Uzi maalum wa kupeana Likes: Comment chochote upate "Like"

Hatima ya mbunge wa Mbeya Mjini (Chadema), Joseph Mbilinyi ‘Sugu’ anayeshtakiwa kwa kosa la kutumia lugha ya fedheha dhidi ya Rais John Magufuli itajulikana leo.

Sugu na katibu wa Chadema Kanda ya Nyanda za Juu Kusini, Emmanuel Masonga wanakabiliwa na kesi hiyo katika Mahakama ya Hakimu Mkazi Mbeya ambayo leo itatoa hukumu.
 
Washtakiwa hao wanadaiwa kutenda kosa hilo kwenye mkutano wa hadhara uliofanyika Desemba 30 mwaka jana, Uwanja wa Shule ya Msingi Mwenge jijini Mbeya.

Hakimu Mkazi Mfawidhi, Michael Mteite anatarajiwa kutoa hukumu baada ya upande wa mashtaka na utetezi kukamilisha ushahidi tangu Februari 9.
 
Jamhuri iliwasilisha mashahidi watano na kielelezo kimoja cha sauti iliyodaiwa kurekodiwa na shahidi wa tano, Inspekta Joram Magova.

Upande wa utetezi uliwasilisha mashahidi sita wakiwamo Sugu na Masonga waliokana kutamka maneno wanayoshtakiwa kuyatoa.
 
Awali, washtakiwa hao walitetewa na mawakili; Sabina Yongo, Boniface Mwabukusi na Hekima Mwasipu lakini walijitoa.

Kwa mara ya kwanza, Sugu na Masonga walifikishwa mahakamani Januari 16 na kusomewa mashtaka na Wakili wa Serikali Mkuu, Joseph Pande aliyeeleza upelelezi ulikuwa umekamilika na walikuwa tayari kuendelea na usikilizaji.
 
Mawakili wengine wa Serikali walioendesha kesi hiyo ni Ofmed Mtenga na Baraka Mgaya.

Wakili Yongo aliiomba Mahakama kuwapa muda ili aweze kukaa na wateja wake kujadiliana kuhusu mashtaka hayo. Hakimu Mteite alikubali ombi hilo.
 
Upande wa mashtaka ukiongozwa na Wakili Pande uliiomba Mahakama kuzuia dhamana kwa washtakiwa akitoa sababu kwamba ni kwa ajili ya usalama wao.

Wakili Yongo alipinga ombi hilo akisema dhamana ni haki ya kikatiba ya washtakiwa.
 
Hata hivyo, Hakimu Mteite alikubaliana na hoja ya upande wa mashtaka na kuzuia dhamana, hivyo Sugu na Masonga walikaa mahabusu katika Gereza Kuu la Ruanda kwa siku 24 kabla ya kuachiwa kwa dhamana Februari 9, kwa sharti la kusaini bondi ya Sh5 milioni kila mmoja.
 
Hata hivyo, Hakimu Mteite alikubaliana na hoja ya upande wa mashtaka na kuzuia dhamana, hivyo Sugu na Masonga walikaa mahabusu katika Gereza Kuu la Ruanda kwa siku 24 kabla ya kuachiwa kwa dhamana Februari 9, kwa sharti la kusaini bondi ya Sh5 milioni kila mmoja.
 
Yaliyojiri mahakamani

Kabla ya kuanza kutoa ushahidi, Sugu na Masonga wakiongozwa na mawakili wao Mwabukusi, Mwasipu na Yongo walimkataa Hakimu Mteite kuendelea kusikiliza kesi wakidai ana upendeleo, hawana imani naye.

Walimtaka ajiondoe na Mahakama impangie hakimu mwingine atakayeendesha kesi bila upendeleo.
 
Hakimu Mteite aligoma kujiondoa katika kesi hiyo akisema sababu zilizotolewa na washtakiwa hazina mashiko kisheria kwa kuwa suala la hakimu kujitoa katika kesi lipo kisheria na kwa sababu za msingi.

Aliamuru kesi kuendelea kwa Sugu na Masonga kuanza kutoa ushahidi.
 
Baada ya Hakimu Mteite kugoma kujitoa katika shauri hilo, mawakili wa utetezi Mwabukusi, Mwasipu na Yongo walitangaza kujiondoa kuwawakilisha washtakiwa.

