Uzi maalum wa kupeana Likes: Comment chochote upate "Like"

Nyongo ( Bile) Ni Nini?

Nyongo ni juisi inayotumika kumeng'enyea chakula ambayo huzalishwa na ini na kutunzwa ndani ya mfuko wa nyongo. Nyongo haina kimeng'enya (enzymes) lakini ina asidi inayosaidia kumeng'enya mchanganyiko wa mafuta mwilini.
 
Kazi Za Nyongo

Nyongo ina kazi kubwa mbili:

Kusaidia umeng'enywaji wa mafuta na kusharabiwa kwenye utumbo mwembamba-Chumvi chumvi iliyo kwenye nyongo hujishikiza na mafuta yanayotokana na chakula na kupenya kuingia kwenye mishipa ya damu na badaye hurejeshwa kwenye nyongo.
 
Kusaidia kutoa uchafu nje toka kwenye damu- Mwili una kawaida ya kuvunja chembe hai nyekundu za damu zilizozeeka na kutengeneza mpya. Nyongo ndio huchua mabaki haya (bilirubin) na kutoa ncje kama uchafu.
 
Mfuko Wa Nyongo (Gallbladder) Ni Kitu Gani?






Mfuko wa nyongo ni kifuko kidogo sana kama ukubwa wa pera hivi ambacho hutunza nyongo. Kama nilivyoeleza hapo juu,nyongo inayotunzwa kwenye mfuko wa nyongo huzalishwa na ini. Ini huzalisha ml 600 hadi lita moja ya nyongo kwa siku (masaa 24) japo mfuko wa nyongo huweza kutunza ml 40 hadi 60 tu za nyongo kwa mara moja.
 
Mawe Kwenye Mfuko Wa Nyongo-Gallstone


Mawe kwenye mfuko wa nyongo ni miongoni mwa matatizo yenye kuisumbua sana jamii kwa sasa. Ukisikia mawe kwenye mfuko wa nyongo ni vizuri ukafahamu kuwa si mawe halisi bali ni vichembe chembe vigumu hivi vinavyokusanya kwenye kiasi kikubwa hutunzwa kwenye mfuko wa nyongo.
 
Aina Za Mawe Kwenye Mfuko Wa Nyongo



Ziko aina mbili za mawe kwenye mfuko wa nyongo. Aina hizo hutokana na jinsi mawe hayo yanavyosababishwa:
 
Cholestrol Stones- ni mawe kwenye mfuko wa nyongo yanayosababishwa na kuzidi kwa lehemu (cholestrol) kwenye mfuko wa nyongo. Mawe haya huwa na rangi ya kjani-njano hivi. Ndiyo aina iliyoenea na kuzoeleka sana ya mawe kwenye mfuko wa nyongo.
 
Pigment Stones- Ni mawe kwenye mfuko wa nyongo yanayotokana na kujikusanya kwa bilirubin (mabaki ya kuvunjwa vunjwa kwa chembe hai nyekundu za damu) kwenye mfuko wa nyongo.
 
Chanzo Cha Mawe Kwenye Mfuko Wa Nyongo



Ziko sababu kuu tatu zinazochangia mawe kujaa kwenye mfuko wa nyongo. Sababu hizo ni kama zifuatazo:
 
1. Kuongezeka lehemu (cholestrol) kwenye nyongo: kwa kawaida nyongo huzaishwa na ini na kutunzwa ndani ya mfuko wa nyongo. Lakini pia ini huzalisha lehemu japo kuna kiasi fulani cha lehemu huingia mwilini kwa njia ya chakula. Lehemu ikizidi kwenye nyongo husababisha mawe kutokea.
 
2. Nyongo kujawa na bilirubin nyingi- bilirubin ni mabaki yanayotokana na kuvunjwa vunjwa kwa chembe hai nyekundu za damu (red blood cells) ndani ya ini. Mabaki haya yasipotolewa mwilini hujikusanya na kujazana kwenye mfuko wa nyongo.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…