USIPOKUWA MWANAUME WA MAANA MKEO HAWEZI KUBALI KUITWA KWA MAJINA YAKO.
Anàandika, Robert Heriel
Mtibeli.
Moja ya dalili kuwa wewe sio mwanaume aliyefanikiwa ni pamoja na kuangalia kama mkeo anatumia majina yako na anayafurahia.
Ukiwa mwanaume uliyeshindwa, usiye na hadhi, mwanaume usiye wa maana hakuna Mwanamke ambaye atapenda aitwe kwa majina yako.
Mfano, mkeo anaitwa Aneth Alfonse kadobe. Hilo ndilo jina ulilomkuta nalo.
Alafu wewe unaitwa Sadick Aidan Njiwa.
Mkeo hawezi kukubali kuitwa Mama Njiwa au Aneth Njiwa. Atajitambulisha kwa majina ya ukoo wake.
Ni vizuri kuelewa saikolojia ya mahusiano hasa kwa Wanawake jinsi inavyofanya kazi.
Ukiona Mkeo anakataa kujiita kwa majina yako ujue kuwa hadhi yako ipo chini ukilinganisha na hadhi ya kwao. Yaani hujafika pale alipokuwa anataka ufike.
Wanawake wakiolewa na wanaume wa ndoto zao. Hawaoni shida kubadilisha chochote kwaajili ya waume zao. Ikiwemo jina lao.
Hapo utakuta Kina Misheli Obama, Salma Kikwete, Janeth Magufuli, Maria Nyerere n.k.
Mwanamke Kutumia jina lako kuna tafsiri nyingi mno. Mojawapo ni anajivunia wewe, pili anakuheshimu na kukuona wewe ni mtu wa maana.
Elewa kuwa ni uamuzi wa Mkeo kuamua kuchukua majina yako au kutoyachukua. Hivyo sio umlazimishe mkeo kuchukua majina yako ikiwa yeye anakuona huna la maana, huna hadhi na heshima hiyo.
Muache Mwanamke atumie majina yako kwa hiyari yake mwenyewe.
Elewa kuwa, Wanawake pia kama hueleweki hawapendi hata jina lako litumike kwa watoto wao. Kwao huona aibu na kujishushia thamani.
Mwanamke kiasili kaumbwa kwa uzuri wa nje na kupenda kuona vitu vizuri. Iwe ni uzuri wa kimaumbile, kifedha au urembo.
Hakikisha familia yako, inatambulika kwa jina lako(wewe mwanaume). Sio kwa Mama Fulani, bali kwa mzee Fulani.
Hakikisha Mkeo akijitambulisha ajivunie kina lako. Mfano, mimi ni Mama fulani(jina lako).
Elewa kuwa Mwanamke asipoheshimu na kuthamini jina lako basi mpaka watoto na wajukuu zako hawatalithamini wala kuliheshimu.
Yaani utakuwa mzee uliyeshindwa na kudharaulika.
Usije ukaleta ukoloni wako wa kibwege au mfumo dume wa kijinga ukidhani ndio utajenga heshima ya jina lako. Ubabe wa kijinga utazidi kukuharibia.
Taikon najua Ubaba ni Ubabe, hata mimi natumia hiyo. Lakini ubabe wa haki, maarifa, akili, ujuzi, na mambo memba.
Sio ubabe wa kipuuzi na kijinga. Wewe utakuwa Mpumbavu tuu.
Hakikisha unajua mambo mengi kiasi kwamba kwenye mambo ambayo mkeo atakuuliza basi 80% uwe na majibu ya maswali yake.
Mwanaume ni multichoice, multiplayer, na multipurpose.
Mwanamke anataka umsikilize lakini usimsikilize kwa kila kitu. Kumsikiliza inamaanisha kuheshimu maamuzi yake. Na kama utafanya tofauti uwe na maelezo toshelevu yenye hoja shawishi akuelewe.
Mwanamke usitumie nguvu kudili naye. Atakushinda mapema sana. Na wewe hutojua amekushinda mpaka siku ukianza kuona amebadilika jua ameshayazoea Maguvu yako.
Njia pekee ambayo Mwanamke atakuheshimu ni kumzidi Akili na maarifa. Kwa sababu wanawake wengi ni Watu wakutumia Trick nyuma ya hisia zao kuzubaisha wanaume wajinga na wanaotumia nguvu.
Ili Mwanamke ajivunie jina lako na alitumie. Uwe na moja ya mambo yafuatayo;
1. Akili na ujue kuzitumia
2. Mali kulingana na wakati husika
3. Umashuhuri fulani kama kipaji kwa kiwango cha juu.
4. Cheo au Mamlaka
5. Handsome Boy.
Ukiwa na hayo Mwanamke hata uachane naye bado atajivunia Historia aliyoipitia kuwa na wewe. Hata akisimulia rafiki zake au wajukuu zake lazima kuna Sehemu lazima akutaje.
Taikon nimemaliza. Mwenye swali aweza kuuliza.
Robert Heriel
Taikon wa Fasihi
Kwa sasa Dar es salaam