Wadau hawa Wakubwa wa elimu wamepotelea wapi?
By Hata Mimi JF member
Salaam alaikum,Zamani kabla ya 2010 kurudi nyuma huko tulizoea kuona vitabu vya namna mbalimbali kwa maudhui moja. Namaanisha somo husika kwa darasa fulani linakuwa na matoleo kibao ya vitabu (waandishi na wachapaji)
Hii ilikuwa inasaidia wadau kuchagua vitabu wanavyoona wao vitawasaidia na nakumbuka ikawa inaleta ushindani fulani kwenye maendeleo ya elimu yetu. Kwa vyovyote vile mabadiliko tuliyopiga katika elimu yetu inaonesha wale waandaaji wa vitabu vile wamesaidia sana mpaka kufika hapa tulipo
Sasa cha ajabu kumekuja utaratibu huu wa kwamba vitabu vyote vinaandaliwa (uandishi na uchapaji) na Taasisi ya Elimu Tanzania ndo basi tena sijawahi kuona tena vikitolewa vitabu tofauti na hivyo vya Taasisi ya Elimu Tanzania
Mashaka yangu (au niseme swali langu) ni kama hawa watu wamezuiwa kuandaa vitabu hivyo au nini? Maana kwa zama tulizonazo sasahivi naona kama wangeendelea ingeleta tija zaidi lakini siyo hii ya kila kitu kutolewa na Taasisi ya Elimu.
Binafsi naona hata mvuto ule umepotea sasahivi siyo kama enzi zile unakuta mtoto asipoelewa kitabu hiki anakwenda kuelewa kwenye kitabu kile kingine. Kwa mfano nakumbuka enzi tunasoma ilikuwa mtu mwenye vitabu vya Oxford ndiye mjanja na hata bei zake zilikuwa juu kidogo kulinganisha na wengine. Kwa wale wa Lugha nakumbuka vitabu vya English vya kampuni moja kutoka Kenya vilikuwa vinauza sana. Sasa hivi hawa Tanzania Institute of Education watakavyoandika ndo hivyohivyo mtoto itabidi akomae anataka, hataki ni wao wameshaandika.
Nitataja mifano ya wachapishaji wa zamani (2008 kurudi nyuma) kabla kuja hii Taasisi ya Elimu Tanzania
Mture Educational Publishers
Educational Books Publishers
Oxford University Press (T) LTD
Macmillan (Aidan Publishers)
Ben and Company LTD
Wizara ya Elimu na Utamaduni
