Waziri Mkuu Kassim Majaliwa aagiza kusimamishwa kazi kwa maafisa wa Halmashauri ya Kilolo kwa Tuhuma za Matumizi Mabaya ya Fedha za Umma

[Mangi Meno]

IRINGA - Waziri Mkuu Kassim Majaliwa ameagiza kusimamishwa kazi mara moja kwa Mhandisi wa Halmashauri ya Wilaya ya Kilolo, Emanuel Sigachuma, na Ofisa Elimu Sekondari wa halmashauri hiyo, Nelson Milanzi, ili kupisha uchunguzi wa tuhuma zinazowakabili na kuwafikisha mahakamani. Wawili hao, pamoja na Mkurugenzi wa halmashauri hiyo mstaafu, Laini Kamendu, wanatuhumiwa kushindwa kutekeleza wajibu wao na kusababisha kuwepo kwa mashaka ya matumizi ya zaidi ya Sh Milioni 700 za ujenzi wa bwalo la Shule Mpya ya Sekondari ya Wasichana ya Mkoa wa Iringa ya Lugalo.

Kiasi hicho cha fedha ni sehemu ya zaidi ya Sh Bilioni Tatu zilizotolewa na serikali kupitia mpango wa Rais Samia Suluhu Hassan wa kujenga shule moja ya sekondari ya wasichana katika kila mkoa.

Akitoa taarifa ya ujenzi wa shule hiyo inayojengwa katika Kata ya Mbigili wilayani Kilolo, na ambayo imeanza kupokea wanafunzi wa kidato cha tano mwaka huu, mhandisi wa halmashauri hiyo alisema ujenzi wa bwalo hilo, ambao umefikia zaidi ya asilimia 40, umegharimu zaidi ya Sh Milioni 300.

Alipoulizwa zilipo fedha zingine za kukamilisha ujenzi wa bwalo hilo, mhandisi huyo alisema zilitumika kukamilisha miundombinu mingine ya shule hiyo, majibu yaliyomkasirisha Waziri Mkuu na kumfanya aulize tena: “Kwa nini fedha za bwalo zifanye kazi nyingine tofauti na maelekezo ya serikali yanayoonesha kila jengo linatakiwa kujengwa kwa gharama yake?”

Akiuliza zilipo zaidi ya Sh Milioni 400 za ujenzi huo, sababu za bwalo hilo kutokamilika, na wapi wanafunzi wa shule hiyo wanalia chakula; mhandisi huyo alikaa kimya akionekana hana majibu.

Akimuagiza mwanasheria wa serikali kuhakikisha wawili hao wanafikishwa mahakamani, Waziri Mkuu alimtaka Katibu Tawala wa Mkoa wa Iringa kumtafuta popote alipo na kumrejesha Iringa aliyekuwa Mkurugenzi wa Halmashauri hiyo, Kamendu, ili naye aunganishwe katika kesi hiyo.

Aidha, Waziri Mkuu amehoji sababu ya halmashauri hiyo kumlipa mkandarasi fedha zake zote pamoja na kwamba hajakamilisha sehemu ya ujenzi wa jengo la utawala, huku akitaka madawati yote katika shule hiyo yaliyotengenezwa chini ya kiwango, yaondolewe mara moja.

“Leteni roli sasa hivi lije libebe madawati haya, sitaki kuyaona hapa,” alisema.

Nimefanya kazi Kilolo kama DMO, kwa huyo DED Mstaafu. Mungu kajibu maombi yangu.

R.I.P Mzee Shehemba Kuziwa.

 

[Tate Mkuu]

Imagine hiyo ni sehemu moja tu! Kilolo!! Vipi akikagua maeneo yote yenye hayo majengo ambayo mpaka sasa hayajakamilika kutokana na upigaji!!

 

[Koffi Annan]

Tulikubaliana kila mtu ale kwa urefu wa kamba.

 

[kabiriga]

Fedha za wananchi zinaliwa bila kunawa mikono. Nchi ya amani sana hi!!!!

