Roving Journalist
JF Roving Journalist
- Apr 18, 2017
- 5,352
- 15,876
Wakazi hao wanaoishi kwenye eneo hilo kwa madai ya kupewa na Serikali ya Kijiji cha Msakangoto, ingawa uongozi huo umekana kuhusika, wamekuwa katika mgogoro ambao hata hivyo, hatima yake ilifikiwa kupitia uamuzi wa Mahakama uliotoa ushindi kwa Mwekezaji.
Balozi Dkt. Batilda na Mwenyekiti wa Chama cha Mapinduzi (CCM) Mkoa wa Tanga, Rajabu Abdalla, walitoa msaada wa mahema na chakula wakati jitihada za kutafuta ukweli kuhusu tukio na umiliki wa eneo hilo vikifanyiwa,
Akizungumza kwa niaba ya wakazi hao, Dora Gambo amesema kufuatia uamuzi huo ni vema eneo wanalohamishiwa ndani ya siku saba walizopewa, haliingiliani na umiliki wa ardhi ya Mwekezaji, ili kuepuka migogoro inayoweza kutokea baadaye.
Mkazi mwingine, Ali Mohamed amesema suala la kuhama kwa sasa ‘halina mjadala’ na ombi lao ni kulipwa fidia, hoja iliyojibiwa na Balozi Dkt Batilda, kwamba fidia hiyo haipo kwenye uamuzi wa mahakama, ndio maana Mwekezaji akatoa Shilingi laki mbili kwa kaya, ikiwa ni kishamkono.
Mwenyekiti wa Kijiji hicho, Timotheo Samwel, ameomba waruhusiwe kuondoa mali zao ili viwasaidie katika matumizi mbalimbali ikiwemo ujenzi wa makazi.
Diwani wa Kata ya Kigombe, Shahongwe Mgandi amesema eneo wanalohamia lipo vizuri ikiwemo miundombinu iliyoruhusu kuendelezwa kwa mchakato wa huduma ya umeme kufikishwa kwenye eneo hilo.
Pia soma:
~ Kaya 67 za Msakangoto (Tanga) tumebomolewa makazi yetu, tunalala nje, tunaambiwa Mwekezaji atupe laki 2 tuondoke!