V-2: Bidhaa Adimu ya Mjerumani iliyomtoa mmarekani Udenda

[mcTobby]

Kuna msemo wa kijerumani huwa unasema hivi;JeDem das Seine.

Kwanza niwape salamu zangu na pia poleni kwa stress za uchaguzi.. Najua mambo ni mengi lakini things will work out.👊👊👊
Leo nnalo la kushare nanyi. Kaa makini tumakinike

Katikati ya nchi ya Ujerumani kulikuwa na eneo fulani lililozungukwa na misitu mizito ya miti mida ya usiku sana kulikuwa na party ilikuwa inaendelea. Hakika hii ilikuwa ni party maalum ya watu maalumu.

Eneo hili ilipoandaliwa hii sherehe Ilikuwa ni nje kabisa ya mji lililojulikana kama coesfeld ambapo lilikuwa limezungukwa na misitu mizito ya pine kwenye mkoa wa Mun̈ster. Na jumba hili ambapo sherehe ilikuwa ikiendelea lilikuwa ni jumba au kasri la zamani sana lililoitwa Varlar ambalo lilijengwa Zama za kati ( medieval times ).karne ya 15 huko.

Kasri hili lilikuwa limezungukwa na misitu mizito kiasi kwamba lisingeweza kuonekana kwa urahisi na wapita njia au hata angani mtu akiwa kwenye ndege. Ndani ya kasri hili siku hiyo lilikuwa limepambwa na kupambika na picha za bendera ya swastika ya Nazi kwenye kuta za jengo hili pamoja na manjonjo mengi ambapo wageni hawa walikuwa wakila na kunywa kwa furaha kabisa katika karamu hii .

Nje ya kasri hii napo kulikuwa bize kumetengenezwa na kuandaliwa vizuri kabisa kwa ajili ya uzinduzi maalum uliotarajiwa kufanyika muda mchache majira ya usiku huu wa party.

Nikudokezee kidogo tu, kasri hili la varlar zamani lilikuwa ni monastery ambapo makasisi wa kidini wa kikatoliki karne ya kuanzia karne ya tano walikuwa wakiishi hapo kabla ya ukatoliki kupigwa marufuku karne ya 14 huko Ujerumani.

Sasa lilikuwa limebadilishwa na hata ukoka uliooteshwa kuzunguka kasri(ambapo ukoka huo ulitumika kama sacred place ya ma kasisi kufanyia ibada na meditation) ulikuwa umeondololewa na uwanja kuzunguka kasri hili kuwa clear kabisa kwa ajili ya shughuli maalumu.

Hivyo theluji kali ya usiku ilikuwa imeifunika eneo lote kuzunguka kasri hii ya varlar. Ikumbukwe usiku huu ulikuwa ni wa desemba 9 mwaka 1944 na theluji nzito ya baridi ilikuwa inaonyesha ubabe wake kwa ukali haswa. Nao wahandisi na mafundi kutoka jeshi la Nazi nao walikuwa bize wakichakarika usiku huu nje ya kasri hili kwa ajili ya kufanya marekebisho na matengenezo ya mwisho mwisho ya hapa na pale kwenye mitambo hii maalumu iliyosimikwa nje ya kasri hili kwa ajili ya uzinduzi uliotarajiwa kufanyika muda mchache ujao.

Yeap! Mitambo hii haikuwa nyingine bali ni platifomu za chuma ambazo zilikuwa maalumu kwa ajili ya launchpad za roketi . Kwa wasiojua launchpad ni eneo maalumu ambalo hutumika kusimika mitambo ya kurusha roketi ambazo zinabeba makombora au satellite kwa ajili ya kurushwa hadi angani. Wataalamu wa physics hususaniexf, kwenye mambo ya escape velocity watakuwa wanaelewa.

Sasa basi nje ya kasri hili la varlar matayarisho yalikuwa ni kama yamekamilika. Launchpad (ambazo ni mobile) hizi zilikuwa tayari zimewekwa roketi .Na kila roketi ilikuwa na kombora(war head) aina ya V-2.

Kombora hili ndio ilikuwa silaha ya kisasa kuwahi kutengenezwa kwa wakati huo na jeshi la Nazi, likiwa na uwezo wa kusafiri angani hadi kwenye target iliyokusudiwa. Kombora hili (roketi+warhead) lilikuwa na urefu wa futi 46 na uwezo wa kubeba vilipuzi vyenye uzito wa paundi 2000 ambazo ni sawa na kilogramu 907 hivi.
Kombora hili lilikuwa na uwezo wa kusafiri umbali zaidi ya maili 190 kwa spidi mara tatu ya ile spidi ya sauti. Kwa mfano toleo la kwanza la kombora hili lililojulikana kama V-1,lilisumbua sana .kwa maana ya kwamba lilileta uharibifu mkubwa kwenye majiji makubwa barani ulaya kama London .

Sasa ilitarajiwa kombora hili la V-2 lingekuwa hatari kubwa zaidi kuliko toleo la kwanza .Kutokana na sifa ya kombora la V-2 ilitarajiwa lisingeweza kutunguliwa na ndege yoyote ya jeshi la Allied (ufaransa, uingereza na Russia).
Hii ni kwa sababu kombora hili lilikuwa na uwezo wa kusafiri umbali mrefu angani( high cruising altitude) na lilikuwa na uwezo kushuka kwa kasi sana hadi kwenye target(speed of descent). Hivyo lisingekuwa rahisi kwa kombora hili kutunguliwa.

Kwa mfano waziri wa propaganda au tunaweza kusema ni msemaji serikali (gersonn msigwa wa Nazi😎) wa kipindi hiki wa Ujerumani bwana Joseph goebbels aliwahi kunukuliwa kuhusu silaha hii nzito na akaisifia kwa uwezo wake na kuipa jina silaha hii "wunder waffe" au silaha ya ajabu 'wonder weapon'.

Sasa tukirudi kwenye sherehe hii ndani ya kasri la Varlar, miongoni mwa wageni wa heshima waliohudhuria alikuwa ni Walter Dornberger.

