Torra Siabba
JF-Expert Member
- Jul 24, 2016
- 243
- 287
Kuna hii ishu inayowahusu ripota wa Azam TV mikoani, wapo walioanza na kampuni wapo waliojiunga na Azam baadaye. Kwa mujibu wa mikataba yao ambayo ni renewable Kila baada ya Mwaka Mmoja au miaka miwili inatagemeana na maamuzi ya Viongozi, hawa watu ndiyo injini ya habari ya Azam News na baadhi ya vipindi lakini kwa miaka yote hiyo waajiri wamekuwa wakiwafanyia ujanja ujanja kwenye mikataba yao bila kuwapa kile wanachostahili kupata.
Wakati wanaanza kazi Azam Media LTD, taarifa zinadai ya kwamba walikuwa wanalipwa retainer (Mtu anayeajiriwa ili kusaidia au kuhudumia kwa muda mrefu) kiasi cha Tsh. laki tano na elfu hamsini kwa mwezi, na Kila Habari inayoruka kwenye Taarifa za Habari za Azam TV ripota alilipwa kiasi cha Tsh 10 Elfu, na Makala moja ya Dakika 30 Mwandishi Renainer alilipwa kiasi cha Tsh elfu hamsini.
Lakini wakati wa Uongozi wa Tido Muhando akiwa Afisa Mtendaji Mkuu wa Azam Media LTD, walishushiwa viwango vya malipo ambapo Retainer ilishushwa kutoka Malipo ya laki Tano na nusu kwa mwezi Hadi Laki tatu na nusu huku story wakiongeza TSH.elfu 5 na kufikia kiasi cha Tsh elfu 15 na Makala zikishushwa Bei Hadi kufikia kiasi cha Tsh elfu 30 tu.
Lakini Habari zinazoenda kwenye platform nyingine kama Redio ya UFM na Mitandao ya kijamii wakiiipwa kias cha Tsh. elfu tatu tu.
Cha kusikitisha na kuwaumiza zaidi ni kwamba Ili waweze kulipwa stahiki zao kwa mwezi husika kwa maana ya retainer na story zilizoruka, ripota atalazimika kufikisha habari 15 kwa mwezi mmoja huu ni unyonyaji kwa sababu hawa watu hawana likizo, wanafanya Kazi siku zote 365 za mwaka.
Inapotokea ripota akiugua mfano akalala kitandani kwa wiki tatu bila kufanya kazi na kushindwa kufikisha habari 15 hawezi kulipwa stahiki zake, yaani si retainer wala hizo story chache alizozifanyia kazi. Kitu ambacho kwa chombo kikubwa kama Azam ni kuidhalilisha tasnia, na ni Ulukatili na kinyume cha haki za mfanyakazi.
Kama nilivyoeleza hapo awali, baadhi yao wamejiunga na Azam TV kati ya Mwaka 2013 na kuendelea wamekuwa wakipitia manyanyaso makubwa, lakini wale waliopo Ofisini Makao Makuu wanalipwa mishahara minono huku hawa Maripota wakinyonywa mpaka tone la damu licha ya kufanya kazi bila kuchoka kwa muda wote.
Hoja nyingine ni kwamba hao wote kwa miaka yote hiyo inayofikia 10 na zaidi wamefanya bila kuwa na bima za afya wala NSSF ingawa kwa taarifa nilizonazo ni kwamba mwaka jana AZAM Media LTD iliwaunganisha kwenye mfuko wa hifadhi ya jamii na huduma za bima za afya kwa maana ya NSSF na NHIF ambapo wameanza kuchangia mwezi Julai mwaka huu.
Kampuni inapaswa ione aibu kwa walioanza kuitumikia na kuikuza kwa kuwaingizia michango yao ya NSSF tangu walipoanza kazi. Kuanza kuwalipa ni jambo jema lakini kuanza kuwaingizia NSSF kuanzia mwaka jana baada ya miaka kumi na zaidi ni kutowatendea haki.
Huku ni kuwaonea na kuwapunja haki zao za msingi kwa Maisha yao ya kesho. Fikiria mtu kafanya kazi zaidi ya miaka 10 anaanza kulipwa NSSF mwaka wa 9 yaani miaka yote 9 iliyopita ameambulia patupu hii siyo haki, siyo utu, siyo ubinadamu.
Mzee wetu Said Salim Bakhersa na vijana wake akina Abubakar ni watu wa Imani na wenye hofu ya Mungu tunaamini hawalifahamu hili na hawawezi kukubali kuwapunja vijana waliosaidia kuikuza kampuni yeke kwa kuruhusu mikataba ya kinyonyaji.
Mwisho, hao waandishi hawawezi kusema kwa hofu ya kupoteza vibarua vyao lakini iangalieni upya mikataba ya reporter wenu. Waziri husika wasaidie hawa vijana wapate haki yao, maana kutoingiziwa kitu NSSF kwa miaka zaidi ya 10 ni unyonyaji ambao haujawahi kutokea. Naamini wengi wetu tunaipenda Azam TV kutokana na ubora na umahiri wa waandishi wenu.
Boresheni Maisha yao waendane na hadhi ya Azam TV. Kuna waandishi wenu huku mikoani tunawaona wamechoka mbaya, wengine tunagombaniana nao daladala yaani ni aibu. Unakutana naye kwanza kachoka, nguo mpauko, kavuja jasho wee hadi huruma, kumbe ananyonywa.
Hata akikaa kwenye TV tunaacha kuconcetrate kwenye habari yake anayoichambua tunakumbuka alivyokuwa anagombania chenji na konda ni aibu kwa Kampuni kwakweli.
