Akifanya hivyo Lukuvi itakua vizuri sana.
Kuna mtu anaitwa masawe ana maeneo mengi huko Tabata Kinyerezi, Segerea, Kifuru n.k ni maeneo makubwa yapo location tofauti na kila eneo ni zaidi ya ekari tano.
Hayo maeneo yake mengi ni mapori, kitu kibaya ni kwamba hayo maeneo mengi kuna uhalifu mkubwa unafanyika ikiwemo kina mama kubakwa, kukabwa, watu kuporwa mali zao, wezi na majambazi kujificha n.k.
Lakini hadi Leo serikali imeshindwa kumwambia aendeleze hayo maeneo sababu yana miaka mingi na yapo katikati ya Makazi ya watu.
Wananchi wamejaribu kufatilia kwenye mamlaka za serikali ila wameshindwa sababu huyo masawe anatumia watendaji wa serikali na Polisi kutisha wananchi kwa kua ana Cheo kikubwa Tanroads.
Nimesikia hata eneo lililopimwa Kinyerezi kwa ajili ya soko la Kinyerezi kalimega na kuweka mashine zake za ujenzi kwa nguvu na mamlaka za serikali zimeshindwa kumuondoa. ( wanasema ana kampuni ya ujenzi inaitwa OSINGO construction).
Kitu kingine kingine ni kwamba mara nyingi ana migogoro mingi na wananchi katika hayo maeneo sababu hayo maeneo alishapima kinyemela bila kushirikiana na wananchi majirani hivyo upatikanaji wa barabara umekua mgumu sababu wananchi wanatakiwa kuzunguka umbali mrefu kukwepa mapori yake.
Amekua akitishia wenyeviti wa serikali za mitaa kwa kuwapeleka Polisi hasa kituo cha Stakishali.
Anatumia mahakama kudhulumu wananchi haki zao sababu, anatumia pesa nyingi kuendesha kesi ashinde pia akitumia mahakama kuweka mazuio kwenye maeneo hayo ili wananchi wakose haki zao. Akiweka mazuio yeye hana cha kupoteza sababu sio mkazi wa maeneo hayo pia hayaendelezi mapori hayo.
Wanaoathirika na zuio za mahakama ni wananchi masikini wanaotegemea Viwanja vyao vidogo kwa ajili ya Makazi.
Hadi sasa ana mgogoro mkubwa na wananchi wa mtaa mmoja Kinyerezi sababu hilo eneo lake kubwa ekari tano limepimwa na serikali imethibitisha kwa michoro na mipaka na anayo Hati na pia wananchi majirani wanazo hati, kitu cha ajabu ni kwamba huyo masawe kafunga barabara iliyopo kwenye vipimo akisema ni eneo lake hivyo hataki wananchi wapite amechimba mitaro na kupanda magogo katika barabara hiyo iliyopimwa na kuthibitishwa na serikali kupitia Wizara ya ardhi.
Wananchi tunataka kuchonga barabara hiyo ila anatumia Polisi kutishia wananchi anakamata kiongozi wa serikali za mtaa, anaenda ofisi ya Mkurugenzi idara ya ardhi kupotosha pia amefungua kesi mahakamani kuweka mazuio ya kuchonga barabara ila hadi sasa hatujajua mahakama imetoa uamuzi gani.
Huyo masawe na kampuni yake OSINGO Construction ni mtu anaefahamika na watu wengi maeneo ya Kinyerezi, Kifuru, Segerea n.k kwa kuanzisha migogoro ya ardhi.
Nimeandika kwa kifupi na nina uthibitisho endapo ukihitajika na Wizara.
Hivyo naomba Mh Waziri Lukuvi au Mh Rais Magufuli utusaidie wananchi wa Kinyerezi, Kifuru, Segerea n.k kuhusu huyo masawe sababu anajisifia kwamba wewe ndie uliempa cheo Tanroads hivyo hakuna mtu wa kumfanya kitu.