Huyu kwa CV yake alikuwa na cheo cha meja jenerali ndani ya jeshi la Hitler. Huyu bwana alikuwa ni in charge akisimamia mradi wa utengenezaji wa roketi kwenye idara ya kijeshi ya Ujerumani iliyojulikana kama German army's weapon department. Pia alikuwa na shahada ya uhandisi kutoka chuo kikuu cha mjini Berlin .huyu bwana ndiye aliyetoa wazo la kusimika hizi launchpad katika eneo hili la varlar kwa ajili ya uzinduzi.

Mgeni mwingine aliyekuwepo katika hafla hii ndani ya hili kasri alikuwa ni kijana wa miaka 32 ambaye alikuwa ndiye mastermind katika utengenezaji wa hizi roketi zilizokuwepo hapo nje ya kasri hili la varlar. Kijana huyu alitambulika kama Wernher von Braun.

Wengine ambao walikuwa ni wageni wa heshima katika sherehe hii alikuwepo pia Walther Riedel ambaye alikuwa ni mwanasayansi wa ngazi za juu kutoka taasis ya Rocket design bureau.Na mwingine wa nne alikuwa ni Heinz Kunze mwakilishi kutoka wizara ya maswala ya kijeshi iliyojulikana kama Reich ministry of rearmament and war production ya Ujerumani.
Hii shughuli au hafla ilikuwa ya kutoa nishani na medali kwa wageni hawa maalum na ilisimamiwa na waziri wa maswala ya kijeshi wa Ujerumani bwana Albert Speer.
Wageni hawa waalikiwa waliihudhuria hii hafla ndani ya kasri hili la varlar, sio kula na kunywa tu bali kuvishwa medani na nishani kwa kuutambua mchango wao na kazi njema kabisa ya mikono yao katika utengenezaji wa roketi hizi za V-2. Na la zaidi kuzifanyia UZINDUZI.
Kama unaelewa na kutambua mambo ,utajiuliza ni uzinduzi wa aina gani huu ilihali ni silaha yenyewe ni bomu tena la moto sio la maji?. Huu Haukuwa uzinduzi tu wa kukata utepe na mkasi kama wa kuzindua kisima cha maji huko kijijini mwembetogwa na bro jumaa aweso , au kuzindua barabara huko sumbawanga na na Madelu the heir.🤪🤪Nop!.

Na nikukumbushe hii shughuli ilikuwa inafanyika usiku sana ,tena eneo la siri lililozungukwa na misitu mizito ya pines. Kwa hiyo utagundua shughuli hii ilikuwa na usiri kiasi gani.
Ni kwamba uzinduzi huu ulitakiwa kuifanyia majaribio bidhaa hii mpya yaani kombora la V-2 kama kweli italeta matokeo waliyoyatarajia. Hakika huwezi amini kombora hili lilipaswa kurushwa hadi sehemu fulani ndani ya ulaya kama special sapraizi kwao. Au Special package 📦📦.

Sasa ukiachana na uzinduzi huu Maalum uliokuwa ukitarajiwa kufanyika usiku wa siku hii nataka nikurudishe nyuma kidogo Nikupe picha kamili ........

 

[Mjusi Sharobalo]

Mbona kama umekata utamu katikati?

 

[mcTobby]

2

Tunaendelea. Ipo hivi:

Mji wa antwerp uliopo ubelgiji , ulikuwa ni mji wenye bandari ambao ulikuwa unakuwa kwa kasi sana kipindi hicho.Hii ni kwa sababu mji huu ulikuwa kitovu cha kibiashara haswa baina ya mataifa ya ulaya tokea enzi na enzi
Mji huu kijiografia upo umbali wa takribani maili 137 kutokea Ujerumani mkoa wa Munstër, ambapo kasri la Varlar linapatikana na ndipo zilipo launchpad za makombora ya V-2.
Kutokana na mji huu kuwa muhimu na wa kimkakati, kwa zaidi ya miaka 1000 barani ulaya, ulikuwa ukivamiwa mara kwa mara na dola zenye nguvu kisha kukombolewa tena . Hivyo hivyo hata kipindi cha vita kuu ya pili ya dunia mji huu ulikuwa chini ya utawala wa Nazi ya Ujerumani.

Miezi mitatu nyuma kabla ya tarehe 4 September 1944 , mji huu ulikuwa umekombolewa na vikosi vya jeshi la muungano la Allied (ufaransa, uingereza na marekani) na ilijulikana kama battle of Bulge. Na kweli watu wa mji huu walishangilia sana kama vile raia wa Kampala walivyoshangilia vikosi vya Tz baada ya kumfurusha Id amini vilipoingia jiji la Kampala wakati wa vita ile ya kagera.
Lakini Hitler aliutaka huu mji tena kwa gharama yotote. Na safari hii aliutaka mji huu wa antwerp ufanyiwe kitu kinaitwa Total Shutdown na kukata kabisa Supply chain ya silaha za jeshi la Allied kwenye Frontline.

Kwanini Hitler alitaka huu mji wa bandari ufanyiwe hivyo? Sababu ilikuwa ni moja tu;

Ni kwamba mji huu ulitumiwa na mataifa ya uingereza na ufaransa pamoja na marekani kama gate pass au gateway ya kusafirisha vikosi vya wanajeshi wake pamoja na zana za kivita na bidhaa nyingine nyingi kupitia bandari hii ya antwerp hadi kwenye uwanja wa vita au Frontline.

Hivyo basi inner circle ya Hitler waliamua kumshauri kwamba ili aweze kuipiga vizuri ufaransa lazima afanye kitu kinaitwa Counteroffensive au shambulio la kushtukiza kwa kuipiga kwanza ubelgiji kupitia misitu ya Ardeness iliyopo mpakani kati ya ubelgiji ,ufaransa na Luxembourg.( lengo kuu hapa la kufanya hii counteroffensive ni kuvigawanyisha vikosi vya allied visifanye counter attack kwa vikosi vya Ujerumani pale vitapoanza operesheni za kuingia ufaransa hadi uingereza).

Yaani ilitumika ile Kanuni ya divide and rule ili kuvipinguza nguvu .Kisha baada ya hapo wailipue bandari hii ya antwerp iliyopo kaskazini kabisa mwa nchi hiyo ili kukata kabisa supply chain .

