Usawa wa kijinsia ni msingi wa jamii imara yenye haki na ushirikiano bora wa kimaendeleo

[The Sheriff]

Kupata usawa wa kijinsia si tu suala la haki za kibinadamu, bali pia ni jambo linalochangia kwa kiasi kikubwa katika maendeleo ya kijamii, kiuchumi, na kisiasa. Katika dunia ya sasa, jitihada za kuleta usawa wa kijinsia zimekuwa kitovu cha mijadala ya kimataifa na jitihada za serikali, mashirika ya kimataifa, na asasi za kiraia.

Ripoti ya Pengo la Jinsia Duniani 2023 (Global Gender Gap Report 2023) inaleta mwangaza kuhusu hali halisi ya usawa wa kijinsia katika nchi 146 duniani. Ripoti hii inaonesha kuwa pengo la jinsia limepungua kidogo, lakini bado kuna safari ndefu ya kufikia usawa kamili.

Safari ndefu kufikia usawa wa kijinsia

Kwa mujibu wa ripoti hiyo, pengo la kijinsia duniani limezibwa kwa 68.4%, ikiwa ni ongezeko la asilimia 0.3 kutoka asilimia 68.1% mwaka 2022. Hii inaashiria mwelekeo chanya katika kupunguza pengo la jinsia. Ni muhimu kuelewa kuwa pengo hili linahusu maeneo manne muhimu: elimu, afya, fursa za kiuchumi, na ushiriki wa kisiasa. Ripoti inaangazia jinsi nchi zinavyofanya katika kila moja ya maeneo haya na jinsi inavyochangia kwenye kuleta usawa wa kijinsia.

Ripoti hiyo pia inatoa mwangaza kuhusu jitihada za kuziba pengo la kijinsia katika maeneo/kanda tofauti duniani. Kwa kiwango cha kasi ya jumla ya uzibaji wa pengo la kijinsia duniani kwa sasa, eneo la Asia Mashariki na Pasifiki, kwa mfano, ambalo linaonekana kukabiliwa na changamoto kubwa, ripoti hiyo inakadiria kwamba litachukua miaka 189 kufikia usawa wa kijinsia. Hii inaonesha umuhimu wa kuchukua hatua thabiti za kuongeza usawa katika eneo hili.

Kwa upande mwingine, Latini Amerika na Karibiani inaonekana kuwa katika mwelekeo mzuri, ikikadiriwa kuchukua miaka 53 tu kufikia usawa wa kijinsia. Hii inaashiria umuhimu wa kuendeleza juhudi zinazoleta matokeo chanya na kusaidia wanawake kupata fursa sawa.

Hakuna shaka kwamba nchi za eneo la Nordic zinaongoza katika kufikia usawa wa kijinsia. Iceland imekuwa nchi ya kwanza kwa miaka 14 mfululizo, ikiwa imefunga asilimia zaidi ya 90% ya pengo la kijinsia. Norway, Finland, na Sweden pia zimeonesha mafanikio makubwa. Hii inaonesha kuwa sera na mipango madhubuti inaweza kuleta matokeo mazuri katika kujenga usawa wa kijinsia.

Hatua itakayosaidia kubadilisha hali

Wanawake bado wanakabiliwa na vikwazo vya kiuchumi na kijamii, na hii inaendelea kuwathiri sana maisha yao na familia zao. Wanawake wengi wanakosa fursa za elimu na mafunzo, na hivyo kujikuta katika ajira duni na zenye kipato kidogo.

Kuziba pengo la kijinsia ni hatua itakayosaidia kubadilisha hali hii. Kutoa wanawake fursa sawa za kujipatia kipato na kushiriki katika shughuli za kiuchumi kunaweza kuinua hali yao ya kiuchumi na kijamii. Wanawake wanapopata fursa za kazi bora, ujuzi, na elimu, wanaweza kujenga njia za kujitegemea, kuwekeza katika maendeleo yao binafsi na familia zao, na hatimaye kuchangia katika ujenzi wa jamii yenye usawa na endelevu. Kwa hiyo, kuziba pengo la kijinsia si tu ni suala la haki za binadamu, bali pia ni njia muhimu ya kupunguza umaskini na kujenga mazingira yenye maendeleo endelevu kwa wote.

Ni wakati wa kuweka mikakati madhubuti na kuongeza kasi ili tuweze kuondoa pengo la jinsia na kujenga jamii yenye usawa kwa kila mtu. Hii inahitaji juhudi za pamoja kutoka kwa serikali, mashirika ya kimataifa, asasi za kiraia, na jamii kwa ujumla. Kwa kufanya hivyo, tunaweza kusonga mbele kuelekea dunia yenye usawa wa kijinsia.

 

[General Nguli]

Haya mambo ndo yanayo tuaribia jamii zetu. Watoto wa kike kuwaweka sawa katika maisha ya kawaida ni kuipoteza uhalisia wa Jamii.

Sasa mwanamke anakuwa na nguvu na anakuwa anatawala, je? Kutakuwepo na kizazi kipi na tukijua kabisa watoto wanatakiwa kulelewa na mama kwa ukaribu na kuwasoma mwenendo wa watoto na huku mama yuko bize majukwaani kuomba kura.

Ki ukweli lengo la hii Program nitofauti na mapenzi ya Mungu.

Post kama hizi si za kuzisaport.

 

[Joseverest]

Haya mambo ndo yanayo tuaribia jamii zetu. Watoto wa kike kuwaweka sawa katika maisha ya kawaida ni kuipoteza uhalisia wa Jamii.

Sasa mwanamke anakuwa na nguvu na anakuwa anatawala, je? Kutakuwepo na kizazi kipi na tukijua kabisa watoto wanatakiwa kulelewa na mama kwa ukaribu na kuwasoma mwenendo wa watoto na huku mama yuko bize majukwaani kuomba kura.

Ki ukweli lengo la hii Program nitofauti na mapenzi ya Mungu.

Post kama hizi si za kuzisaport.

na ndio maana unaona imepata wachangiaji hafifu