Wizara ya Afya: Hakuna mgonjwa wa Ebola Tanzania, wananchi zingatie hatua za kujikinga

Wizara ya Afya: Hakuna mgonjwa wa Ebola Tanzania, wananchi zingatie hatua za kujikinga

PAYE

JF-Expert Member
Joined
Jun 19, 2025
Posts
459
Reaction score
644
Wizara ya Afya imetoa taarifa muhimu kwa umma kuhusu mwenendo wa ugonjwa wa Ebola unaoendelea nchini Jamhuri ya Kidemokrasia ya Kongo (DRC), pamoja na kugundulika kwa mgonjwa nchini Kenya aliyesafiri kutoka DRC. Hata hivyo, Wizara imesisitiza kuwa hadi sasa hakuna ugonjwa wa Ebola uliothibitishwa nchini Tanzania.

Wizara imewataka wananchi kuzingatia hatua za kujikinga, ikiwemo kunawa mikono kwa maji tiririka na sabuni, kuepuka kugusa majimaji ya mwili wa mtu mwenye dalili zinazofanana na Ebola au aliyefariki kwa dalili hizo, pamoja na kuepuka kugusa wanyama pori kama popo na sokwe. Wananchi pia wametakiwa kutoa taarifa kwa kupiga simu bila malipo kupitia namba 199 wanapobaini mtu mwenye dalili zinazofanana na ugonjwa huo.

Aidha, Serikali inaendelea kuimarisha ufuatiliaji wa afya katika viwanja vya ndege, bandari na mipaka ya nchi, huku ikiwataka wahudumu wa afya kuzingatia kanuni za kuzuia na kudhibiti maambukizi. Wizara imewahimiza wananchi kufuatilia taarifa kutoka vyanzo rasmi vya Serikali ili kupata taarifa sahihi na kuepuka upotoshaji kuhusu ugonjwa huo.

EBOLA 1.jpg
EBOLA 2.jpg
Soma pia
 
Back
Top Bottom