Jukumu hili , bwana Hitler alilikabidhi kwa meja jenerali Walter Dornberger( ambaye alikuwa mmoja wa inner circle ya Hitler) na timu yake (ambao kwa sasa tayari waliikamilisha kazi ya kutengeneza kombora la kisasa zaidi na tayari wapo kwenye uzinduzi kule kwenye kasri la Varlar ambapo wageni hao waalikwa waliuita usiku huu 'the night of war and celebration).

Nadhani sasa nimekupa Picha kidogo hapo.


Sasa tukirudi kwenye kasri la Varlar ambapo shughuli ya uzinduzi huu Maalum ukiendelea, zoezi hili la utoaji tuzo na nishani lilikabidhiwa waziri wa Ujerumani wa wakati huo,Albert Speer akimwakilisha Hitler katika kuwavisha hawa wanasayansi wanne waliokuwa masterminds wakutengeneza kombora hili la V-2.

Kwa CV fupi ni kwamba Waziri huyu ni miongoni mwa wale inner circle ya Hitler akisimamia wizara ya kijeshi na uzalishaji wa silaha za kuvita (ministry of rearmament and war production of the third Reich).

Huyu bwana Speer alikuwa ni kipenzi cha Hitler kutokana kuwa mmoja wa architect wa majengo mengi ya kiutawala yaliyokuwa yanawakilisha dola ya Third reich(utawala wa Nazi). Kiufupi huyu Bwa' mdogo alikabidhiwa hii wizara nyeti na Hitler mwaka 1942 ,baada ya waziri aliyemtangulia wa hii wizara , Fritz Todt kufariki katika ajali ya ndege. Alitumia ushawishi wake na kumfanya Hitler aongeze uzalishaji wa zana za kivita kwa 56.7% katika uchumi wa Ujerumani.

Sasa Katika utoaji tuzo na nishani katika kasri la Varlar, wanasayansi hawa wanne ambao ndio masterminds wa kuunda kombora la V-2 ( Wernher von Braun, Walther Riedel, Walter dornberger na Heinz kunze), walitunikiwa nishani ya juu kabisa iliyojulikana kama Knight's cross of the war service cross.
Sasa utoaji wa hizi nishani ulikuwa na mbwembwe sana katika usiku huu. Kwa mfano kila mtaalamu mmoja aliyekuwa akivishwa hii medani usiku huu , taa za kasri hili zilizimwa na wageni waalikwa waliambiwa watazame nje gizani kupitia dirisha kubwa kwenye hall la kasri hili ambapo pazia lilifunguliwa.
Baada ya muda wangesikia mngurumo na mtetemo mzito pamoja na mwanga mkali kutokea kwenye exhaust za injini za roketi hii iliyobeba makombora ya V-2 tayari kwa kurushwa(zilikuwa zinarushwa usiku huo kuelekea wapi? Ni maeneo ndani ya ubelgiji na sehemu zingine za kimkakati ndani ya ulaya) .

Watu wakishangilia kwa shangwe na nderemo huku wakipooza koo zao na mafundo kadhaa ya mvinyo kwenye glass zao. Hivi Ndivyo sherehe ilivyokuwa ikifanyika. Kila kombora litakalorushwa, zoezi linarudi tena katika uvishaji wa nishani,hivyo hivyo hadi kombora zote zilizopo eneo hili la varlar zikarushwa zote.

Lakini sherehe hii ya kuyazindua makombora haikuishia hapa kwenye ukumbi wa kasri la Varlar. Ziliendelea sehemu nyingine ndani ya Ujerumani. Katika pwani bahari ya Baltic , kulikuwa na kisiwa kidogo kilichojitenga (remote island)kinaitwa Peenemünde.
Sehemu hii pia Ndipo zilipokuwepo mojawapo ya lab facility ya kuzalisha na kuzihifadhi kombora hizi aina ya V-2. Eneo hili la siri ndilo lilikuwa ni mojawapo ya kiwanda mama( production plant ). Hivyo basi sherehe zilipomalizika kwenye kasri la varlar, zilikuja kutamatishwa eneo hili usiku wa desemba 16 mwaka 1944 na wageni maalumu walikuwa ni walewale waliovishwa nishani(yaani party after party). Kwenye party hii kila mmoja alikuwa na sababu ya kutabasamu .Sababu gani? Sababu ilikuwa moja tu!

Mchana wa siku hiyo hiyo majira ya alasiri kama saa 9:20 mji wa Antwerp ulipokea spesho package. Hii ni baada ya KITU KIZITO yaani kombora la V-2 kutua kwenye paa la ukumbi wa kuonyeshea sinema uliojulikana kama Rex cinema uliopo kwenye viunga vya mji wa Antwerp .
Ukumbi huu siku hiyo ulikuwa umebeba watazamaji zaidi ya 1200. Idadi hii siku hiyo pia wakiwa wamechanyikana raia wa kwaida pamoja na wafanyakazi wa jeshini. Ukumbi huu siku hii watu walikuwa wakitazama filamu ya kimarekani ya Gary cooper. Hapa kombora hili liliteketeza nafsi za watu 567 on the spot eneo hilo. Hii ikiwa ni shambulizi baya zaidi la kwanza la kombora likiwaua watu wengi kwa wakati mmoja kwa wakati huo wa vita kuu ya pili ya dunia.

Lengo la Hitler la kuufanyia( buttemporary) Shutdown mji wa antwerp lilitimia.


Haya yote yakiendelea, Marekani alikuwa yupo ana JAMBO LAKE MOYONI 😎😎 . Mzee wa kutafuta na kutembea na fursa.


Ipo hivi , Marekani wao walishangazwa na teknolojia ya hali ya juu ya makombora haya ya V-2 ya mjerumani aliyokuwa anayatumia field yaani kwenye uwanja wa vita Hususani eneo hilo la mji wa Antwerp.

Watu kadhaa ndani ya taifa la marekani walivutiwa sana na teknolojia ya hali ya juu katika matumizi ya makombora aliyokuwa nayo mjerumani . Walikuwa obsessed sana na performance ya zanavita za mjerumani kwenye "field" kwa maana ya uwanja wa vita kwa ubora wake.

