Uzi maalum wa kupeana Likes: Comment chochote upate "Like"

Olivier Giroud

CHELSEA wapo katika mazungumzo ya nguvu na Marseille kwa ajili ya kumuuza staa wao, Olivier Giroud kwa dau la pauni 20 milioni tu baada ya staa huyo kutokuwepo katika mipango ya kocha mpya, Maurizio Sarri.

Wababe hao wa Stamford Bridge walimnasa staa huyo Mfaransa katika dirisha la Januari akitokea Arsenal walipokuwa chini ya kocha, Antonio Conte lakini sasa wanataka kuachana naye na kutafuta mshambuliaji mpya.
 
MKURUGENZI wa ufundi wa Barcelona, Eric Abidal amekanusha kwamba alikutana na kiungo wa Manchester United, Paul Pogba ambaye ni Mfaransa mwenzake na kujadili uhamisho wa staa huyo kwenda Nou Camp.

Hivi karibuni iliripotiwa kwamba Abidal ambaye ni staa wa zamani wa Barcelona alikutana na Pogba kuangalia uwezekano wa kutua Nou Camp baada ya staa huyo kukiri kwamba hana furaha na maisha ya Old Trafford chini ya kocha, Jose Mourinho.
 
Cristian Pulisic

LIVERPOOL wanataka kurudia mpango walioufanya kwa staa wao mpya wa kimataifa wa Guinea, Naby Keita kwa kumnasa kiungo mahiri wa Borussia Dortmund, Christian Pulisic na kisha kumwacha klabuni hapo mpaka mwakani.

Kocha wa Liverpool, Jurgen Klopp alifanya hivyo kwa Keita msimu uliopita na yupo tayari kurudia tena kwa Pulisic ambaye ni mmoja kati ya mastaa wanaotamba katika Ligi Kuu ya Ujerumani Bundesliga na amekuwa akitakiwa na klabu mbalimbali.
 
EVERTON hawapo tayari kufikia dau la pauni 35 milioni kwa ajili ya mlinzi wa Barcelona na timu ya taifa ya Colombia, Yerry Mina na badala yake wameiachia Manchester United staa huyo huku wao wakiwa wameelekeza macho yao kwa staa wa United, Marcos Rojo.

Awali Everton ilikuwa inaongoza katika mbio za kumsaka Mina lakini sasa wameachana na mpango huo huku wakiipa nafasi United ambayo inaweza kumnasa Mina muda wowote kuanzia sasa na kwa kufanya hivyo watamruhusu Rojo aondoke.
 
Lewis Cook

TOTTENHAM wanajipanga kutoa kiasi cha pauni 30 milioni kwa ajili ya kumnasa kiungo wa Bournemouth, Lewis Cook,21, ambaye alikuwa nahodha wa timu ya vijana ya England chini ya umri wa miaka 20 katika michuano ya kombe la dunia chini ya umri huo mwaka jana.

Mpaka sasa kocha, Mauricio Pochettinho wa Tottenham hajafanikiwa kumnasa mchezaji yeyote katika dirisha hili na kuna uwezekano Cook akawa staa wake wa kwanza kumnasa hasa baada ya kuumia kwa Victor Wanyama.
 
Mateo Kovacic

KIUNGO wa Real Madrid na timu ya taifa ya Croatia, Mateo Kovacic, 24, hatajiunga na Manchester United kwa sababu haitaki kucheza chini ya kocha, Jose Mourinho na havutiwi na staili ya kocha huyo Mreno.

Kovacic anataka kuondoka Santiago Bernabeu na amekuwa akiwaniwa na klabu mbalimbali kubwa zikiwemo Chelsea na Manchester United lakini amewaambia watu wake wa karibu kwamba hana mpango wa kujiunga na United.
 
Duh!!! Atadoda!
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…