Diwani wa Kata ya Ramadhani, Erasto Ngole amesema kumekuwepo na changamotoya kijamii katika eneo hilo ambapo baadhi ya wanawake wanadaiwa kuwatoza fedha waume zao kabla ya kuwapatia tendo la ndoa.
Ngole amesema hadi sasa ofisi yake imepokea jumla ya kesi tano zinazohusiana na suala hilo, hali ambayo amesema inaashiria kuibuka kwa mwenendo unaohitaji uchunguzi pamoja na utoaji wa elimu kwa jamii.
Diwani huyo amesema wanawake wanadai kuwa wameamua kuchukua hatua hiyo baada ya kugundua kuwa waume zao wamekuwa wakitumia fedha nyingi kuwagawia wanawake wengine nje ya ndoa.
"Lakini sasa ukiwauliza vizuri akina mama, akina mama wanasema: "Tumeamua tu tuwe tunawatoza kwa sababu tunajua wakienda nje kule baa wanatoa hela. Kule nje, kule nje wanatoa Sh20,000, Sh15,000, Sh10,000 na akina mama sasa wanataka na wenyewe kulipwa."
Ameeleza kuwa baadhi ya wanaume wanashindwa kutekeleza majukumu yao ya kifamilia, ikiwemo kutoa mahitaji muhimu ya nyumbani yanayofahamika kama “kodi ya meza”, jambo linalodaiwa kuchangia migogoro ndani ya familia na kusababisha makubaliano yasiyo ya kawaida kati ya wanandoa.
Aidha, ametoa wito kwa jamii kuendelea kujenga maelewano ndani ya familia na kutatua changamoto za ndoa kwa njia ya mazungumzo ili kudumisha amani na mshikamano wa kifamilia.
"Kwahiyo jamani, ili mambo yaende ni lazima tutunze na tuache hela ya chakula na mahitaji nyumbani kwa wake zetu. Na wakati mwingine hata akina mama kuchepuka, sisi ndio tunaosababisha. Sasa kama anajua kabisa wewe hutoi hela, na akienda mlango wa pili atapata hela, lazima naye ataenda kuchepuka."
"
Ngole amesema hadi sasa ofisi yake imepokea jumla ya kesi tano zinazohusiana na suala hilo, hali ambayo amesema inaashiria kuibuka kwa mwenendo unaohitaji uchunguzi pamoja na utoaji wa elimu kwa jamii.
Diwani huyo amesema wanawake wanadai kuwa wameamua kuchukua hatua hiyo baada ya kugundua kuwa waume zao wamekuwa wakitumia fedha nyingi kuwagawia wanawake wengine nje ya ndoa.
"Lakini sasa ukiwauliza vizuri akina mama, akina mama wanasema: "Tumeamua tu tuwe tunawatoza kwa sababu tunajua wakienda nje kule baa wanatoa hela. Kule nje, kule nje wanatoa Sh20,000, Sh15,000, Sh10,000 na akina mama sasa wanataka na wenyewe kulipwa."
Ameeleza kuwa baadhi ya wanaume wanashindwa kutekeleza majukumu yao ya kifamilia, ikiwemo kutoa mahitaji muhimu ya nyumbani yanayofahamika kama “kodi ya meza”, jambo linalodaiwa kuchangia migogoro ndani ya familia na kusababisha makubaliano yasiyo ya kawaida kati ya wanandoa.
Aidha, ametoa wito kwa jamii kuendelea kujenga maelewano ndani ya familia na kutatua changamoto za ndoa kwa njia ya mazungumzo ili kudumisha amani na mshikamano wa kifamilia.
"Kwahiyo jamani, ili mambo yaende ni lazima tutunze na tuache hela ya chakula na mahitaji nyumbani kwa wake zetu. Na wakati mwingine hata akina mama kuchepuka, sisi ndio tunaosababisha. Sasa kama anajua kabisa wewe hutoi hela, na akienda mlango wa pili atapata hela, lazima naye ataenda kuchepuka."
