Kuna kizazi cha vijana kinachoamka kabla ya jua kuchomoza. Hawana misururu ya sifa, wala kamera zinazofuatilia maisha yao. Lakini ndani yao, kuna moto
moto wa ndoto kubwa usiozimwa na maumivu ya sasa.
- Wanavaa mavumbi ya barabara kabla jiji halijapumua.
- Wanalipa nauli ambayo ni pesa ya mwisho waliyo nayo ili kuwinda fursa.
- Wanabeba matumaini, licha ya kubeba mizigo ya maisha isiyolingana na umri wao.
Ni rahisi kuona kijana huyu na kusema “hana mafanikio bado.” Lakini ni vigumu kuona mioyoni mwao kuna ndoto zinazojengwa kwa maumivu, maombi, na ukimya.
Huyu ni kijana anayejua kuwa jasho la leo ni mbegu ya ushindi wa kesho.
Na kama wewe ni mmoja wao nasema USIKATE TAMAA.
- Maisha yanaweza kuwa magumu, lakini wewe ni imara zaidi.
- Kazi inaweza kuwa ngumu, lakini dhamira yako ni thabiti zaidi.
- Njia inaweza kuwa ndefu, lakini hatua zako zinaelekea mbali.
Siku moja, watu watashangaa mafanikio yako. Lakini wewe utajua kwamba kila hatua uliyopiga, hata ile ya mwisho wa nguvu, ilikuwa na maana.
Jitume kwa utulivu. Pambana kwa heshima. Omba kwa bidii. Amini kwa nguvu.
Maana
mwanga huja polepole, lakini huangaza zaidi kuliko giza lililopita. Na wewe, ni nuru inayoamka taratibu.
Maumivu ni ya muda, lakini ndoto ni za milele. Usikate tamaa japo unatembea peke yako leo, kesho dunia itasimama kushangilia ushindi wako.
~Chavalikungu!.