Manchester United itaongeza jitihada kuhakikisha inamsajili kiungo wa kati Jack Grealish, 24, kwa kitita cha pauni milioni 75 baada ya kuambiwa wamsubiri kwa miezi 12 mshambuliaji wa Borussia Dortmund, Jadon Sancho, 20 (Daily Star)
Tottenham Hotspur, West Ham na Chelsea wanamtaka mlinda mlango wa Uhispania Pau Lopez. Roma itamuuza mchezaji huyo, 25 kwa kitita cha pauni milioni 36 (Estadio Deportivo-in Spanish)
Newcastle United wana mpango wa kumnasa mchezaji wa nafasi ya ulinzi wa Chelsea Marcos Alonso .Mustakabali wa mchezaji huyo, 29, ndani ya kikosi hicho ukiwa bado haujulikani huku Chelsea ikihusishwa na taarifa za kupata mchezaji wa nafasi ya ulinzi Leicester Ben Chilwell,23. (Sun)
Chelsea wako tayari kutoa ofa ya pauni milioni 75 kwa ajili ya Kai Havertz, lakini Bayer Leverkusen wamesema thamani ya kiungo huyo wa kati ni pauni milioni 90. (Express)
Manchester United imemuongeza kiungo wa Leicester Wilfred Ndidi , 23, katika orodha yao ya uhamisho, huku Real Madrid na Paris St-Germain pia wakimtolea macho Mnaijeria huyo. (Express)
Arsenal wamedokezwa kumsajili kiungo Thomas Partey wa Ghana na klabu ya Atletico Madrid imekubali kumruhusu mchezaji huyo, 27, kuondoka kwenye klabu hiyo. (COPE, via Caught Offside)
Pierre-Emerick Aubameyang, 30, amesema uamuzi wa kujiunga na Arsenal ''inawezekana ukawa uamuzi bora'' kuufanya katika maisha yake ya kazi ya soka. (Telefoot-in French)
Arsenal pia ina nia ya kumsajili Axel Disasi, 22, wa Reims na mwenzake wa nafasi ya ulinzi Dayot Upamecano, 21, ambaye huenda akawa ghali kumnunua kutoka RB Leipzig ( Goal via Express)
Kocha wa Borussia Dortmund Sebastian Kehl ametupilia mbali uvumi wa kwamba Jadon Sancho huenda akahamia Liverpool msimu huu. Manchester United pia imeonesha nia ya kumtaka mshambuliaji huyo, 20, wa Uingereza. (Mirror)
Kocha wa RB Leipzig, Julian Nagelsmann amesema hatma ya Timo Werner, 24, haipo tena kwenye timu hiyo. Hayo yanajiri wakati mshambuliaji huyo wa Ujerumani anasubiri kukamilisha usajili wake kuelekea Chelsea. (Mirror)
Kepa Arrizabalaga ana michuano 9 kuonesha umuhimu wake kwa timu ya Chelsea huku kukiwa na wachezaji kadhaa nyota wanaofikiriwa kujaza pengo la mlindalango huyo, 25. (Express)
Arsenal inaonekana kuwa tayari kuchukuwa ushindi katika kinyang'anyiro cha kumsajili mshambuliaji wa Ufaransa Dayot Upamecano, licha ya kwamba Manchester United na Bayern Munich pia nazo zinamwinda mchezaji huyo, 21, wa RB Leipzig player. (Tuttosport - in Italian)
Jorginho na kocha wa Juventus Maurizio Sarri hawajazungumza tangu kocha huyo alipoondoka Chelsea lakini kiungo huyo wa kati, 28, amekuwa akihusishwa na kuhamia Ligi kuu ya soka nchini Italia, Seria A. (Daily Mail)
Mshambuliaji wa Celtic Odsonne Edouard ametupilia mbali uvumi wa kuhamia Arsenal huku mchezaji huyo, 22, akisema angependa kuwa sehemu ya timu itakayochukua taji la 10 katika klabu yake ya Scotland. (Daily Mail)