Willian alisema: “Ukweli, ninachokiona kwa wachezaji wengi, hakuna uhakika wa usalama juu ya ligi kurejea kwa sasa. Tunataka sana kurudi, tumemisi kucheza kwa sababu hicho ndicho kitu tunachokipenda, lakini usalama kwanza.”
Straika wa Manchester City, Sergio Aguero alikuwa mchezaji wa kwanza kuzungumzia wasiwasi wa usalama wakati ligi ikijadili kurudi baada ya kuona kwamba, kuna idadi kubwa sana ya watu wanapoteza maisha kila siku kutokana na janga hilo la corona ndani ya Uingereza.
Nahodha wa Watford, Troy Deeney amesapoti kauli hiyo ya Aguero, huku straika wa Chelsea, Tammy Abraham amezungumzia wasiwasi wake wa kupeleka maradhi hayo kwa baba yake mwenye tatizo la pumu. Chelsea ilishawahi kuwa na wachezaji waliougua maradhi hayo akiwamo winga Callum Hudson-Odoi.
Staa mwingine wa Man City aliyeitia hofu ni Raheem Sterling, ambaye anaripotiwa kupoteza ndugu zake kutokana na maradhi ya corona. Hata hivyo, kikao hicho ndio kitatoa mwelekeo wa kurejea kwa ligi hiyo ama la.
Kocha wa zamani wa Arsenal, Arsene Wenger amemtaja mchezaji ambaye anaamini ndiye usajili wake bora aliowahi kufanya Januari wakati akiinoa Arsenal na kwa taarifa tu, mchezaji huyo sio Pierre-Emerick Aubameyang.
Kocha Wenger amekiri kwamba yeye si shabiki wa dirisha la usajili wa Januari, lakini kwa kipindi cha miaka 22 aliyoinoa Arsenal amesajili wachezaji kadhaa katika dirisha hilo la mwanzo wa mwaka.
Aubameyang ni mchezaji ambaye anaweza kukujia kwenye akili haraka kwa wale waliotua Arsenal kwenye dirisha la Januari baada ya kutua kwenye timu hiyo ya Emirates, Januari 2018 akitokea Borussia Dortmund.
Staa huyo wa Gabon alianza kwa kishindo, akifunga bao kwenye mechi yake ya kwanza ambapo Arsenal waliichapa Everton 5-1 na msimu wa 2017/18 ulipofika mwisho alifunga mabao 10 na kuasisti mara nne katika mechi 13 za kwanza alizocheza kwenye Ligi Kuu England.
Msimu uliofuatia alibeba kiatu cha dhahabu sambamba na mastaa wa Liverpool kina Mohamed Salah na Sadio Mane baada ya wote kufunga mabao 22 kila mmoja kwenye ligi. Msimu huu, mshambuliaji huyo amefunga mabao 17 akishika namba mbili nyuma ya Jamie Vardy wa Leicester City kabla ya msimu kusimama kutokana na janga la corona.
Lakini, Aubameyang hakutajwa na Wenger kuwa usajili wake bora wa Januari huku wachezaji wengine walionaswa Januari na Mfaransa huyo alipokuwa na The Gunners ni Theo Walcott aliyecheza karibu mechi 400 na kufunga mabao zaidi ya 100, Emmanuel Adebayor, Jose Antonio Reyes, Andrey Arshavin, Nacho Monreal na Emmanuel Eboue.
Wenger alimsajili fowadi huyo Mnigeria Januari ya miaka 21 iliyopita, ambapo mchezaji huyo katika mechi zake tano za kwanza alifunga mabao saba na kuasisti mara mbili. Kanu alidumu Arsenal kwa miaka mitano na kuisaidia timu hiyo kubeba mataji mawili ya Ligi Kuu England na mawili ya Kombe la FA.
Jozi za viatu za nguli wa mchezo wa kikapu Michael Jordan za mwaka 1985 zimeweka rekodi ya kuuzwa kwa kiasi cha dola za Marekani 560,000, kwenye mnada wa mtandaoni.Jozi hiyo ya viatu ya Nike Air Jordan 1s, ilivaliwa na Jordan wakati wa msimu wake wa kwanza akiwa kinda na klabu ya Chicago Bulls. Awali ilitarajiwa vigeuzwa kwa dau la kati ya dola 100,00 mpaka dola 150,000 kwenye kampuni ya mauzo ya Sotheby's.
Rekodi ya zamani ilikuwa dola za Marekani 437,500 kwa jozi ya viatu vya Nike 'Moon shoes' vya mwaka 1972.Jordan alivaa jozi ya viatu vya namba mbili tofauti, mguu wa kushoto namba 13 na mguu wa kulia namba 13.5.Air Jordan 1s ziliuzwa na Jordan Geller, aliyeanzisha jumba la kumbukumbu la mkufunzi Shoezeum huko Las Vegas.Uuzaji huo uliambatana na makala ya Netflix ya 'The last dance'na picha za nyuma ya pazia za wakati Bulls walipokuwa wakisaka taji la sita la NBA msimu wa 1997-98.
Jordan anapigiwa chapuo kuwa ndiye mchezaji bora zaidi wa kikapu kuwahi kutokea, hivyo kwa viatu vyake vya msimu wa kwanza kuuzwa kwa bei hiyo si jambo la kushtukiza sana japo halikutarajiwa awali.
Juventus inakaribia kuafikia makubaliano ya kumsaini Paul Pogba,27 kutoka klabu ya Manchester United na itajaribu kumtumia kiungo wa kati wa Ufaransa Adrien Rabiot, 25, ili kupunguza bei hiyo. (L'Equipe, via Sunday Express)
Lakini mkufunzi wa Real Madrid Zinedine Zidane bado ana matumaini ya kumsaini mchezaji huyo kutoka Manchester United. (Mundo Deportivo, via Star on Sunday)
Mshambuliaji wa Ufaransa Kylian Mbappe hatalazimisha kuondoka katika klabu ya PSG mwisho wa msimu huu kutokana na madhara ya kifedha ya mlipuko wa corona, na mchezaji huyo mwenye umri wa miaka 21 atasalia na mabingwa hao wa ligue 1 kwa msimu mmoja zaidi.(L'Equipe, via AS)