Meneja wa Watford Javi Garcia atajaribu kumfanya kiungo wa kati wa Sunderland na Gabon Didier Ndong, 23, kuwa mchezaji wake wa kwanza kumnunua tangu apewe kazi hiyo. (Sun)
West Brom wako tayari kuwasilisha ofa ya £18m kutaka kumnunua mshambuliaji wa Watford Troy Deeney, 29. Mwingereza huyo hakuchezea klabu hiyo ilipolazwa Kombe la FA Jumamosi. (Birmingham Mail)
Newcastle huenda wakarejea na ofa ya tatu na ya mwisho kwa mshambuliaji wa Feyenoord na Denmark Nicolai Jorgensen, 27, katika saa 24 zijazo. (Chronicle)
Crystal Palace wanatafakari uwezekano wa kuwasilisha ombi la kumtaka mshambuliaji Mwingereza wa Burnley Ashley Barnes, 28, ambaye amesalia na miezi 18 pekee katika mkataba wake wa sasa Turf Moor. (Sky Sports)
Meneja wa Manchester United Jose Mourinho amehakikisha kabati la mchezaji wake mpya Alexis Sanchez linakaribiana na la Marcus Rashford kuhakikisha uhusiano kati ya wawili hao unaimarika ndani na nje ya uwanja. (Sun)
Klabu ya Ujerumani ya FC Kaiserslautern ndiyo ya karibuni zaidi kumtaka mshambuliaji kutoka Sweden anayechezea Bristol City Gustav Engvall, 21. (Sport Bladet kupitia Bristol Post
Stoke City itatakiwa kulipa Euro milioni 16 kugharimia usajili wa mchezaji wa Galatasaray na mchezaji wa kiungo cha kati kutoka Senegal Badou Ndiaye. Stoke City tayari walikataliwa mkataba huo kwa Euro milioni 14 kwa ajili ya kijana huyo mwenye umri wa miaka 27. (Sun)
Arsenal watamruhusu mchezaji fowadi Olivier Giroud kuhamia Chelsea ikiwa mahasimu wao katika Premier League watakubali kumgharimia Mfaransa huyo mwenye 31 kwa Euro milioni 35 anazozitaka. (Mail)
Arsenal watamruhusu mchezaji fowadi Olivier Giroud kuhamia Chelsea ikiwa mahasimu wao katika Premier League watakubali kumgharimia Mfaransa huyo mwenye 31 kwa Euro milioni 35 anazozitaka. (Mail)
Meneja wa Blues Antonio Conte anasisitiza kuwa mshambuliaji mbelgiji Michy Batshuayi mwenye umri wa miaka 24 ambaye anahusishwa na deni la kumuondosha kwenye kilabu chake, sio lazima aondoke mwezi huu. (Evening Standard).
Mshambuliaji wa West Ham na Senegal Diafra Sakho, 28, amefufua mazungumzo na klabu ya Rennes kuhusu uwezekano wake kuhamia klabu hiyo ya Ufaransa kwa £9m. (Mail)