Yaani tunaweza kusema marekani ali fall in love na kuwa obsessed na silaha hizi za mjerumani. Marekani alishikwa na hali kama ya ' wivu" hivi kwa kile alichokuwa akikishuhudia pale ulaya wakati Ujerumani akitembeza kichapo 'Heavy' kwa akina uingereza, ufaransa na mashosti zake kupitia silaha Hii ya V-2.
Marekani aliapa kuitafuta Teknolojia hii ya Mjerumani kwa gharama yotote ile.

Mmojawapo ya watu hawa alikuwa kamanda mkuu wa vikosi vya jeshi la muungano (allied Force) kwa upande wa ulaya jenerali Dwight .D.Eisenhower ambaye baadaye alikuja kuwa rais wa 34 wa U.S.A na alikiri akasema namnukuu "
It seemed likely that, if the German had succeeded in perfecting and using these new weapons six months earlier than he did, our invasion of Europe would have proved exceedingly difficult, perhaps impossible,” mwisho wa kunukuu.
Kauli yake hii ilimaanisha kwamba matumizi ya V-2 hayakuwa kwa wingi na ni kwa muda mfupi tokea zianze kutumika na endapo labda zingeanza kutumika tokea mwanzoni mwa vita huenda sasa hivi historia ingekuwa imeandikwa kivingine kuhusiana na hii vita kuu ya pili ya dunia na ingekuwa ngumu kuivamia ulaya.

Sasa basi ndani ya Washington D.C Marekani kwenye makao makuu ya pentagon , kamati ya kijasusi ya kijeshi kuhusiana na maswala ya kisayansi hususani kwenye maswala ya roketi ilikutana kwa ajili kufanya kazi Na hapa Kitengo kilichoitwa rocket branch ndani ya U.s Military Ordinance kiliundwa kiongozi wake (first chief officer) alikuwa ni kanali Gervais William Trichel.

Huyu bwana Trichel aliona 'Fursa' kwenye vita hivi vya ulaya na kutaka kupata teknolojia ya silaha za mjerumani ambazo zilikuwa zina 'perform well ' kwenye battlefield ikiwemo silaha Hii ya V-2.

Na ikumbukwe miaka hii marekani haikuwa imeendelea sana kwenye maswala ya silaha za makombora kivile ukilinganisha na mjerumani.

Kabla ya kuendelea mbele nikupe kwa kifupi nini maana ya U.s Military Ordinance . Hii tuseme ni sehemu ya kimuundo(organization structure)ya jeshi la marekani ambayo huusika moja kwa moja katika maswala ya silaha ikiwemo kununua,kuzisambaza , mafunzo, kuzisafirisha sehemu inayopaswa ,kuhifadhi na vilevile kuzifanyia matengenezo mitambo yote inayohusiana na silaha zozote zile ndani ya jeshi marekani na popote walipo duniani.
Na kwa vile ni sehemu inayojitegemea ndani ya jeshi la U.S., ilikuwa na makao makuu ya U.S. military ordinance kwa sasa yapo sehemu inaitwa Fort Gregg-Adams , huko Virginia.

Anyway tuendelee...... Sasa huyu bwana Trichel alianza kufanya selection ya kuunda kikundi maalum ambacho ndani yake kulikuwa wanajeshi wanasayansi na wataalamu na wabobezi kwenye maswala ya silaha za roketi kwa ajili ya kwenda hadi ulaya kwenye mission iliyoitwa V-2 SPECIAL MISSION. Kiuhalisia hawa walikuwa majasusi maalum kutoka kwenye jeshi la marekani na walikuwa chini ya kamati ya kijasusi ya kimataifa iliyoshirikisha pia nchi kadhaa za ulaya kama uingereza na ufaransa .

Kamati hii ilijulikana kama COMBINED INTELLIGENCE OBJECTIVES SUBCOMMITTEE (CIOS). Kamati hii iliundwa kwa ushirikiano wa pamoja kati ya uingereza na Marekani . Timu zote za kijasusi zilizokuwa chini ya CIOS ,zilikuwa zinaripoti moja kwa moja kwenye makao makuu ya jeshi la Allied yaani Supreme Headquarters Allied Expeditiary Force, kwa kifupi SHAEF, na makao yake makuu yalikuwa kwenye mji wa Versaille Ufaransa.

kwa kifupi kundi hili lilikuwa ni la kijasusi na kazi yao kubwa huko ulaya ilikuwa ni kwa ajili ya kukusanya intel na kuzikamata roketi hizi aina ya V-2 na chochote kilichohusiana nazo(hadi watalaamu wa hizi mitambo) na kuzipakia kwenye meli hadi marekani.

Ikumbukwe kabla ya hii timu ya kijasusi kuhusiana na V-2 MISSION kabla haijatua Ujerumani kutoka marekani, shirika la kijasusi la uingereza tayari walikuwa wameanza kupeleleza kijasusi ni wapi hizi kombora za V-2 zinatengenezwa au kuhifadhiwa ndani ya Ujerumani.

Ripoti ya kijasusi ikatoka na kuonyesha picha za siri za kijasusi zilizopigwa kutokea angani na maafisa wa kijasusi wa uingereza kwamba hizi kombora zilikuwa zinatengenezwa eneo la katikati mwa Ujerumani kwenye milima ya harz ambapo factory kubwa (kiuhalisia ilikuwa ni kambi ya mateso au concentration camp iliyopewa jina la mittelwerk) ilikuwepo hapo.

Shida ikawa kwamba waingereza walishindwa kulipua eneo hili la mlima kutokana na kuwepo na msitu mzito(comoflouge) na pia kiwanda hiki kilikuwa kimechimbwa kama handaki kubwa hivi kwa kuwa mlima huu ulikuwa ni wa miamba ya chokaa(gypsum). Hivyo isingekuwa rahisi kupasambaratisha hapo. Wafungwa wa kila aina walikuwa wanaletwa eneo hili kutoka sehemu mbalimbali zilizokuwa zinashikiliwa na Ujerumani huko ulaya kwa ajili ya kufanya kazi hapa hadi wafe. Eneo hili lenye mlima lipo kwenye mji wa Nordhausen na lilipewa jina la uficho /codename "Dora" ili lisitambulike kwa urahisi eneo hilo linajihusisha na nini haswa. Kumbuka eneo la Peenemünde lilipoanzwa kushambuliwa na jeshi la uingereza shughuli zote ziliamishwa na kuletwa huku milimani.

