI NINI?
Roho ambayo inahusisha mambo ya Mungu.
Ni ile sehemu ya mtu yenye ufahamu wa Mungu, ambayo hufanywa hai na hutiwa nguvu na Roho wa Mungu wakati wa Wokovu. Kabla ya mtu Kuokoka, sehemu hii, haifanyi kazi kwa utimilifu kabisa kwa sababu ya dhambi. Dhambi huifanya kuondolewa nguvu ya kutenda kazi sawa sawa, kwa Amani na Roho ya Mungu. Lakini kupitia Ubatizo wa Roho Mtakatifu, mwanadamu hupokea nguvu ya kiroho, inayomwezesha kuishi maisha ya Kristo.
Roho inahusika na:-
i) Maombi na Ibada na Mungu,
ii) Ushirika na Mungu,
iii) Mapokezi ya karama za Roho,
iv) Vita vya kiroho,
v) Kuunda Mawazo na Ndoto,
vi) Dhamira, Kupambanua,
vii) Udadisi, Kuuliza,
viii) Ufahamu, Kutafsiri,
ix) Shuhuda kwa Wanadamu
NAFSI NI NINI?
Katika Biblia, neno “nafsi” limetafsiriwa kutoka kwa neno la Kiebrania neʹphesh na neno la Kigiriki psy·kheʹ. Katika Kiebrania neno hilo kihalisi linamaanisha “kiumbe kinachopumua,” na katika Kigiriki linamaanisha “kiumbe kilicho hai.”
Nafsi inahusika na mambo ya mtu.
Ni ile sehemu ambayo ina ufahamu wamtu mwenyewe au kiini cha ubinafsi wa mtu. Kazi yake ni:-
i) Kufikiri – Kutafakari, kuona
ii) Hisia – Kujisikia kuwa na tamaa na Upendo
iii) Utashi – Nia, Kuamua
MWILI NI NINI?
Mwili unahusika na mambo ya Ulimwengu.
Ni ile sehemu ya mwanadamu ambayo inafahamu na kukubaliana na ulimwengu wa nje. Inafanya yafuatayo:-
i) Utambuzi wa Ulimwengu, - yaani ile hali ya mwili kupokea habari kutoka Ulimwenguni kwa njia ya Ufahamu.
ii) Urejeshi – yaani ile hali ya Mwitikio wa kutenda kutokana na kutendewa kitu, kupitia utaratibu wa Maneno na Matendo.
iii) Udhihirisho – yaani ile hali ya Mwili ya kutoa habari za Ulimwengu kwa Mawazo, Kujisikia na Maamuzi ya Nafsi.''
Hivyo basi, Mtu ni Roho.
1) Mungu alimuumba mwanadamu kwanza kama roho ( Mwanzo 1:26) hapo bila mwili ndiyo maana Biblia inasema Mungu alimuumba mwanadamu kwa mfano wake kwa sababu Mungu ni Roho.
Mtu ambaye Mwanzo 1:26 inamuongelea, Biblia yenyewe inathibisha kuwa ni roho lakini yenye mwili wa rohoni (1 Korintho 15:44) ikiwa kuna mwili wa asili basi kuna mwili wa rohoni pia.
2) Mungu aliumba roho ya Mwanadamu kwanza ndio akaumba mwili wa nyama na nafsi baadae.
(Mwnzo 2:7) Mungu akauumba mwili wa Adamu kwa udongo akaichukua ile roho (kumbuka ina mwili wa kiroho) akaiweka/
ingiza katika mwili kwa kuipulizia ndani ya ule udongo alio uumba, na mtu akawa nafsi hai.
Hivyo basi;
Mwanadamu amegawnyika mara tatu
1) Roho yenye ufahamu wa mambo ya Mungu. Chakula cha Roho ni neno la Mungu.
2) Nafsi ni shemu yenye ufahamu ambapo vitu vya kujifunza au elimu au kumbukumbu vinakaa. Roho huitia nafsi nguvu au kuwa mahiri kwenye eneo fulani ambalo rohoni umebarikiwa ili hicho kitu kithiirike kwenye ulimwengu wa mwili.
3) Mwili ni sehemu ya mwanadamu inayo onekana na imebeba roho na nafsi.
Bonus question.
KUFA NI NINI?
Kufa ni kitendo cha roho kuachana na mwili, kama huyo mtu(roho) alipokuwa ndani ya mwili aliishi maisha matakatifu roho yake itakwenda kwa Mungu na kama aliishi maisha yasiyompendeza Mungu huyo mtu(roho) atakwenda kuzimu.
Hivyo basi itunze sana Roho yako maana wewe ni Roho una nafsi na unaishi kwenye mwili
Hii ndiyo maana wakristo wanahangaikia sana Roho maana wanajua Roho ndiyo inaenda kwa Mungu sio Mwili .

