Amina68
JF-Expert Member
- Jul 16, 2021
- 298
- 547
TANGAZO LA KUITWA KAZINI
Wizara ya Afya inapenda kuwataarifu waombaji wa ajira za kada za afya zilizotangazwa kwenye Tovuti ya Wizara ajira.moh.go.tz tarehe 16 Aprili, 2022 hadi tarehe 03 Mei, 2022 kwamba zoezi la uchambuzi wa maombi ya kazi yaliyopokelewa limekamilika.
Waombaji waliokidhi vigezo ambao majina yao yameorodheshwa kwenye tangazo hili wanatakiwa kuzingatia yafuatayo;
Kuripoti katika Ukumbi wa Chuo cha Uuguzi na Ukunga Mirembe – Dodoma ndani ya siku kumi na Nne (14) kuanzia tarehe ya tangazo hili.
Kufika na cheti halisi na nakala mbili (2) kwa kila cheti ambacho kilitumika wakati wa kuomba ajira ikiwa ni pamoja na;
Nakala ya cheti cha kuzaliwa;
Wasifu binafsi (CV)
Nakala ya Kitambulisho/namba ya Uraia (NIDA);
Nakala ya vyeti vya elimu ya Sekondari (Kidato cha Nne na Sita);
Nakala ya vyeti vya taaluma pamoja na Transcript;
Nakala ya Cheti cha Mafunzo kwa Vitendo (Internship);
Nakala ya Cheti cha usajili kutoka Baraza na Bodi husika (Valid Licence);
Nakala ya Ithibati ya vyeti vya elimu na taaluma (Accreditation na Equivalence) kutoka TCU na NECTA kwa wale waliosoma vyuo nje ya nchi pamoja na wale waliosoma Sekondari nje ya nchi/Mitaala ya nje;
Iwapo majina yako yanatofautiana katika vyeti vyako pamoja na cheti cha kuzaliwa hakikisha unawasilisha kiapo cha majina (Deed Pool) kutoka kwa Msajili wa Viapo na Kusajiliwa na Msajili wa Hati, Wizara ya Ardhi na Maendeleo ya Makazi;
Picha mbili (2) Passport Size.
Aidha, yeyote atakayeripoti na ‘Transcript’ tu au kuwa na nakala pungufu ya vielelezo tajwa hapo juu hatapokelewa.
Aidha, tunapenda kuwafahamisha kwamba, ajira hizi zimelenga kupunguza upungufu wa watumishi wa kada mbalimbali, na kwamba uhitaji kuajiri wengine bado upo, hivyo waombaji wote ambao majina yao hayakuonekana katika tangazo hili wafahamu kuwa hawakupata nafasi, hivyo wasisite kuomba tena wakati nafasi za kazi zitakapotangazwa tena.
Waombaji wote mnasisitizwa kuzingatia muda wa kuripoti kazini kama ilivyoainishwa hapo juu. Wizara itachukua hatua ya kujaza nafasi hizo kwa wale ambao hawataripoti kwa siku zilizotajwa hapo juu.
Orodha ya waombaji waliopata ajira na vituo vyao vya kazi walivyopangiwa inapatikana kupitia tovuti ya Wizara ya Afya – www.moh.go.tz
Limetolewa na:-
Prof. Abel N. Makubi
Prof. Abel N. Makubi
KATIBU MKUU WIZARA YA AFYA
30 Juni, 2022
View attachment 2277867