Mawakili hao walitangaza kujiondoa wakisema hawaoni sababu ya kuwawakilisha wateja wao hao wakati tayari wamepishana na Mahakama.
 
Baada ya Hakimu Mteite kugoma kujitoa katika shauri hilo, mawakili wa utetezi Mwabukusi, Mwasipu na Yongo walitangaza kujiondoa kuwawakilisha washtakiwa.

Mawakili hao walitangaza kujiondoa wakisema hawaoni sababu ya kuwawakilisha wateja wao hao wakati tayari wamepishana na Mahakama.
 
Wakili Mwabukusi alisema, “Wakili ukiona huoni nuru au taratibu zinazoendelea ndani ya mahakama huna weledi nazo kuweza kumwakilisha mteja wako kikamilifu, wajibu wako ni kujitoa. Hivyo mimi na msaidizi wangu wakili Yongo tumejitoa rasmi kuwawakilisha wateja wetu.”

Wakili Mwasipu alisema kwa kuwa wateja wake tayari wameonekana kupishana na mahakama, haoni sababu ya kuendelea kuwawakilisha katika kesi hiyo.
 
Kutokana na hilo, Sugu na Masonga waliiomba mahakama kuwapata siku 14 ili watafute mawakili wengine. Ombi hilo lilikubaliwa na mahakama.

Februari 8, Sugu na Masonga walianza kutoa ushahidi wakiwa na wakili mpya, Peter Kibatala.

Wakili huyo aliwaongoza mashahidi sita kutoa ushahidi akiwamo Mkuu wa Upelelezi Mkoa (RCO) wa Mbeya, Modestus Chambu.
 
Viongozi wanaume na wanawake wamealikwa kukutana jijini Dar es Salaam ili kujadili namna gani ya kumwezesha mwanamke katika vyombo vya uamuzi ngazi ya jamii na kitaifa.

Mwaliko unaowataka viongozi hao wakiwamo wa kisiasa na kiserikali kuhudhuria, umetolewa na Mtandao wa Jinsia Tanzania (TGNP) kwa ushirikiano na viongozi mbalimbali wa Serikali ambapo unalenga kusanyiko hilo lifanyike Februari 27.
 
Kulingana na waandaaji wa kongamano hilo washiriki 250 wakiwemo baadhi ya viongozi wanawake na wanaume waliopo madarakani watashiriki huku mgeni rasmi akitarajia kuwa Mbunge wa Hanang, Dk Mary Nagu.

Akizungumza jijini hapa jana, Mkurugenzi Mtendaji wa TGNP, Lilian Liundi alisema kongamano hilo litatambua uongozi wa wanawake majukwaani na nyuma ya pazia wenye mrengo wa kijinsia ambao utazingatia usawa katika sekta ya umma na binafsi.
 
Liundi alisema katika kusanyiko hilo wanalenga kutoa hamasa kwa viongozi wanawake waliopo kuamsha ari ya kubeba masuala yanayohusu akina mama katika ngazi mbalimbali kama ajenda yao ya uchechemuzi.

Alisema pia wanalenga kutambua mchango wa wanawake viongozi na wake za viongozi wa zamani na sasa katika maendeleo na mabadiliko yenye mrengo wa kijinsia na hatua wanazofanya kuendeleza ajenda ya usawa wa kijinsia na uwekezaji wa wanawake nchini.
 
Liundi alisema kihistoria wanawake duniani wanachukua jukumu la kulea familia na ni walinzi-walezi ambao wamekuwa wakitumia kati ya saa 10 hadi 15 kufanya huduma hizo.

Alisema kuwa, licha ya jitihada zao katika kuleta maendeleo, michango yao bado haitambuliki rasmi mfano kuhesabika katika mchango wa uchumi wa nchi.
 
Mkuu wa Idara ya Ujenzi wa Nguvu ya Pamoja TGNP, Grace Kisetu aliitaka jamii kutambua mchango wa wanawake katika maendeleo ya Taifa kwa kuhakikisha wanakuwa sehemu ya mafanikio ya uchumi ili michango yao ionekane na kuthaminika.

Alisema hatua hiyo itawasaidia kuwa na ujasiri na kujitambua zaidi.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…