Cha kuchekesha au cha kushangaza ni kwamba eneo hili la mlima Harz , wajerumani wa kawaida walikuwa wanaamini (kutokana na story za zamani za mababu zao) ni kama tu msitu mzito ambapo ma mizimu yanaishi huko kwa kuwa hakuna watu waliokuwa wanaingia huko mara kwa mara. Ila pia waandishi wa vitabu wa hadithi za visasili(myths) na zile za kubuni (fiction)walikuwa wanalichukulia eneo la mlima huu wa Harz katika hadithi zao kama eneo ambalo wachawi na mashetani hukutana kufanya harakati zao. Hata huko marekani kulikuwa na hadithi iliyoandaliwa kuwa filamu ya Fantasia na kampuni ya Disney ikielezea mlima huu kama sehemu ambapo nguvu za giza hukutana. Lakini wakati wa vita kuu ya pili ya dunia eneo hili la nordhausen hususani kwenye milima hii ya Harz haikuwa sehemu ya ulimwengu wa kubuni wa Fiction au sehemu ya nguvu za giza kukutana(kusadikika). Bali lilikuwa ni sehemu tofauti yenye uhalisia wenye kutisha sana wakati wa vita kuu ya pili ya dunia.

Kwa kifupi eneo hili lilikuwa kama gereza au koloni ndogo kwenye himaya ya Third reich ambapo makundi ya watu mbalimbali na tabaka mbalimbali walikutanishwa kwenye mateso ya hali ya juu wakifanyishwa kazi ngumu ndani ya mapango ya milima hii ya harz kama watumwa.

Watu wengi walioletwa hapo ni raia wafaransa, uholanzi, warusi, waitaliano wabelgiji, wa cheki, wa hangari n.k. Eneo hili lililopo nordhausen lilianza kufanya kazi tangu mwezi August mwishoni mwaka 1943.
Hii ni baada ya vikosi vya jeshi la anga la uingereza (Royal Air Force) kushambulia mji wa Peenemünde uliopo kaskazini mwa Ujerumani. Hivyo ikailazimu serikali ya Hitler kuhamishia operesheni za utengenezaji wa hizi roketi eneo hili ambalo halikuwa rahisi kufikika. Wazo hili la kuhamishia shughuli zote chini ya mahandaki ya mlima huu wa harz lilitolewa na Heinrich himmler kiongozi mkuu wa kikosi maalumu cha polisi cha SHUTZSTAFFEL (SS) .
Ndani ya mahandaki haya chini kabisa ndipo zilipokuwa lab facility za kuunda silaha hizi. Watu hapa wakifanyishwa kazi hadi wafe. Kwa kuwa watu walikuwa wakiingizwa ndani ya mapango haya kwa ajili ya kutumikishwa, walilipa jina kwa kijerumani mittelwerk au middle works. Yaani shughuli za katikati ya mapango.
Maana ya kupaita hivi ni kwa sababu watu walikuwa wakiingizwa ndani katikati ya mapango haya kwenye mlima huu wa harz kwa ajili ya kufanyishwa kazi kwenye lab facilities zilizomo humo.

Eneo hili la mittelwerk lilikuwa linasimamiwa na brigedia jenerali Hans Kammler ambaye kitaaluma ni mhandisi na msanifu majengo ,ambaye ndiye aliyesanifu ujenzi wa chemba za gesi ya sumu kwenye kambi ya mateso ya Auschwitz-birkenau iliyopo huko Poland.

Inadaiwa eneo hili la nordhausen lilipokea wafungwa 107 kwa mara ya kwanza mwezi August mwaka 1943 . Na waliletwa hapo wakitokea kambi ya Buchenwald kwa ajili ya kuanza kuchimba mahandaki katikati ya mlima huu wa harz. Sasa siku zote kazi ya kuchimba mitaro ni ngumu hususani ya migodini, hivyo ingetarajiwa watu hawa wangeleta mambo ya mgomo tena kama wakiwa na zile vitendea kazi kama jembe,sururu n.k . Hivyo basi kikosi maalumu cha maaskari wa SS walisimamia zoezi hili la kuchimba mahandaki kwa kuwataka wafungwa hao watumie mikono tupu peke yake.

Ikumbukwe eneo hili mwanzoni lilikuwa ni mgodi wa kawaida na pia ilikuwa na sehemu ya kuhifadhia mafuta kama dizeli, petroli n.k. Sasa mitaro hii ya kuingia chini ya mahandaki ilitakiwa itanuliwe kwa ajili ya kupitisha reli ya viberenge(rail cars) inayoenda hadi katikati ya mlima chini huko . Hivyo basi hadi ilipofika mwezi September 1943 eneo hili tayari lilianza kuwa tayari na kuanza kupokea mitambo ya kuunda roketi na mashine mbalimbali kwa ajili ya kufungwa pamoja na wataalamu wake.

Mmoja wa wataalamu hawa aliyefika hapo kwa ajili ya kusimamia ufungwaji wa mashine na mitambo ya kutengeneza roketi alikuwa kijana mdogo tu ambaye ni graduate aliyeitwa Arthur rudolf. Huyu Bwana mdogo alikuwa akifanya kazi kwenye ofisi ya Wernher von Braun ambaye alikuwa ni mtaalamu au Mastermind wa utengenezaji kwenye maswala ya roketi.
Huyu bwana rudolf akipewa jukumu la u director kwenye kambi hii, alishirikiana na wafanyakazi wa SS chini ya brigedia jenerali Hans Kammler kutengeneza factory ya kuunda roketi eneo hili.

Sasa basi wafungwa eneo hili walikuwa wakifanyishwa kazi masaa 12 ,siku 7 za wiki, wakiunda hizi roketi. Ndani ya miezi miwili tu kulikuwa na wafungwa zaidi ya 8000, wakifanyishwa kazi za sulubu na mateso makali ndani kabisa ya mashimo ya handaki.

Mahandaki haya hayakuwa na hewa safi, ventilators wala maji na mwanga ukiwa mdogo. Wafungwa walikuwa wanalala humo humo handakini kwenye vitanda vya mbao. Na wala hakukuwa na choo, zaidi wafungwa walikuwa wanatumia mapipa yaliyokatwa nusu.

