KIUNGO wa Manchester City, David Silva ametangaza kuondoka klabuni hapo mwishoni mwa msimu ujao na tayari kocha wake, Pep Guardiola anamtaka kiungo wa Real Madrid, Isco kuchukua nafasi ya staa huyo mwenzake wa Hispania.
Nafasi ya Isco au Francisco Roman katika kikosi cha Kocha Zinedine Zidane inatazamiwa kupotea zaidi baada ya klabu hiyo kuendelea kuwanunua mastaa wa nguvu kikosini lakini inaeleweka Guardiola ni shabiki mkubwa wa Isco.
Guardiola amekuwa akivutiwa na uwezo wa Isco tangu wakati alipokuwa akiifundisha Barcelona na kuna uwezekano mkubwa akatoa dau la kumchukua staa huyo wakati huu dau lake likizidi kushuka zaidi Santiago Bernabeu.
Hadi sasa Manchester City haijafanya usajili wowote mkubwa unaoweza kushtua na mipango ya Guardiola ni kutoa changamoto zaidi kwenye Ligi ya Mabingwa wa Ulaya msimu ujao.
Wanasoka mahiri kama beki wa kati Sergio Ramos na straika matata, Harry Kane walitumia kipindi hiki cha majira ya kiangazi barani humo kula viapo vya ndoa na warembo wao wakiingia kwenye jukwaa la mume na mke kufurahia maisha mapya.