Zanzibar: Watuhumiwa Sita wa Mauaji ya Sheikh Jabir Haidar Jabir wapelekwa rumande

Zanzibar: Watuhumiwa Sita wa Mauaji ya Sheikh Jabir Haidar Jabir wapelekwa rumande

Roving Journalist

JF Roving Journalist
Joined
Apr 18, 2017
Posts
5,352
Reaction score
15,876
Mahakama Kuu ya Zanzibar imewapeleka rumande watuhumiwa sita wanaokabiliwa na tuhuma nzito za mauaji ya Sheikh Jabir Haidar Jabir, tukio lililotikisa jamii ya Zanzibar mwishoni mwa mwezi Mei, 2025.

Watuhumiwa hao ni Salum Manja Ame (23), Idrisa Kijazi Kasim (41), Ali Mohamed Ali (30), Ali Machano Haji (30), Zahor Khamis Ali (54), na Mohamed Hassan Jongo (38).

Kwa mujibu wa taarifa rasmi kutoka Mahakama ya Zanzibar, wote ni wakazi wa Zanzibar na wanashtakiwa kwa kosa la kumuua kwa makusudi Sheikh Jabir Haidar Jabir, kinyume na kifungu namba 179 na 180 vya Sheria ya Adhabu namba 6 ya Mwaka 2018.
Sheikh Jabir Haidar.png
Wakili kutoka Ofisi ya Mkurugenzi wa Mashtaka, ndugu Anuwar Saaduni, aliiambia Mahakama kuwa watuhumiwa hao walishirikiana kwa makusudi katika kupanga na kutekeleza mauaji hayo. Tuhuma zinaeleza kuwa tukio hilo lilitokea mnamo tarehe 27 Mei 2025 majira ya saa tatu usiku katika eneo la kisiwani, ambapo Sheikh Jabir aliuawa kwa kutumia silaha ya moto.

Katika kikao cha kusikilizwa kwa shtaka hilo, watuhumiwa wote walikana mashitaka dhidi yao. Hata hivyo, kutokana na uzito wa kesi hiyo, Mahakama Kuu mbele ya Jaji Khadija Shamte Mzee imeahirisha kesi hiyo hadi tarehe 16 Julai 2025, ambapo itatajwa upya na kuandaliwa kwa hatua zinazofuata za kisheria.

Pia soma ~ Sheikh Jabir Haidar akutwa amefariki Bumbwisudi, chanzo cha Kifo bado kitendawili
 
Motive ya hao jamaa kumua huyo sheikh ni nini?

Ova
 
Nahisi Itakua Sababu ya Hawa wakosa Utu kufanya Mauaji Itakua Ni Wivu au chuki,

Huenda Ni Wivu/chuki ya Biashara,kisiasa au wa kimapenzi
 
Ujumbe umeeleweka lakini umechomeka maneno yasiyohitajika.

1.Unamaanisha nini kusema hii ni kesi nzito?
2. Mahakama imewapeleka rumande?
3.mauaji yalipeekea kutikisa jamii ya wazanzibar.
 
Mahakama Kuu ya Zanzibar imewapeleka rumande watuhumiwa sita wanaokabiliwa na tuhuma nzito za mauaji ya Sheikh Jabir Haidar Jabir, tukio lililotikisa jamii ya Zanzibar mwishoni mwa mwezi Mei, 2025.

Watuhumiwa hao ni Salum Manja Ame (23), Idrisa Kijazi Kasim (41), Ali Mohamed Ali (30), Ali Machano Haji (30), Zahor Khamis Ali (54), na Mohamed Hassan Jongo (38).

Kwa mujibu wa taarifa rasmi kutoka Mahakama ya Zanzibar, wote ni wakazi wa Zanzibar na wanashtakiwa kwa kosa la kumuua kwa makusudi Sheikh Jabir Haidar Jabir, kinyume na kifungu namba 179 na 180 vya Sheria ya Adhabu namba 6 ya Mwaka 2018.
Wakili kutoka Ofisi ya Mkurugenzi wa Mashtaka, ndugu Anuwar Saaduni, aliiambia Mahakama kuwa watuhumiwa hao walishirikiana kwa makusudi katika kupanga na kutekeleza mauaji hayo. Tuhuma zinaeleza kuwa tukio hilo lilitokea mnamo tarehe 27 Mei 2025 majira ya saa tatu usiku katika eneo la kisiwani, ambapo Sheikh Jabir aliuawa kwa kutumia silaha ya moto.

Katika kikao cha kusikilizwa kwa shtaka hilo, watuhumiwa wote walikana mashitaka dhidi yao. Hata hivyo, kutokana na uzito wa kesi hiyo, Mahakama Kuu mbele ya Jaji Khadija Shamte Mzee imeahirisha kesi hiyo hadi tarehe 16 Julai 2025, ambapo itatajwa upya na kuandaliwa kwa hatua zinazofuata za kisheria.

Pia soma ~ Sheikh Jabir Haidar akutwa amefariki Bumbwisudi, chanzo cha Kifo bado kitendawili
KAma sio geresha basi ni hatua nzuri
 
Back
Top Bottom