Wafungwa wengi walikufa kutokana na njaa, pneumonia , TB, kipindupindu, n.k. Wengi walikuwa wameisha kiasi kwamba ni skeleton zenye ngozi zilikuwa zikitembea. Wafungwa wengine wasioweza kufanya kazi waliuliwa na wengine walikufa kutokana na kuangukiwa na uzito wa mitambo ya kuundia roketi waliyokuwa wakilazimishwa kubeba kwa nguvu. Kwa kifupi ni kwamba eneo hili la nordhausen , zilikuwa zinaingia vifaa vya mashine vya kuunda roketi pamoja na wafanyakazi wafungwa ndani ya mahandaki. Lakini kilichokuwa kikitoka nje kama output ni roketi nzima iliyokamilika + miili ya watu waliokufa kutokana na hali ngumu ya ufanyaji kazi ndani ya mahandaki .

Ieleweke kwamba eneo hili la mittelwerk kwenye huu mji wa Nordhausen ilikuwa ikitumia wafungwa kwenye wa kambi za mateso kama watumwa katika kufanya kazi zinazohusihana na viwanda . SS(Shutzstaffel) chini ya Heinrich Himmler walikuwa wanafanya supply ya wafungwa wa kwenye kambi za mateso na kuwapeleka kwenye viwanda vilivyokuwa vina uhitaji wa wafanyakazi. Huko walipelekwa na kutumikishwa kama watumwa. Shughuli hii ilikuwa inasimamiwa na ofisi ya The SS Business Administration Main Office ambayo ilikuwa sponsored na serikali ya Third reich ya Adolf Hitler pamoja( in partnership)na makampuni mengine kama IG Farben, Volkswagen, Heinkel na Steiry-Damler-Puch.

Makampuni haya yalikuwa yakitengeneza faida kutokana na hii biashara ya kitumwa.Na mteja mkubwa amabaye alikuwa ni partner ilikuwa wizara ya Armament and War Production iliyokuwa chini ya waziri Albert Speer. Hii wizara ilikuwa ikitumia idadi kubwa ya wafungwa katika Shughuli zake ikiwemo hapo kwenye kambi ya mittelwerk. Hali hii ya matumizi makubwa ya wafungwa kama watumwa ilipelekea vifo vingi sana.

Kwa mfano kwenye hili eneo la mittelwerk ndani ya miezi sita tu kulikuwa na vifo 2882 kwenye mahandaki hayo ya Milima ya Harz. Na huyu Albert Speer alimsifu brigedia Hans Kammler kutokana na ufanisi mkubwa kwenye eneo hili la mittelwerk kwa kuwatumia wafungwa katika uzalishaji wa silaha hizi. Kwa kuwa walivuka lengo na kupunguza gharama kwa kiasi kikubwa.

Mpaka ilipofika majira ya kipupwe mwaka 1944, kambi hii ilikuwa tayari na kambi zingine ndogo ndogo zaidi ya 36 ,zote hizi zikifanya kazi ya kuzalisha makombora na silaha zingine zilizohitajika usiku na mchana.

Hii ni kwa sababu wafungwa walikuwa wengi na uzalishaji ulikuwa juu. Hizi subcamps kila moja ikiwa na meneja mmoja mmoja na hawa wote walikuwa wanatoka kitengo cha SS.

Staff wote wa hizi subcamps hapo Mittelwerk walikuwa wanasimamiwa na Georg Rickhey kama general manager ambaye kitaaluma alikuwa mhandisi na Mnazi haswa. Huyu bwana ndiye alikuwa dalali anayepokea tenda kwenye makampuni mbalimbali yaliyokuwa yakihitaji wafungwa kwa ajili ya kutumikishwa kwenye kazi zao. Wafungwa hawa alikuwa akiwakodi kwa bei ,ikitegemea na taaluma na ujuzi alionao mfungwa.

Kwa mfano kwa mfungwa mmoja ambaye hana ujuzi wowote alikuwa akikodiwa kwa mark 4 pesa ya Ujerumani na mark 6 kwa aliye ya ujuzi kwa siku. Hivyo ndivyo biashara ilivyokuwa ikifanyika. Mtu hapa anaweza kujiuliza mbona wajerumani wa kawaida wenye sifa walikuwa hawaajiriwi katika kutengeneza hizi silaha katika maeneo hayo na walikuwa wakitegemea wafungwa waliogeuzwa kuwa watumwa?

Ni kwamba utengenezaji wa silaha kwenye hili eneo la Mittelwerk lilikuwa la siri (classified). Hii ilisaidia siri kutokuvuja kwa urahisi kwa allied. Hivyo wafungwa walikuwa wanatumiwa kwa wingi ili siri isitoke nje.
Maana wafungwa hawa isingekuwa rahisi kutoka na kukutana na watu wa nje ya kambi hii ya mittelwerk. Ikumbukwe kwamba kwa jinsi wafungwa hawa walivyokuwa wakitumika ndivyo walivyokuwa wakifa kwa kasi sana.

Na jinsi walivyokuwa wakifa ndivyo uzalishaji wa silaha hizi ukiongezeka na vita vilikuwa vikipamba moto kote barani ulaya kutokana na matumizi ya silaha hizi za V-2. Lakini ungemweleza mtu kwamba MASTERMINDS waliohusika katika madhila haya na utengenezaji wa hizi silaha siku moja wangegeuka wa muhimu na wa thamani kama dhahabu nje ya bara la ulaya Hususani Marekani usingemuelewa.

Lakini kabla hatujaanza kujadili kwa undani kuhusu hawa wataalamu wa hizi roketi za V-2 na ilikuwaje wakajikuta wamegeuka dhahabu na bidhaa adimu na kwa marekani ilhali ni wahalifu wa kivita ,Inabidi turudi kwanza kujua kiundani jambo moja;
SEHEMU AU FACILITIES au unaweza sema kiwanda cha kutengeneza hizi Roketi zilipokuwepo.
Nataka upate picha kamili ili uelewe ni kwa namna gani Marekani alikuwa anaimezea mate hii Teknolojia ya hizi roketi.

