Urusi: Mahakama yapiga marufuku Facebook na Instagram

[Miss Zomboko]

Mahakama mjini Moscow imepiga marufuku shughuli za Instagram na Facebook zinazoonesha "msimamo mkali" nchini Urusi, ripoti zinasema.

"Tunalikubali ombi la upande wa mashtaka la kupiga marufuku shughuli za [Instagram na kampuni mama ya Facebook] ya Meta," Jaji Olga Solopova alisema, kwa mujibu wa shirika la habari la serikali ya Urusi Tass.

Ofisi ya Mwendesha Mashtaka Mkuu wa Urusi imesema kuwa kumekuwa na machapisho makali kwenye mitandao ya kijamii, ikitoa wito wa vurugu dhidi ya raia wa Urusi, ikiwa ni pamoja na wanajeshi wa nchi hiyo walioko nchini Ukraine.

Mapema mwezi huu, waendesha mashtaka walitoa wito wa kufanyika uchunguzi wa jinai dhidi ya Meta.

Upatikanaji wa Facebook na Instagram tayari ulikuwa umezuiliwa nchini humo juu ya kile Moscow ilichokielezea kama kutumika kusambaza "habari za uongo" kuhusu uvamizi wake nchini Ukraine.

Meta imesema itawaruhusu watumiaji wa mitandao yake kupinga uvamizi wa Rais wa Urusi Vladimir Putin na wanajeshi wa Urusi.

Jaji alisema uamuzi wa mahakama hayuhusiani na huduma za mtandao wa WhatsApp, ambayo pia unamilikiwa na Meta.


BBC

 

[Numbisa]

Daah pole yao raia wa urusi

 

[let the caged bird sings]

putin anajua fika sasa a naingia kwenye first wave ya myumbo wa uchumi na ili kuzuia habari za makali ya vikwazo inabidi azuie social media zote.
tulioko nje ya urusi tutakuwa tunatumiwa picha za majenerali wachache wakinywa whisk ili kuaminisha dunia kuwa vikwazo havina Athali.

 

[Bwana Utam]

putin anajua fika sasa a naingia kwenye first wave ya myumbo wa uchumi na ili kuzuia habari za makali ya vikwazo inabidi azuie social media zote.
tulioko nje ya urusi tutakuwa tunatumiwa picha za majenerali wachache wakinywa whisk ili kuaminisha dunia kuwa vikwazo havina Athali.

Vikwazo havina athari ukweli usemwe

 

[FRANC THE GREAT]

Redundancy ya lazima kwa wale walioamua kujiajiri kupitia hiyo mitandao.

 

[let the caged bird sings]

PANDORA/AVATAR

Vikwazo havina athari ukweli usemwe

 

[pye Chang shen]

Vikwazo vinawaathiri walioviweka,
Shikamoo putin