Mawakili wa Rais wa zamani wa Marekani Donald Trump wamemtaka jaji anayesimamia kesi ya malipo ya fedha kwa nyota wa filamu za watu wazima mjini New York kuondoa amri aliyowekewa Trump dhidi ya kuzungumzia kesi hiyo hadi itakapokamilika.
Barua iliyotumwa kwa Jaji Juan Merchan siku ya Jumatatu inasema kwamba wasiwasi wa mahakama "hauhalalishi vizuizi vinavyoendelea" kwa haki ya uhuru wa kujieleza ya Trump.
Siku ya Alhamisi, Trump alipatikana na hatia ya makosa 34 ya kughushi rekodi za biashara zinazohusisha malipo ya kumnyamazisha nyota ya ponografia ambaye anasema alifanya naye ngono.
Amri hiyo ilitolewa mnamo Machi 26, ikipiga marufuku Trump kuzungumza hadharani juu ya mashahidi, majaji, waendesha mashtaka, wafanyikazi wa mahakama na wanafamilia wao.
Wanasema kesi yake "imefanywa kuwa na nguvu zaidi" baada ya mpinzani wake wa kisiasa, Rais wa Marekani Joe Biden, kuzungumza hadharani kuhusu kesi hiyo.
Wanaongeza kuwa Trump kwa sasa hawezi kujitetea dhidi ya "mashambulizi ya hadharani yanayoendelea" na mashahidi wa upande wa mashtaka, kama vile wakili wake wa zamani Michael Cohen na nyota wa ponografia, Stormy Daniels.
Wakati wa kesi Jaji Merchan alimtoza Trump faini ya $10,000 (£7,800) kwa kukiuka agizo hilo la kutozungumzia kesi, na kutishia kumfunga jela ikiwa ataendelea