 

[mcTobby]

3
Sasa turudi kule kwenye milima ya Harz iliyoko katikati ya nchi ya Ujerumani kwenye facility za nordhausen ambazo roketi hizi za V-2 zilikuwa zinazalishwa iliyoko katikati ya Ujerumani.

Ipo hivi .ingawa dola ya Third reich ilikuwa inakaribia kuanguka, utengenezaji wa makombora aina ya V-2 ulikuwa ukiendelea kwa kasi sana, dalili za Nazi kushindwa kwa hii vita zilikuwa dhahiri kwa kuwa Mjerumani alikuwa akishambuliwa kila upande mashariki hadi mgharibi. Na zaidi ni kwamba mmarekani ali join hii vita dakika za lala salama.

Sasa kwenye mapango haya ya mittelwerk ilipo kambi au facility za kuunda roketi ,baridi ilikuwa kali haswa pamoja na ukosefu wa hewa huko chini kwenye mahandaki ya huu mlima walikokuwa wakitengeneza makombora hayo. Kwa mfano kadiri makombora hayo yakitengenezwa kwa wingi ndivyo wafungwa walivyokuwa wakifa. Hali ilikuwa mbaya kwa wafungwa ambao kiuhalisia walikuwa ni WATUMWA.

Mfano baadhi ya wafungwa kadhaa walioleta mgomo wa kufanya kazi walinyongwa na maiti zao zikaning'inizwa mbele ya wengine kwenye cable ya kreni kwa siku nzima zaidi ili iwe fundisho kwa wengine ambao watagoma.
Mgomo huu ulikuwa na athari kadhaa ndio maana ilitolewa adhabu kali ya namna hii.
Athari iliyojitokeza ni kwamba , baadhi ya hizi roketi za V-2 zilipokuwa zikiwekwa kwenye launchpad zilikuwa zinalipuka zenyewe bila ya kuruka baada ya kufanyiwa initial ignition. Hivyo ikahisiwa kuna hujuma inafanywa na hawa wafungwa wanaozitengeneza. Walipogundulika wakanyongwa na wengine walipigwa risasi na firing squad..
Sasa nikukumbushe kwenye kambi hii ya mittelwerk ambayo ilipewa jina la uficho codename "Dora" mhandisi na mtaalamu aliyekuwa akisimamia zoezi zima la uundaji wa hizi roketi alikuwa Wernher Von Braun.(Note hili jina 📌📌📍).

Huyu bwana alijikuta anapandishwa cheo kutokana na kazi yake 'nzuri' aliyokuwa akiifanya. Cheo alichopewa kilikuwa cha SS-Sturmbannführer au SS major. Faida ya cheo hiki ni kwamba unapewa na gari pamoja na dereva wake.

Sasa siku moja huyu Wernher von braun alinusurika kufa.Hii ni baada ya gari aliyopanda kuhusika katika ajali yeye pamoja na dereva wake usiku wa march 12 ,1945 Wakielekea Berlin, wakitokea hapo nordhausen baada ya kugonga reli na kupinduka.

Huyu bwana alivunjika mkono na kumfanya kulazwa kwa muda. Sasa akiwa hospitali aliitembelewa na wasaidizi wake wa kibinafsi yaani Personal Aides Dieter huzel na Bernhard Tessmann kumpa briefings za hali ilivyo kwa ground. Hawa mabwana wawili ambao walimsaidia huyu von Braun walimweleza ,kwa sasa hakuna namna zaidi ya kutafuta maisha mengine kwa maana Ujerumani inaenda kuanguka muda wowote kuanzia sasa .

Maana nchi nzima ya Ujerumani ilikuwa imezungukwa kila upande. Na dakika za mwisho ilitoka amri makao makuu Berlin kwamba ; kwa ambae hakuwa na taaluma yoyote atakabidhiwa bunduki kwa ajili ya kupigana frontline ili kuinisuru Ujerumani. Sasa kwa kuwa von Braun tayari alikuwa na taaluma tena yenye CV ya kutosha asingepelekwa frontline. Hivyo aliona kwamba ikotokea Ujerumani imeanguka rasmi na wataalamu wote walioisaidia Utawala wa Nazi kwa namna yoyote kukamatwa,basi atatumia taaluma na ujuzi wake kama "Bargain chip". Hii ina maana ikitokea fursa ,angetumia ujuzi wake wa utengenezaji wa roketi hizi za V-2 kwenye meza ya mazungumzo ili asitiwe hatiani.

Ikumbukwe kabla ya Ujerumani kusarenda kuna amri ilitolewa pia na viongozi wa juu wa Nazi iliyojulikana kama SCORCHED-EARTH POLICY.
Sera hii ilikuwa inamaanisha kuharibiwa kwa kila miundombinu ya aina yoyote pamoja na nyaraka zote ambazo ni Classified ambazo zilikuwa zikihusiana na utengenezaji wa silaha za kivita na ushahidi mwingine ili isiangukie kwenye mikono ya jeshi la Allied kufuta ushahidi. Yaani ni kama nchi fulani huko kaskazini mwa malawi inasemekana inaficha ushahidi wa idadi rasmi ya waliokufa kwenye maandamano ya kugombea chakula ili wasishtakiwe na umoja wa mataifa 😎😎😎 ova.
( Wao Marekani nilitangulia kukwambia wanaitaka hii Teknolojia kwa udi na uvumba).

Sasa kwakuwa huyu von braun alikuwa mgonjwa kutokana na kupata ajali ,hivyo aliwaambia hawa personal aides wake wawili huzel na Tessmann mahali zilipo nyaraka zote za siri kuhusiana na utengenezaji wa roketi za V-2 na kwenda kuzificha mahali ambapo zisingeweza kupatikana kamwe au kuangukia kwenye mikono ya maadui. Na pia aliwaambia hawa wasaidizi wake hawataingia matatizoni maana angewa 'consider' kwenye meza ya mazungumzo ikitokea hiyo Fursa imepatikana.




Sasa basi Hadi ilipofika mwezi march mwishoni mwaka 1945 kambi hii ya mittelwerk ilipo kwenye milima ya harz bado kombora hizi zilikuwa zinatengenezwa, lakini kamanda Hans Kammler aliyekuwa akiisimamia hii kambi alitoa order kwa Wernher von Braun mhandisi mkuu wa hizi roketi za V-2 pamoja na maafisa wengine wahame wao pamoja na staff wao wote kwenye kambi hii.