 

[Arch Barrel]

Mkuu usifurahie mwenzio kukutwa na changamoto

 

[Tangawizi]

Nchi inapigwa na wanaopiga wapo kama hakuna kinachofanyika. Terrible. Halafu uhalali wa kukusanya kodi unatoka wapi kama kodi zinaishia kuibwa au kuchezewa na wajanja walio kwenye ofisi za umma?

 

[Carasco Putin]

Kula chuma hko

 

[mwanadodoma]

Huwezi kuziona chawa kama LUCAS MWASHAMWA zikibubujikwa na machozi😂😂

 

[KING MIDAS]

Nina mashamba kangi Lulanzi ka parachichi hela hamsini

 

[Mzee Kimamingo]

Siasa tu izo ivi kwa halmashauri zetu Unadhani ni Rahisi kula 300m.

Waliopo Huko wanajua palivo nwaambia izo ni Siasa tu

 

[Mangi Meno]

Nelson Milanzi kitu gani kilimhamisha Dodoma na Masasi akapelekwa Iringa?

Hapo Millanzi hana hatia kwani huyo DED alikiwa anamtuma asimamie shule nyingine ili yeye na huyo Sigachuma wafanye uhuni.

Mbona nasikia palepale kwenye mkutano PM alibatilisha maamuzi kuhusu Milanzi mkuu. Milanzi hausiki huko tena.

 

[Mangi Meno]

Siasa tu izo ivi kwa halmashauri zetu Unadhani ni Rahisi kula 300m.
Waliopo Huko wanajua palivo nwaambia izo ni Siasa tu

Ni kweli haiwezekani ila huyo mstaafu kaumizia sana watu. Leo akina Mukungu, Assey, Mang'una hadi madereva wanakula bia huko walipo.

 

[Mangi Meno]

Nina mashamba kangi Lulanzi ka parachichi hela hamsini

Mi nimetoka huko. Jamaa hawachelewagi kuiba na kuchoma moto mashamba mkuu. Umepanda zote hizo 50 Acres?

 

[HIMARS]

Hadi unajiuliza hivi TISS ipo kweli?

 

[Mangi Meno]

Mkuu usifurahie mwenzio kukutwa na changamoto

Kutoka moyoni, mzee huyo mstaafu kaumiza sana watu hadi kusababisha mauti ya mzee mmoja alikuwa Afisa Kilimo mzee Kuziwa. Inasikitisha sana.

Nimefanya kazi chini yake, sijawahi nyanyasika kama alivyokuwa ananinyanyasa huyo mzee.

 

[Mangi Meno]

Asante, sijasema kama anahusika, bali nimehoji tu kufahamu sababu za yeye kuhamishwa kutoka Dodoma -Masasi-Iringa.

Hiko si kitu cha kawaida mkuu kwa mtumishi kuhamishwa.

 

[Buyeo]

Mkuu usifurahie mwenzio kukutwa na changamoto

Hajakutwa na changamoto bali amezitafuta changamoto.
Kipindi anaiba, alijua kabisa ikijulikana itakuwa je.

 

[Smart911]

Inasikitisha sana...


Cc: Mahondaw

 

[Jasmoni Tegga]

Imagine hiyo ni sehemu moja tu! Kilolo!! Vipi akikagua maeneo yote yenye hayo majengo ambayo mpaka sasa hayajakamilika kutokana na upigaji!!

Usikute shida haiko kwa wasimamazi wala wakandarasi, bali kwa wakaguzi wenyewe.

Kuna haja ya kuunda tume ili ikateue kamati ya kwenda kuandaa kamati fulani ndogo ili kamati hiyo imtafute mkaguzi wa kumkagua huyo mkaguzi.

My point is, wakaguzi wengine ni wasomi vichomi haswa!

 

[coscated]

Siasa tu izo ivi kwa halmashauri zetu Unadhani ni Rahisi kula 300m.

Waliopo Huko wanajua palivo nwaambia izo ni Siasa tu

Kwenye 300 si kwamba wamekula yote, inawezekana hapo imepigwa 40-60m hivi