Ahsante sana kwa maelezo ya kina mkuu, ila naomba unisaidie kujua hasa unaposema wakristo wanahangaika na Roho badala ya mwili. Je, ni kweli kwamba wakristo HAWASHUGHULISHWI na mwili? Na je, nafsi nayo inaenda wapi baada ya Kifo?
Ahsante.

 

[TRIPLE H]

Unapolala usiku ukaota ndoto ni ushahidi tosha wa ulimwengu wa roho.

Kwa hivo nikilala nikaota ndio Ulimwengu wa roho au u unamaanisha nini?

 

[TRIPLE H]

Na mimi nieleze kwa ufupi ninachofahamu, nikiri kwanza maelezo yangu hayatokani na elimu ya dini yoyote.

Ulimwengu wa roho upo na ndiko tulipotoka/nyumbani kwani sisi ni roho.tunavaa mwili ili kukua kiroho kupitia upendo.

Tafuta Vitabu ili usikie kutoka kwa watu waliofanya tafiti,japo kwa ufupi kama Kweli umedhamiria unataka kujua basi wenzetu Walio ktk ulimwengu wa roho watakusaidia na huyo ni cause and effect law.

Ahsante, lkn hapa [emoji116]umesema;

"""Kama Kweli umedhamiria unataka kujua basi wenzetu Walio ktk ulimwengu wa roho watakusaidia na huyo ni cause and effect law."""


Walio katika Ulimwengu wa roho wako wapi? Ni kina nani? Nawapataje?

Msaada hapo [emoji115]tafadhali.

 

[TRIPLE H]

MTAZAMO WA KIFALSAFA KUHUSU ULIMWENGU WA MWILI NA ROHO

Kifalsafa, na hasa kwa mujibu wa Plato, maneno ulimwengu wa roho ni kinyume cha maneno ulimwengu wa mwili. Plato anaongelea "sensible world (ulimwengu wa mwili)" dhidi ya "intelligible world (ulimwengu wa roho)." Katika sulimwengu wa mwili, tunapata maarifa kwa kutumia milango mitano ya fahamu--kuona, kunusa, kusikia, kulamba, na kugusa.

Na katika ulimwengu wa roho tunapata maarifa kwa njia tatu kuu. Kwanza, kuna kusafiri katika barabara kwa kuanzia kwenye upande wa ushahidi mpana kuelekea upande wa ushahidi mwembamba (deductive reasoning).

Pili, kusafiri katika barabara kwa kuanzia kwenye upande wa ushahidi mwembamba kuelekea upande wa ushahidi mpana (inductive reasoning).

Tatu, kuna kusafiri katika barabara mbili zilizo sambamba huku ukiwa unafananisha yale unayoyaona katika barabara hizo mbili (analogical/analytical reasoning).

Na njia ya nne, ambayo haikubaliki tangu mapinduzi ya kisayansi yalipobisha hodi duniani, ni ile ya ndoto na maoni. Ndoto ni maarifa yasiyoweza kuthibitika wala kukanushwa, ama na mtu yule yule aliyeota, au watu bado. Kwa maneno mengine ni ushirikina.

Kwa hiyo, hivi leo, maneno ulimwengu wa roho yanamaanisha ulimwengu wa akili inayofanya kazi kwa mujibu wa kanuni za kimantiki. Kanuni hizi ni za makundi matatu--inductive logic, deductive logic and analogical/analytical logic. Hilo ni somo rasmi katika vianga vya falsafa.

Hivyo, wale jamaa wanaosema kuwa wanaingia katika ulimwengu wa roho kwa njia ya ndoto na maono, lakini sio kwa kupitia kanuni za mantiki (logic), ni washirikina kama sio matapeli. Na wale wanaoyakubali yale wanayoambiwa na huyo anayedai kuota kuhusu yaliyoko katika ulimwengu wa roho ni wajinga. Wanahitaji kukombolewa.

