Uzi maalum wa kupeana Likes: Comment chochote upate "Like"

Vaa kofia ngumu
Usalama wa mtumiaji wa usafiri wa pikipiki au bodaboda, unategemea kwa kiasi kikubwa uvaaji wa kofia ngumu. Kofia ngumu hukinga kichwa chako mara upatapo ajali, pia kofia ngumu hukulinda na athari za kimazingira kama vile upepo na vumbi.

Ili kuepuka kifo au majeraha makubwa wakati wa ajali, ni vyema kuhakikisha unatumia kofia ngumu.
 
Tambua hali ya hewa
Usafiri wa pikipiki huathiriwa sana na hali ya hewa. Ni muhimu sana kuchunguza hali ya hewa ya eneo unalotaka kwenda kabla ya kuanza safari.

Kumbuka unapokwenda eneo lenye mvua unaweza kukutana na changamoto ya utelezi ambayo inaweza kusababisha ajali.
 
Epuka mwendo kasi
“Mwendo kasi unaua.”

Chanzo cha ajali nyingi za pikipiki ni madereva wa pikipiki kuendesha pikipiki zao kwa mwendo mkubwa. Hili huwafanya washindwe kuzimudu mara kunapotokea kitu cha ghafla barabarani. Ikiwa huna haraka sana, basi nenda kwa mwendo wa wastani ili ufike salama kule uendako
 
Kuwa makini unapompita mwingine (overtake)
Chanzo kingine kikubwa cha ajali za barabarani kwa magari na pikipiki ni kupita (overtake) vyombo vingine. Kumbuka kuovertake ni jambo linalohitaji umakini mkubwa, la sivyo utagongana na gari au pikipiki nyingine. Unaweza kuzingatia haya yafuatayo:
 
Overtake mahali sahihi. Usiovertake kwenye kona, kwenye mteremko mkali au mlima, mahali usipoona vizuri au mahali ambapo haparuhusiwi.
Punguza mwendo wakati wa kuovertake.
Mjulishe dereva mwingine kuwa unataka kuovertake.
Usiovertake kwa kushtukiza.
 
Kwa mfano kukanyaga jiwe au tunda lililooza barabarani kunaweza kukusababishia ajali mbaya. Hivyo ni vyema ukajihadhari na vitu kama vile mashimo, mawe, makopo, kamba au waya n.k.

Pasipo shaka, ajali za pikipiki zinaweza kuepukika au kupunguzwa kwa kiasi kikuwa ikiwa madereva pamoja na watumiaji wa pikipiki watazingatia mambo yaliyoelezwa hapa.
 
Cookies are required to use this site. You must accept them to continue using the site. Learn more…