SoC03 Yangu majuto

Karatasi nalivuta, Natamani kuandika,
Mambo yaliyonikuta, mwili unatetemeka,
Nani wa kuyafuta, Machozi yananitoka,
Ninaishia kujuta, Kila ninapokumbuka,

Nilikua mgomvi, Makundi kutengeneza,
Nilikua ajizi, mazuri kuyapoteza,
Nilikua jambazi , wanyonge kuwaumiza,
Nilikua bazazi , uongo kuendeleza,

Niliua wazazi, Baraka kuzipoteza,
Nilihama makazi, Mali zao kuziuza,
Sikuitaka kazi, Vya watu kuendekeza,
Sasa nipo kitanzi, Nashindwa kuyaeleza,

Mwili wapata ganzi, Ndugu kuwapoteza,
Natokwa na Machozi, Sina nilichobakiza,
Ninashindia andazi, Pesa nilishapoteza,
Waliokua wapenzi, Wote nimewapoteza,

Sasa ninajiuliza, Nini kinaendelea,
Macho yametanda Giza, Kila nikitizamia,
Dunia ya miujiza, Wapi nilipofikia,
Napaswa kuyaeleza, Tusije kuyarudia,

Serikali yahimiza, Upendo kuendeleza,
Tuepuke kuteleza, Sheria itatufunza,
Sheria kuzigeuza, Amani tutapoteza,
Tuudumishe Umoja,mema kuyaendeleza