Waziri Mbarawa awafunda DIT

kilimasera · 2010-12-08T06:58:22+00:00

WAZIRI wa Mawasiliano, Sayansi na Teknolojia, Profesa Makame Mbarawa, ameutaka uongozi wa Taasisi ya Teknolojia Dar es Salaam (DIT), kupunguza mlundikano wa kozi kwa lengo la kuleta ufanisi. Kwa mara ya kwanza, alipotembelea taasisi hiyo tangu kuteuliwa kwake kuwa waziri hivi karibuni, Waziri Mbarawa alizungumza na uongozi, wahadhili, wafanyakazi na wanafunzi wa taasisi hiyo jana, kwa lengo la kutaka kujionea mwenyewe utendaji kazi na matatizo yaliyopo. Akizungumza na wahadhiri akiwemo Mkurugenzi wa Mafunzo, Profesa Christian Nyahumwa, Waziri Mbarawa aliuonya uongozi wa taasisi hiyo kupunguza mlundikano wa kozi ambao unasababisha kupungua kwa ufanisi na gharama kuwa kubwa. Katika suala la mawasiliano, Waziri Mbarawa aliutaka uongozi huo kuwa na mawasiliano kati ya menejimenti, wafanyakazzi, wanafunzi na wizara ili kupunguza mingongano isiyo ya lazima kutokea kama ilivyo sehemu nyingi za kazi. Nimesoma jana mahali fulani, nimeona kuwa mna kozi nyingi sana, naona ingekuwa vyema kuzipunguza ili kuleta ufanisi kwa wanafunzi na walimu, lakini pia kupunguza gharama kubwa ikiwemo vifaa na wafanyakazi, aliongeza. Huwezi kuibuka tu ukajiamulia leo kukatiza masomo au somo bila kuwashirikisha wanafunzi, ukafanya maamuzi makubwa bila kuwashirikisha wafanyakazi, haya yote husababisha migongano na migomo kwa wanafunzi au wafanyakazi, ni lazima kuepuka matatizo kama haya, alionya waziri huyo. Akitoa taarifa kwa waziri, Mkurugenzi wa Mafunzo katika taasisi hiyo, Profesa Christian Nyahumwa, alisema tayari taasisi imeanza mikakati ya matumizi ya vitendea kazi vipya vilivyopo ili kuboresha ufundishaji.

Thread starter kilimasera
Start date Dec 8, 2010

kilimasera

JF-Expert Member

Dec 8, 2010

Mwita Maranya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts