Kiungo wa kati wa Manchester United Paul Pogba anawakosea heshima wapinzani wake kwa jinsi anavyosherehekea kufunga mabao, hilo kwa mujibu wa kiungo wa kati wa zamani wa Chelsea Claude Makelele. Pogba amekuwa akisherehekea kufunga mabao kwa kucheza ngoma, lakini Makelele anaamini amevuka mipaka. "Inaudhi sana. Namshauri Pogba. Nataka kumwambia, 'Sikiliza, nenda kama hivyo katika chumba cha kubadilishia mavazi, sio sasa [uwanjani]. Inaudhi sana. Mnashinda 4-0, kisha unacheza ngoma hapa mbele yangu," amesema Makelele (Daily Mirror)