Hii kutokana na ukweli kwamba Ujerumani ilikuwa inaenda kuanguka rasmi siku chache zijazo kwakuwa ilikuwa imezungukwa pande zote . Na la zaidi ni kwamba vikosi vya jeshi la marekani tayari vilikuwa vipo kwenye mipaka ya Ujerumani. Hivyo wataalamu wote walipaswa kuondoka haraka iwezekanavyo kwenye maeneo yote salama kujificha ili kuepuka kukamatwa au hata kuuawa.

Baada ya kukubaliana kati ya dornberger, von Braun na wasaidizi wake, huzel na Tessmann ilitakiwa wabaki eneo hili la mji wa Nordhausen kwa ajili ya kuficha hizi nyaraka za siri mahali salama ambapo zisingeweza kuonekana. Ikumbukwe von Braun alikwisha wapa maagizo sehemu zilipo. Na nyaraka hizi za siri yaani classified documents zilizokuwa zinapaswa kufichwa zilikuwa ni formula na Manual paperworks za namna ya kuunda hizi kombora za V-2.

Sasa sehemu zilipopaswa kwenda kufichwa ni kwenye mgodi mmoja ulioko kwenye kijiji cha Dörnten kilichopo pembezoni mwa milima hii ya Harz.

Kwakuwa hili zoezi lilitakiwa kufanyika kwa siri, mwenyekiti wa kijiji hiki ambaye kwa kijerumani aliitwa local gauleiters au Nazi party district leader alikuwa na taarifa.
Hivyo aliwaamrisha wanakijiji ifikapo usiku wahakikishe taa za mitaa zote zinazimwa na pia madirisha ya nyumba zao zinawekwa Shutter ili mwanga wa vyumbani mwao usionekane au kutoka nje.Huyu kiongozi aliwaambia jeshi la marekani linakaribia hivyo basi ili kijiji hiki kisishambuliwe,ilipaswa wazime taa zote (total blackout).
Kiuhalisia haikuwa hivyo bali ni kwa ajili ya kuja kuficha nyaraka hizi za siri kwenye mapango ya mgodi ulioko hapo kwenye kijiji cha Dörnten . Kufanya hivyo ni kupunguza "macho mengi" ya wambea wa hapo kijijini wasijue nini kinaendelea usiku huo.

Sasa bwana Huzel na Tessmann wasaidizi wa kibinafsi wa von Braun walikuwa njiani wakielekea kwenye kijiji hiki na Truck ya kijeshi iliyobeba shehena ya makreti yaliyowekwa nyaraka za siri zinazohusihana na utengenezaji wa makombora ya V-2. Truck hili lililobeba hizi nyaraka lilikuwa limesindikizwa na wanajeshi kadhaa ambao walikuwa wamejifunga vitambaa machoni. Lengo la kujifunga hivi ilikuwa ni amri iliyotolewa kwa ajili ya ku keep secret ambapo hata hawa wanajeshi hawakupswa kujua hizi nyaraka ni wapi zinaenda kufichwa .

Baada ya hili lorry kufika kwenye kijiji hiki ,walisimamisha gari nyuma ya lango mojawapo la huu mgodi na kisha kushuka.

Huyu Tessmann na Huzel walikutana na bwana mmoja ambaye ndiye msimamizi wa mgodi huu ambao hautumiki aliyeitwa Herr Nebelung ambaye aliwauzia moja ya chemba au pango ndani ya mgodi huu kwa ajili ya kuficha hizi nyaraka kisha kuwaelekeza sehemu ya mgodi huo. Wanajeshi waliokuwa nyuma ya hii truck waliamrishwa watoe vitambaa usoni na kuzishusha kreti zilizosheheni nyaraka na mafaili mbalimbali na kuzihifadhi ndani ya chemba waliouziwa.
Baada ya kukamilisha kuzipanga ,mlango wa chuma ulifungwa kisha ikalipuliwa baruti kwa ajili ya kuporomoa udongo ambao ungetumika kuuziba huo mlango wote.
Sasa baada ya kumaliza kufanya hili zoezi waliamua kufunga safari kuelekea Maeneo ya Bavaria kwenye safe house ili kuwakimbia wamarekani ambao tayari walikuwa maili chache kufikia hili eneo la misitu ya Harz iliyoko katikati ya Ujerumani.

Na waliapa kabisa kutomweleza mtu yoyote. Lakini waliamua kumweleza afisa mmoja bwana Otto Fleischer. Huyu Otto alikuwa meneja mstaafu akisimamia kampuni iliyokuwa ikisupply wafungwa kwenye kambi ya mittelwerk "dora" . Huzel na Tessmann waliamini huyu bwana hatavujisha siri...... HATAVUJISHA SIRI?.... hebu ngoja tuone.

 

[mcTobby]

Next episode ni tomorrow wadau

 

[euca]

Hongera mwandishi stori Iko vizuri ngoja tusuburi mwendelezo

 

[mcTobby]

Hongea mwandishi stori Iko vizuri ngoja tusuburi mwendelezo

Yeah man ngoja tupumzishe mbavu hizi kwa leo.😴😴😴

 

[kikiboxer]

Nitaisoma kesho nikiwa na muda mzuri

 

[Sumve 2015]

Sehemu ya 4...

 

[mcTobby]

Sehemu ya 4...

Stay tuned tunaendele leo

 

[Mtu Asiyejulikana]

Stay tuned tunaendele leo

Ulikomea hapa

 

[Roby G]

Mkuu muendelezo vp

 

[Mbalizi feedstuff]

Nice one

 

[AXIOM APEX VERBOSE]

Next episode ni tomorrow wadau

Toka November 25 mpaka leo December 20, tomorrow haijafika? Usitufanyie hivyo weka vitu mkuu.. umetuacha patamu

 

[AXIOM APEX VERBOSE]

Malizia vipande vilivyobakia...

 

[Smart911]

Hatari sana...


Cc: Mahondaw

 

[Mtili wandu]

Mpo humu

 

[Capt Tamar]

Bado tunasubiria