Polisi Mkoani Mjini Magharibi Zanzibar wamejitosa katika sakata la Binti wa Darasa la 5 aliyepewa ujauzito na kujifungua kwa njia ya upasuaji wakiapa kumsaka na kumtia mbaroni Kijana anayetuhumiwa kumpa mimba Binti huyo.
_
Mwalimu Mkuu wa Shule ya Msingi Mbuzini Bikiembe Mbarouk amesema waliwahi kushtushwa na utoro wa Mwanafunzi huyo ambaye hakuhudhuria shuleni kwa zaidi ya Mwezi na nusu na siku alipofika akadai alikuwa anaumwa.
_
Mwalimu amesema walimuomba Binti aende nyumbani na arudi na Wazazi ili wakatoe maelezo lakini Wazazi walipofika wakadai Mtoto huyo kila siku alikuwa akitoka nyumbani na kuaga anakwenda shuleni, baada ya tukio hilo waliamua kwenda kumpima na wakamkuta na ujauzito ambao baadae ulipelekea kujifungua kwa upasuaji.