Barcelona inatarajiwa kuwasilisha ombi la kumsaini Neymar, 27, kwa mkopo kutoka Paris St-Germain wiki hii kukiwa na fursa ya kuyafanya makubaliano hayo kuwa ya kudumu.. (ESPN)
Juventus imeanza mazungumzo na PSG katika harakati za kutaka kumsaini mshambuliaji wa klabu hiyo Neymar, ambaye alijiunga na klabu hiyo ya Ufaransa kwa dau la £200m mwaka 2017. (AS)
PSG iko tayari kuipatia Real Madrid mshambuliaji wake Neymar iwapo klabu hiyo itawapatia beki wake wa kati Raphael Varane, 26, na winga mwenye umri wa miaka 19 Vinicius Jr. (Telefoot, via Sun)
Kiungo wa kati wa Tottenham na Denmark Christian Eriksen, 27, ana hamu ya kujiunga na klabu kubwa Ulaya ikiwemo , Barcelona, Real Madrid au Juventus. (ESPN)
Arsenal imejiandaa kumwachilia beki wa Ujerumani Shkodran Mustafi, 27, kuelekea Roma kwa mkopo wa msimu huu kwa lengo la kumsajili kwa mkataba wa kudumu wa dau la £23m . (Forza Roma, via Sun)
Manchester City, Arsenal na Tottenham wote walituma maskauti kumchunguza kinda wa klabu ya Rennes Eduardo Camavinga katika mechi ya ushindi wa klabu hiyo dhidi ya Paris St-Germain. (mail)
Mchezaji wa zamani wa Tottenham Fernando Llorente, 34, anakaribia kujiunga na Lazio kwa uhamisho wa bila malipo baada ya kuachiliwa na Spurs msimu huu. (Corriere dello Sport)