Uzi maalum wa kupeana Likes: Comment chochote upate "Like"

Shahidi wa tatu wa upande wa mashtaka, WP 6441 DC Mary (35) ameileza Mahakama ya Hakimu Mkazi Kisutu kuwa msanii wa filamu nchini, Wema Sepetu alimueleza kuwa anatumia bangi kama starehe.

Shahidi huyo amedai hayo leo Februari 26, 2018 wakati akiongozwa kutoa ushahidi na Wakili wa Serikali, Constantine Kakula mbele ya Hakimu Mkazi Mkuu, Thomas Simba.
 
Mary amedai kuwa Februari 4, 2017 alipewa maelekezo na mkuu wake wa kazi OC CID, Denis Mujumba kumtoa Wema mahabusu na kwenda nyumbani kwa msanii huyo kufanya upekezi.

Amedai kuwa alimtoa msanii huyo mahabusu na kuondoka naye katika gari wakiwa yeye, OC CID Mujumba, Inspekta Wille, Koplo Robert na DC Hassan kuelekea nyumbani kwa Wema, Bunju Basihaya.
 
Amedai kuwa wakiwa njiani alimueleza Wema kuhusu tuhuma zinazomkabili kuwa anahusika na uuzaji wa dawa za kulevya ama kutumia.

Shahidi huyo ameeleza kuwa baada ya kumueleza Wema hayo, alisema yeye hajishughulishi na uuzaji Ila anatumia bangi kama starehe.
 
Cookies are required to use this site. You must accept them to continue using the site. Learn more…