Uzi maalum wa kupeana Likes: Comment chochote upate "Like"

KUTOKANA NA mkwanja mrefu unaomwagwa huko kwenye Ligi Kuu England, imekuwa si kitu cha kushangaza kwa ligi ya nchi hiyo kushuhudia idadi kubwa ya wachezaji wenye viwango vikubwa kisoka.
 
Wakati wanasoka bora kabisa kuliko wote, Lionel Messi na Cristiano Ronaldo wakipatikana kwenye ligi za nchi nyingine, sambamba na Kylian Mbappe, Antoine Griezmann na Paulo Dybala wakicheza kwingineko, kwenye Ligi Kuu England kuna mastaa wa maana kabisa kama Harry Kane, Eden Hazard, Paul Pogba na wakali wengine wanaofanya ligi hiyo kuwa na mvuto mkubwa.
 
Kampuni inayojihusisha na kutoa thamani za wachezaji, CIES Football Observatory, imeweka orodha ya mchezaji mmoja kwenye kila timu ya Ligi Kuu England mwenye thamani kubwa kwa sasa kama utahitaji kupata saini yake ni kiasi gani cha pesa unavyopaswa kulipa sokoni.
 
Kwa mujibu wa CIES Football Observatory, straika wa Tottenham Hotspur, Harry Kane ndiye mchezaji mwenye thamani kubwa zaidi sokoni kwenye Ligi Kuu England. Hata hivyo, thamani hizo hazina uhalisia wa bei wanazouzwa wachezaji kwa sasa kutokana na klabu kutumia pesa nyingi sana kwenye kunasa huduma za wachezaji hata ukweli wa thamani zao haupo hivyo. Mfano, Neymar alinaswa kwa Euro 222 milioni na Paris Saint-Germain kutoka Barcelona mwanzoni mwa msimu uliopita, wakati kimsingi haikuwa thamani yake halisi kwenye soko la wachezaji.
 
Hii hapa orodha ya mastaa 20 kutoka klabu zinazocheza Ligi Kuu England msimu huu na thamani zao sokoni kwa mujibu wa kampuni hiyo ya CIES Football Observatory.
 
Cookies are required to use this site. You must accept them to continue using the site. Learn more…