Mheshimiwa Waziri,
Sisi, walimu wa Halmashauri ya Wilaya ya Busega, tunakuandikia kwa huzuni na wasiwasi mkubwa kuhusu vitendo vya ukaidi na unyanyasaji tunavyopata kutoka kwa Mkurugenzi wa Halmashauri ya Wilaya ya Busega, Ndugu Marco Kachoma. Tangu mwezi wa Agosti 2024, tulipomuandikia barua rasmi ya kujitoa kutoka Chama cha Walimu (CWT) na kujiunga na Chama cha Kutetea Maslahi ya Walimu (Chakuhawata), tumekuwa tukikabiliwa na vikwazo na manyanyaso yasiyo na msingi.
Licha ya haki yetu ya kikatiba ya kujiunga na chama chochote tunachokiona kinafaa kutetea maslahi yetu, Ndugu Kachoma amekuwa akituzuia na kutishia usalama wetu wa ajira. Hadi sasa, walimu wapatao 150 walioamua kuhamia Chakuhawata wameendelea kupokea vitisho kutoka kwa Mkurugenzi huyu. Tumekuwa tukinyimwa fursa za kushiriki na kusimamia matukio muhimu ya kitaifa kama vile mitihani, jambo ambalo limeathiri sana morali na utendaji wetu wa kazi.
Mbaya zaidi, Kaimu Katibu wa Chakuhawata ameendelea kutishwa na kuhofia kufukuzwa kazi endapo ataendelea kusimamia na kudai haki za walimu. Kutokana na hali hii, tuliamua kumuandikia Katibu Mkuu Kiongozi Ikulu, tukimuelezea juu ya ukaidi wa Ndugu Marco Kachoma. Kwa uchungu, tunaripoti kwamba hadi sasa, licha ya barua kutoka kwa Katibu Mkuu iliyomuelekeza Ndugu Kachoma kuzingatia kanuni na sheria za ajira, hakutekeleza agizo hilo. Kuanzia mwezi wa Novemba 2024 hadi leo hii tarehe 22 Januari 2025, hatujaondolewa rasmi kutoka CWT na kuungwa rasmi na Chakuhawata kama ilivyotarajiwa.
Tumechukua hatua zaidi kwa kuwasilisha malalamiko yetu kwa Mkuu wa Wilaya ya Busega pamoja na Katibu Tawala wa Wilaya ya Busega, lakini bado hali haijabadilika. Vitendo vya Ndugu Kachoma vimetusababishia uchungu mwingi na kutuondolea kabisa morali ya kufanya kazi.
Kwa heshima tunakuomba, Mheshimiwa Waziri, uchukue hatua stahiki ili kuhakikisha kuwa haki zetu kama walimu zinaheshimiwa na tunapata mazingira bora ya kazi. Tunakuomba uzingatie malalamiko haya kwa uzito unaostahili na kuchukua hatua dhidi ya Ndugu Marco Kachoma kwa kuzingatia sheria na kanuni za ajira.
Asante kwa wakati wako na tunategemea msaada wako katika suala hili.
Wako kwa dhati,
[WALIMU 150 TUNAOIKANA CWT]
[WANACHAMA]
Walimu wa Halmashauri ya Wilaya ya Busega
MY TAKE: KAMA HUYU MKURUGENZI HAMHESHIMU KATIBU MKUU KIONGOZI IKULU JE ATATUHESHIMU SISI WALIMU NA WAFANYAKAZI WAKE TULIO CHINI YAKE? TAFAKARI, CHUKUA HATUA
Sisi, walimu wa Halmashauri ya Wilaya ya Busega, tunakuandikia kwa huzuni na wasiwasi mkubwa kuhusu vitendo vya ukaidi na unyanyasaji tunavyopata kutoka kwa Mkurugenzi wa Halmashauri ya Wilaya ya Busega, Ndugu Marco Kachoma. Tangu mwezi wa Agosti 2024, tulipomuandikia barua rasmi ya kujitoa kutoka Chama cha Walimu (CWT) na kujiunga na Chama cha Kutetea Maslahi ya Walimu (Chakuhawata), tumekuwa tukikabiliwa na vikwazo na manyanyaso yasiyo na msingi.
Licha ya haki yetu ya kikatiba ya kujiunga na chama chochote tunachokiona kinafaa kutetea maslahi yetu, Ndugu Kachoma amekuwa akituzuia na kutishia usalama wetu wa ajira. Hadi sasa, walimu wapatao 150 walioamua kuhamia Chakuhawata wameendelea kupokea vitisho kutoka kwa Mkurugenzi huyu. Tumekuwa tukinyimwa fursa za kushiriki na kusimamia matukio muhimu ya kitaifa kama vile mitihani, jambo ambalo limeathiri sana morali na utendaji wetu wa kazi.
Mbaya zaidi, Kaimu Katibu wa Chakuhawata ameendelea kutishwa na kuhofia kufukuzwa kazi endapo ataendelea kusimamia na kudai haki za walimu. Kutokana na hali hii, tuliamua kumuandikia Katibu Mkuu Kiongozi Ikulu, tukimuelezea juu ya ukaidi wa Ndugu Marco Kachoma. Kwa uchungu, tunaripoti kwamba hadi sasa, licha ya barua kutoka kwa Katibu Mkuu iliyomuelekeza Ndugu Kachoma kuzingatia kanuni na sheria za ajira, hakutekeleza agizo hilo. Kuanzia mwezi wa Novemba 2024 hadi leo hii tarehe 22 Januari 2025, hatujaondolewa rasmi kutoka CWT na kuungwa rasmi na Chakuhawata kama ilivyotarajiwa.
Tumechukua hatua zaidi kwa kuwasilisha malalamiko yetu kwa Mkuu wa Wilaya ya Busega pamoja na Katibu Tawala wa Wilaya ya Busega, lakini bado hali haijabadilika. Vitendo vya Ndugu Kachoma vimetusababishia uchungu mwingi na kutuondolea kabisa morali ya kufanya kazi.
Kwa heshima tunakuomba, Mheshimiwa Waziri, uchukue hatua stahiki ili kuhakikisha kuwa haki zetu kama walimu zinaheshimiwa na tunapata mazingira bora ya kazi. Tunakuomba uzingatie malalamiko haya kwa uzito unaostahili na kuchukua hatua dhidi ya Ndugu Marco Kachoma kwa kuzingatia sheria na kanuni za ajira.
Asante kwa wakati wako na tunategemea msaada wako katika suala hili.
Wako kwa dhati,
[WALIMU 150 TUNAOIKANA CWT]
[WANACHAMA]
Walimu wa Halmashauri ya Wilaya ya Busega
MY TAKE: KAMA HUYU MKURUGENZI HAMHESHIMU KATIBU MKUU KIONGOZI IKULU JE ATATUHESHIMU SISI WALIMU NA WAFANYAKAZI WAKE TULIO CHINI YAKE? TAFAKARI, CHUKUA HATUA
