Tamaa mbaya, mawazo mabaya, mitazamo mibaya inayotokea kwenye maisha yako yanaweza kutoweka kwa urahisi kuliko unavyofikiria . Unapokuwa unafikiria vibaya kila mara unaongeza risk ya uharibifu wa akili yako, unasababisha matatizo ya afya yako, Mahusiano yako, kipato chako hakiwezi kukaa vizuri.
Lakini habari ya mijini ni hii , kila mtu anaweza kujifunza jinsi ya kuondokana na Negative thinking. Mimi nimejifunza kitu kikubwa hapa, Kwamba mtu anapoamua kujifunza kubadilisha mawazo mabaya aliyonayo juu ya kitu chochote , sio tu atajisikia vizuri bali tabia inabadilika pia
Kutengeneza tabia nzuri ni ngumu , lakini kuishi tabia nzuri ni rahisi. Na kutengeneza tabia mbaya ni rahisi lakini kuishi tabia mbaya ni ngumu kupita kiasi. Wazazi wengi wanalea watoto kimayai , wanasahau kuwa kiburi cha mtoto kinaanzia akiwa na umri wa miaka 3. Hapo usimnyime mtoto fimbo kila anapokosea. Ni vizuri kuanza kujenga misuli ya akili inayofikiri mazuri mapema.
Mawazo haya husimamia hapa; Kujilaumu, kutazama Habari mbaya, Huzuni ya kuotea, mawazo mabaya juu ya wengine, kazi , biashara, mahusiano. Usipokuwa makini unaweza kufikiri ni mawazo mazuri lakini sio. Tambua ni jinsi gani mawazo mabaya yanavyokuja kwako.
1.Kujilaumu. Mahali ambapo unatakiwa kuchukua jukumu lako na kujiona kuwa huwezi kutimiza lengo kutokana na tatizo la kiakili ndani yako ni kutokujua kutumia muda wako vizuri. Kila kitu utakuwa unaona kama unaharibu. Jaribu kutazama muda ulionao na ule ambao umetumia unapokuwa unajilaumu utagundua kuwa kuna tatizo ndani yako mwenyewe.