Waziri mwingine atua Samunge

Rutashubanyuma · 2011-04-27T06:00:43+00:00

Waziri mwingine atua Samunge Send to a friend Tuesday, 26 April 2011 21:24 Naibu Waziri wa Kilimo, Chakula na Ushirika, Eng. Christopher Chizza (kushoto) akizungumza na Mchungaji Ambilikile Mwasapila (kulia) katika kijiji cha Samunge, Loliondo, mkoani Arusha baada ya kunywa dawa jana. Picha na Mussa Juma Mussa Juma, Samunge NAIBU Waziri wa Kilimo, Chakula na Ushirika, Christopher Chizza na familia yake, jana walikuwa miongoni mwa watu waliopata kikombe cha tiba ya magonjwa sugu kwa Mchungaji Ambilikile Mwasapila katika Kijiji cha Samunge, Loliondo.Chizza aliwasili Samunge akiwa na mkewe na wanafamilia wengine na kupokewa na Mkuu wa Wilaya ya Ngorongoro, Elias Wawa Lali. Mbali ya kupata kikombe, alitumia fursa hiyo pia kumpa pole mchungaji huyo ambaye amefiwa na mtoto wake. Akizungumza mara baada ya kupata kikombe cha tiba, Chizza alisema ni wajibu wa Serikali kuboresha miundombinu ya kufika Samunge kutokana na watu wengi wa ndani na nje ya nchi kwenda Samunge."Bado barabara siyo nzuri na mazingira ya Samunge ni machafu. Ni wajibu wa Serikali kuboresha miundombinu na utaratibu wa kutunza mazingira," alisema Chizza. Waziri huyo ambaye alifika Samunge kwa gari alisema, ameamua kutumia mapumziko ya Pasaka kwenda Samunge kupata tiba baada ya kusoma habari za Mchungaji Mwasapila na kupata taarifa za watu kupona magonjwa mbalimbali. Robo tatu ya magari Samunge yatokea Kenya Raia wa Kenya, juzi na jana walitinga kwa wingi hapa Samunge na kufanya karibu robo tatu ya magari yaliyokuwapo hapa kutoka nchi hiyo jirani. Mengi ya magari hayo ni mabasi madogo, maarufu kama matatu (daladala). Wakenya hao waliingia kuanzia juzi usiku na kutawala Viwanja vya Samunge, huku magari machache ya Watanzania yakianza kuingia jana asubuhi.Licha ya Wakenya, raia wa Rwanda na Uganda jana wali tinga Samunge na kupata kikombe na sasa idadi ya wageni kutoka nje ya nchi waliofika Samunge, imefikia zaidi ya 13,700. Wagonjwa kuweka matanga kwa Babu Baadhi ya wagonjwa leo wanaanza matanga nyumbani kwa Mchungaji Mwasapila ambaye amefiwa na mtoto wake, Jackson (43).Wakizungumza na Mwananchi jana, baadhi ya wagonjwa waliopo Samunge, walisema wataendelea kuwapo Samunge hadi Ijumaa Mchungaji Mwasapila atakaporejea. "Kama unavyoona siyo rahisi leo kupata kikombe. sisi tutakuwa hapa nyumbani kwa Mwasapila hadi arudi msibani na tutaweka matanga," alisema John Lyimo aliyekuwa anatokea Same, mkoani Kilimanjaro. Mkazi mwingine wa Musoma, Joram Mahiza ambaye alikuwa na familia yake, pia alisema hatarajii kurejea Musoma hadi Ijumaa atakapopata kikombe: "Sisi tutamsubiri tu hapa tutakuwa na jamaa zake hapa msibani." Lali alitangaza juzi kusitishwa kwa safari na huduma hiyo ya tiba hadi Ijumaa Mchungaji Mwasapila atakaporejea kutoka Babati. Alitarajiwa kuondoka Samunge jana jioni.

Thread starter Rutashubanyuma
Start date Apr 27, 2011

Rutashubanyuma

JF-Expert Member

Apr 27, 2011

Rutashubanyuma

JF-Expert Member

Apr 27, 2011

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

General Forums
Habari na Hoja mchanganyiko

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts