Watanzania Na Matumizi Ya "TO" Badala Ya "TA"

Kwanini WaTZ hutumia kiambishi(?) "to" wanapotaka kukanusha badala ya "ta?" Kwa mfano, atasema, Sitokuja badala ya kusema "Sitakuja." Ni kosa au ni lahja tofauti?

Kwa muda mrefu nilikuwa nikifiri kuwa ni lahja ya KiTZ watu wanapochanganya "r" na "l," kabla ya kujua kuwa ni athari za lugha ya mama

ipo pia lafudhi ya sintokuja

Amavubi said:

ipo pia lafudhi ya sintokuja

Click to expand...

Sikuelewi ndungu;

MwendaOmo said:

Kwanini WaTZ hutumia kiambishi(?) "to" wanapotaka kukanusha badala ya "ta?" Kwa mfano, atasema, Sitokuja badala ya kusema "Sitakuja." Ni kosa au ni lahja tofauti?

Kwa muda mrefu nilikuwa nikifiri kuwa ni lahja ya KiTZ watu wanapochanganya "r" na "l," kabla ya kujua kuwa ni athari za lugha ya mama

Click to expand...

• Sitokuja maana yake hakika sitakuja kamwe yaani apizo na mara nyingi wapenzi hutumia wakiwa na hasira hasa wanawake
• Pia sitokuja, sintokuja, siji pia ni misemo ya apizo au hamaki
• Sitakuja maana yake sitakuja leo, samahani sitakuja leo, baadaye n.k ila nitakuja nikipata nafasi ni usemi wa kistaarabu bila hamaki au hasira

bagamoyo said:

• Sitokuja maana yake hakika sitakuja kamwe yaani apizo na mara nyingi wapenzi hutumia wakiwa na hasira hasa wanawake
• Pia sitokuja, sintokuja, siji pia ni misemo ya apizo au hamaki
• Sitakuja maana yake sitakuja leo, samahani sitakuja leo, baadaye n.k ila nitakuja nikipata nafasi ni usemi wa kistaarabu bila hamaki au hasira

Click to expand...

Asante sana mkuu; kwa mara ya kwanza nimeelewa matumizi haya vyema. Kwa hivyo Sitakuja na Sitokuja; Sitalia na Sitolia yana maana tofauti? Kwa kuelewa kwangu basi, ukisema, Sitokuja, basi ni maamuzi umeyafanya...ilhali sitakuja yaweza kuwa kwa ajili ya sababu zisizohepukika?

Nashukuru sana.

Amavubi said:

ipo pia lafudhi ya sintokuja

Click to expand...

Upo sahihi mkuu

Sawa ANDANENGA

MwendaOmo said:

Sikuelewi ndungu;

Click to expand...

wapo wanaosema sintokuja badala ya sitakuja na hii inatokana na lafudhi tu hasa makabila fulani

itakatikiamo said:

Upo sahihi mkuu

Click to expand...

asante sana dada

Hapa ningepata zero!

Kwa uelewa wangu matumizi ya kiambishi 'to' hutumika kimakosa na wakati mwingine hutumika kimazoea na watu wa eneo fulani (lahaja).

Kiambishi sahihi ni 'ta' na hutumika kama kiambishi kiwakilishi cha wakati ujao.

Ukitaka kung'amua usahihi wa matumizi ya 'ta', jaribu kubadilisha nafsi inayohusishwa katika hali ya kukubali au kukataa.
Mathalani:
nitakuja (sitakuja)

Kitu ambacho hakikubali kama utatumia 'to'...neno nitokuja si neno sahihi.

Karucee said:

Hapa ningepata zero!

Click to expand...

Wewe hutumia neno lipi?

Sauti /l/ na /r/ huchanganywa sana na wasemaji wa Kiswahili hasa wa bara ya Tanzania. Chanzo kimoja ni hizo lugha za kikabila. Nyingi ni za Kibantu ambamo sauti hizo hazina mlinganuo. Nyingi zina /l/ au /r/.
Hata hivyo wasemaji wengi waliokulia mijini hivi leo hutumia zaidi /l/ badala ya /r/. Wasemaji hao wengi wao hata hawasemi lugha za kikabila. Kwa kuwa mlinganuo wa sauti hizo mbili ni mdogo kwa kiasi fulani katika Kiswahili, basi zinachanganywa. Kwa mfano, /lafiki/ v. /rafiki/; /mpila/ v. /mpira/; /uhulu/ v. /uhuru/. Vilevile /chakura/ v. /chakula/, /kabila/ v. /kabira/ n.k. maneno hayo hayatofautishwi sana na baadhi ya wasemaji. Hata ktk JF utaona sana mambo haya.
Sisemi kwamba hakuna mlinganuo kabisa, upo. /karamu/ v. /kalamu/, /kura/ v. /kura/.
Kwa maoni yangu hiyo ni mojawapo ya athari za kutosomeshwa vizuri Kiswahili sanifu. Watu wengi wanafikiri Kiingereza kimekufa Tanzania kwa sababu ya mkazo uliowekwa kwenye Kiswahili. Nasema lugha kwa jumla zilipuuzwa katika mitaala yetu. Matokeo yake yalionekana kirahisi katika lugha ya kigeni. Na ktk Kiswahili, sasa matatizo hayo yanonekana kwa udhahiri zaidi.

Amavubi said:

ipo pia lafudhi ya sintokuja

Click to expand...

hicho siyo kiswahili sanifu ijapokuwa watu wengi wanatumia 'sinto...'

Ila naona mfano: sitokuja na sitakuja zinatumika sawa kwenye lugha