GE2025 Wito kwa wagombea: Msituharibie utaratibu wa kila siku wa wananchi

[tausi2020]

Leo Mwanza, wananchi wanakabiliwa na changamoto kubwa ya msongamano na foleni zisizo na mwisho kutokana na kufungwa kwa barabara kuu wakati wa kampeni za kisiasa.

Kwa heshima tunawaomba wagombea wote: msiharibu utaratibu wa kila siku wa wananchi katika siku hizi 30 za kampeni. Madhara yanayoshuhudiwa ni makubwa na yasiyo ya haki.

1. Kupoteza muda muhimu – Wananchi wanakaa kwenye foleni masaa , wakati ambao wangeweza kufanya kazi, kulea familia, au kushughulikia shughuli zao za kila siku.
2. Gharama zisizo za lazima – Msongamano unaongeza matumizi ya mafuta, kuathiri bajeti za familia na biashara ndogo ndogo.
3. Kuchelewesha huduma muhimu – Wagonjwa, wanafunzi, walimu na wafanyabiashara wanashindwa kufika kwa wakati, jambo linaloathiri afya, elimu, na biashara.
4. Kuvuruga maisha ya kawaida ya wananchi – Siasa haina thamani iwapo inavuruga shughuli za kila siku za wananchi, na wananchi hawawezi kubeba mzigo huu.

Tunaomba kwa dhati: pange mikutano na kampeni zenu kwa hekima, kwa njia inayoheshimu maisha ya wananchi, badala ya kuleta mateso yasiyo ya lazima.

Siasa ni muhimu, lakini haipaswi kuwa kero kwa wananchi. Kampeni bora ni ile inayojenga matumaini, siyo ile inayotia wananchi kwenye msongamano na hasira zisizo za lazima.