Kilichowapata ni collective imbecilisation, yaani wamefanywa kuwa halaiki ya misukule inayoweza kuamurishwa ifanye inavyoagizwa, kila wakati na kila mahali. Huo ndio mtazamo wa kifalsafa kuhusu swali "ulimwengu wa roho ni kitu gani?"

Na kuhusu habari ya kifo, kisayansi tunasema hivi: Kifo ni tukio ambamo mwili wa kiumbe hai unapoteza nishati inayouwezesha kufanya haya: movement, excretion, respiration, reproduction, irritation, nutrition, growth.

Ni kama ambavyo sumaku ikigongwa kwa nyundo inapoteza nishati ya sumaku. Ni kama ambavyo flush ya kompyuta inapoteza data ikifomatiwa. Ni kama ambavyo kompyuta inapoteza program pale inaposhtuka kwa sababu ya umeme kukatika.

Programu, data na nishati ya sumaku haviendi mbinguni. Vinahama kwa mujibu wa kanuni zianazoongoza uhusiano uliopo kati ya maada na nishati, kama alivyoeleza Albert Eisntein katika mlinganyo wake huu: E=MC*C.

Miduara ya kibailojia, kijiolojia na kikemia (miduara ya bayojiokemia-biogeochemical cycles) kama vile mduara wa kabonidioksiadi (CO2), mduara wa nitrojeni dioksaidi (NO2), mduara wa Oksijeni (O2) na kadhalika, ni mifano hai kueleza jinsi protein za babu yako aliyekufa zinavyoingia kwenye mimea, ukala mimea na kupokea protein hiyo mwilini mwako. Matter is neither created nor destroyed.

Kwa hiyo habari ya kwenda "mbinguni" inaweza kuwa na maana moja tu: nishati kuingia katika miduara ya bayojiokemia kuanzia mwilini mwako, kwenye miamba, kwenye mimea, angani na kisha kurudi kwenye mwili wako. Kama mbingu inayoongelewa ni anga, nakubaliana na hoja ya "roho kwenda mbinguni."

Mchana mwema.

Mkuu Sued, ahsante kwa majibu yako mazuri yaliyojaa falsafa kwa sehemu nimekuelewa ingawa hapo uliposema ''waota ndoto ni washirikina! "
Nimejiuliza hapo, "je, wewe hujawahi kuota ndoto kweli? "
"Na je, ni kweli hata wale tunaoambiwa kwenye vitabu vya dini kuwa waliota/oteshwa ndoto nao walikuwa washirikina? "


Na hapa [emoji116]umenichekesha kweli, ati:

""" Kwa hiyo habari ya kwenda "mbinguni" inaweza kuwa na maana moja tu: nishati kuingia katika miduara ya bayojiokemia kuanzia mwilini mwako, kwenye miamba, kwenye mimea, angani na kisha kurudi kwenye mwili wako. Kama mbingu inayoongelewa ni anga, nakubaliana na hoja ya "roho kwenda mbinguni.""[emoji16][emoji16][emoji16][emoji16][emoji16]

 

[TRIPLE H]

.
Jawabu lipo. "Ulimwengu wa roho ni ulimwengu wa akili" iliyoko ubongoni mwako.

Kwa mujibu wa comment yako uliyomjibu Mshana jnr, umesema U NAKUBALIANA naye, lkn Mshana mwenyewe HAKUBALIANI na hicho umesema hapo juu!

Au unakubaliana na Mshana jnr wapi?

 

[TRIPLE H]

Ulimwengu wa roho, ni daraja la maisha lililo juu zaidi ya hili tuishilo yaani ulimwengyu wa kimwili. Unaweza kuuita "dimmansion au plane." Ulimwengu wa roho umegawanyika ktk sehemu tatu (present, past ,na future). Ulimwengu wa roho ni ule ambao mwili hauna uwezo wa kuishi. Kwa mfano vita ya kiroho hapiganwi kwa silaha za kimwili kama vile mapanga na bunduki , Bali ni kwa silaha za kiroho (kwa wakristo ni imani katika jina na damu ya Yesu, neno yaani maandiko na maombi.) Kwa waganga au walozi hutumia spells( manuizio,) ambayo hutumika kama ngao na silaha kwa anayepigana vita vya kiroho. Ulimwungu wa roho, ndio unaukamilisha ulimwengu wa mwili. Ili jambo litimie mwilini lazima lianzie rohoni. Ndiyo maana watu wanashindwa kuacha kufanya dhambi kwa sababu wanajaribu kuifanya miili yao iache kufanya dhambi. Watu wanatakiwa kuzuia roho zao kuwaza dhambi na sio miili yao. Ulimwengu wa roho katika past :- kwa mfano kama mtu alitupiwa laana (kufungwa) ,ili kumfungua Leo, waganga hutumia njia ya kusafiri kwa kutoka katika miili yao na kurudi katika miaka ya nyuma katika roho na kutafuta namna ya kufungua tatizo hilo. Vile vile katika future. Vili vile anaweza kutumia pepo au viumbe wa kiroho kutatua tatizo hilo.njia hii huhusisha kafara na mambo mengi. Kwa wakristo, hutumia maombi yaliyo katika imani katika jina na damu ya Yesu tu. Kila jambo linapokuwa limeharibika katika ulimwengu wa mwili, basi lilianzia kuharibika katika ulimwengu wa roho. Ulimwengu wa roho ni sehemu muhimu sana katika maisha yako ya ulimwengu wa kimwili. Good day .

Mkuu kwa mbaaali nimejaribu kukuelewa ijapokuwa bado natatizika kwenye eneo ulipo huo Ulimwengu na mtu anawasiliana nao kivipi hasa?

 

[TRIPLE H]

MTU ni nini? . Mtu ni city vitatu.( mwili+ roho= nafsi au nefesh.) Roho ni uhai nafsi ni maamuzi kuhusu mema na mabaya, mwili ni chombo au kitendea kazi cha nafsi na roho. MTU alivyoumbwa, Mungu alifinyanga mwili kisha akapuliza pumzi ya kimungu isiyokufa ndani ya udongoambao ni mwili. Kwa hiyo, roho au pumzi ya Mungu ilpoungana na mwili, kulifanyika kitu kingine kabisa, ndiyo nafsi au unaweza nafsi ukaiita Mimi. Roho pamoja na nafsi zimeunganishwa na mwili kwa kitu kiitwacho "silver cord". Silver cord, ni mkanda kama vile umbilical cord inayounganisha umbryo au mtoto na mama. Hii silver cord ni kama vile ukiwasha tochi usiku wa Giza, mwanga utafanya mstari unaong'gaa katika Giza. Na silver cord iko hivo .MTU anapokwa katika usingizi mzito, roho iliyo ndani ya nafsi hutoka katika mwili na kurandaranda nje ya mwili. Watu wanaofanya mazoezi ya kutoka katika miili yao (asral projection) huweza kuona silvercords zao pamoja na miili yao imelala vitandani. MTU anapokufa, roho+nafsi hujitenga na mwili, maana yake silvecord hukatika. Hivyo, kifo maana yake ni kukatika kwa silcercord. MTU hawezi kurudi katika mwili wake tena. Ndio utasikia watu wanasema " Fulani kakata kamba".silver cord imeonyeshwa katika kitabu cha mfalme Sulemani (Mhubiri 12:6. Kiswahili inaonyeshwa kama kamba ya fedha.(silver cord.) Sura hii ya 12:1-7, Mfalme Sulemani aliyepewa hekima na Mungu,anaelezea jinsi mtu anavopitia hatua za mwisho na hata kuingia katika mauti. Sasa basi. Mtu anapokufa, mwili unaharibika lakini roho na nafsi haziharibiki . roho itarudi kwa Mungu, nafsi (Mimi) itaenda kuzimu au mbingu ya tatu kusubiri Siku ya hukumu. Mpaka sasa, hakuna mtu yeyote aliyekufa ambaye Yuko motoni, wote wako aidha kuzimu,au paradiso( mbingu ya tatu.) Wakisubiri Siku ya hukumu. Kwa hiyo Siku ya hukumu, kitakacho hukumiwa kwenda motoni ni ile Mimi.(nafsi).....Are you there?.

Oh umeongeza jambo jipya hapo mkuu, SILVER CORD!!!!

Na pia sijaelewa uliposema roho inaenda mbinguni na nafsi inaenda paradiso au kuzimu!

Kwa hiyo kuna mbinguni, lkn pia kuzimu na paradiso?

Naomba ufafanuzi zaidi mkuu.

Ahsante.