Wananchi wataka mwekezaji aondolewe

Zak Malang · 2011-01-16T06:47:13+00:00

Wananchi wataka mwekezaji aondolewe Gordon Kalulunga, Mbeya SAKATA la vurugu zilizojitokeza katika eneo la Ubaruku, Wilaya ya Mbarali mkoani Mbeya limechukua sura mpya baada ya wananchi kumpa siku tatu Mwekezaji mwenye asili ya Kiasia (Mburushi) kuondoka katika Wilaya ya Mbarali. Tamko hilo limetolewa juzi katika mkutano wa pamoja na viongozi wa dini waliofika katika eneo hilo wakiongozwa na Mchungaji William Mwamalanga ambaye pia ni mkurugenzi wa asasi isiyokuwa ya kiserikali ya kuhifadhi mazingira Mkoa wa Mbeya. Wananchi hao ambao walikuwa wameshika silaha mbalimbali wakikusudia kuelekea kwenye makazi ya mwekezaji huyo aliyetajwa kwa jina la Abrahakh Phil Mohamed, kwa ajili ya kufanya uharibifu lakini walisalimisha silaha zao huku wakitoa tamko. Tumenyonywa vya kutosha na hawa waburushi tunataka waondoke katika maeneo haya kwa muda wa siku tatu, la sivyo tutafanya kile tunachokijua maana tumechoshwa nao wakiwemo viongozi wa serikali ambao hawamuungi mkono mbunge wetu tuliyemchagua kututetea, walisema wananchi hao huku wakitulizwa na wazee waliokuwepo eneo hilo . Kwa upande wake Mchungaji William Mwamalanga, aliwasihi wananchi hao kupunguza jazba na kudai atawasiliana na viongozi wa Serikali Kuu ili kutatua kero hizo pamoja na kupata ukweli wa sakata la polisi kuua raia na kusababisha kuchomwa moto gari la mafuta na kisima cha mafuta. Aidha, Tanzania Daima Jumapili lilimtafuta Mkuu wa Wilaya hiyo, Kanali Cosmas Kayombo, ambaye aliwashukuru wachungaji hao kwa kusuluhisha na kuwatuliza wananchi hao. Kayombo alipoulizwa juu ya tamko la serikali kutekeleza tamko la wananchi la kumtaka mwekezaji kuondoka ndani ya siku tatu katika wilaya hiyo, alisema kuwa nchi inaongozwa kwa misingi ya sheria hivyo tamko hilo si sahihi. Chanzo: T. Daima Jumapili My Take: Serikali ya JK haina ubavu wa kumuondoa Mwekezaji huyo kwani ni binamu wa RA. Nyie mtaona tu. Labda watu wafe tena -- kwani huo sasa ndiyo umekuwa mtindo wa utawala huu wananchi wanapodai haki.

Thread starter Zak Malang
Start date Jan 16, 2011

Zak Malang

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Wananchi wataka mwekezaji aondolewe

Zak Malang

JF-Expert Member

Our Community

Regional Communities