Vile mnavyopandisha bei za vifurushi wazingatieni na wao kwenye maslahi maana Habari za Azam TV bila wao hakuna kitu. Ikikupendeza Mh. Rais wasemee hawa watu wapate stahiki zao, walipo hawawezi kusema ila wanachopitia wanakijua wenyewe. Mimi nimefanya tu kuleta taarifa.
Wakati wanaanza kazi Azam Media LTD, taarifa zinadai ya kwamba walikuwa wanalipwa retainer (Mtu anayeajiriwa ili kusaidia au kuhudumia kwa muda mrefu) kiasi cha Tsh. laki tano na elfu hamsini kwa mwezi, na Kila Habari inayoruka kwenye Taarifa za Habari za Azam TV ripota alilipwa kiasi cha Tsh 10 Elfu, na Makala moja ya Dakika 30 Mwandishi Renainer alilipwa kiasi cha Tsh elfu hamsini.
Lakini wakati wa Uongozi wa Tido Muhando akiwa Afisa Mtendaji Mkuu wa Azam Media LTD, walishushiwa viwango vya malipo ambapo Retainer ilishushwa kutoka Malipo ya laki Tano na nusu kwa mwezi Hadi Laki tatu na nusu huku story wakiongeza TSH.elfu 5 na kufikia kiasi cha Tsh elfu 15 na Makala zikishushwa Bei Hadi kufikia kiasi cha Tsh elfu 30 tu.
Lakini Habari zinazoenda kwenye platform nyingine kama Redio ya UFM na Mitandao ya kijamii wakiiipwa kias cha Tsh. elfu tatu tu.
Cha kusikitisha na kuwaumiza zaidi ni kwamba Ili waweze kulipwa stahiki zao kwa mwezi husika kwa maana ya retainer na story zilizoruka, ripota atalazimika kufikisha habari 15 kwa mwezi mmoja huu ni unyonyaji kwa sababu hawa watu hawana likizo, wanafanya Kazi siku zote 365 za mwaka.
Inapotokea ripota akiugua mfano akalala kitandani kwa wiki tatu bila kufanya kazi na kushindwa kufikisha habari 15 hawezi kulipwa stahiki zake, yaani si retainer wala hizo story chache alizozifanyia kazi. Kitu ambacho kwa chombo kikubwa kama Azam ni kuidhalilisha tasnia, na ni Ulukatili na kinyume cha haki za mfanyakazi.
Kama nilivyoeleza hapo awali, baadhi yao wamejiunga na Azam TV kati ya Mwaka 2013 na kuendelea wamekuwa wakipitia manyanyaso makubwa, lakini wale waliopo Ofisini Makao Makuu wanalipwa mishahara minono huku hawa Maripota wakinyonywa mpaka tone la damu licha ya kufanya kazi bila kuchoka kwa muda wote.
Hoja nyingine ni kwamba hao wote kwa miaka yote hiyo inayofikia 10 na zaidi wamefanya bila kuwa na bima za afya wala NSSF ingawa kwa taarifa nilizonazo ni kwamba mwaka jana AZAM Media LTD iliwaunganisha kwenye mfuko wa hifadhi ya jamii na huduma za bima za afya kwa maana ya NSSF na NHIF ambapo wameanza kuchangia mwezi Julai mwaka huu.
Kampuni inapaswa ione aibu kwa walioanza kuitumikia na kuikuza kwa kuwaingizia michango yao ya NSSF tangu walipoanza kazi. Kuanza kuwalipa ni jambo jema lakini kuanza kuwaingizia NSSF kuanzia mwaka jana baada ya miaka kumi na zaidi ni kutowatendea haki.
Huku ni kuwaonea na kuwapunja haki zao za msingi kwa Maisha yao ya kesho. Fikiria mtu kafanya kazi zaidi ya miaka 10 anaanza kulipwa NSSF mwaka wa 9 yaani miaka yote 9 iliyopita ameambulia patupu hii siyo haki, siyo utu, siyo ubinadamu.
Mzee wetu Said Salim Bakhersa na vijana wake akina Abubakar ni watu wa Imani na wenye hofu ya Mungu tunaamini hawalifahamu hili na hawawezi kukubali kuwapunja vijana waliosaidia kuikuza kampuni yeke kwa kuruhusu mikataba ya kinyonyaji.
Mwisho, hao waandishi hawawezi kusema kwa hofu ya kupoteza vibarua vyao lakini iangalieni upya mikataba ya reporter wenu. Waziri husika wasaidie hawa vijana wapate haki yao, maana kutoingiziwa kitu NSSF kwa miaka zaidi ya 10 ni unyonyaji ambao haujawahi kutokea. Naamini wengi wetu tunaipenda Azam TV kutokana na ubora na umahiri wa waandishi wenu.
Boresheni Maisha yao waendane na hadhi ya Azam TV. Kuna waandishi wenu huku mikoani tunawaona wamechoka mbaya, wengine tunagombaniana nao daladala yaani ni aibu. Unakutana naye kwanza kachoka, nguo mpauko, kavuja jasho wee hadi huruma, kumbe ananyonywa.
Hata akikaa kwenye TV tunaacha kuconcetrate kwenye habari yake anayoichambua tunakumbuka alivyokuwa anagombania chenji na konda ni aibu kwa Kampuni kwakweli.
Vile mnavyopandisha bei za vifurushi wazingatieni na wao kwenye maslahi maana Habari za Azam TV bila wao hakuna kitu. Ikikupendeza Mh. Rais wasemee hawa watu wapate stahiki zao, walipo hawawezi kusema ila wanachopitia wanakijua wenyewe. Mimi nimefanya tu kuleta taarifa.
