Kwenye Ligi Kuu England msimu huu, Arsenal imevuna pointi 12 katika mechi 10 ilizocheza dhidi ya wababe wenzake wa Top Six kwenye ligi hiyo kwa msimu huu.
Pointi hizo 12 ni mara mbili ya kile ilichovuna msimu uliopita ambapo kwenye mechi za Top Six iliambuliwa pointi sita tu. Msimu huu wameonekana kuwa moto zaidi na kugoma kupoteza pointi ovyo wakiwa chini ya kocha Unai Emery.
Tangu alipoanza kucheza kwenye Ligi Kuu England mechi yake ya kwanza Februari 2018, straika wa Arsenal, Pierre-Emerick Aubameyang amefunga mabao 18 katika mechi zilizochezwa kwenye uwanja wa nyumbani.
Kwa mabao hayo, staa huyo wa kimataifa wa Gabon anazidiwa na Mohamed Salah wa Liverpool (mabao 20) na Sergio Aguero wa Manchester City (mabao 19) kwa kufunga mara nyingi kwenye mechi za nyumbani kwa kipindi hicho cha kuanzia Februari mwaka jana hadi sasa.
Mara nyingi, Arsenal ilipomenyana na Man United Jumapili, basi wamekuwa wakiibuka na ushindi. Juzi Jumapili, walifanya hivyo tena waliposhinda 2-0, shukrani kwa mabao ya Granit Xhaka na Pierre-Emerick Aubameyang.
Eden Hazard amekuwa mchezaji wa tatu wa Chelsea baada ya Frank Lampard na Didier Drogba kwa kufikisha mabao 50 au zaidi ya Ligi Kuu England uwanjani Stamford Bridge.
Manchester United peke yao ndiyo yenye wachezaji wengi, watano waliofikisha mabao 50 au zaidi kwenye Ligi Kuu England katika mechi zao walizocheza uwanja wa nyumbani, Old Trafford.
Mbrazili huyo amefunga mabao 10 na zaidi kwa misimu minne aliyochezea Liverpool kwenye Ligi Kuu England na hivyo kuwa mtumishi muhimu kabisa kwenye kikosi hicho chenye maskani yake Anfield.