GE2025 Zitto: Nikishinda Ubunge, kujifungua itakuwa bure

[The Watchman]

Mgombea ubunge wa Jimbo la Kigoma Mjini kupitia ACT Wazalendo, Zitto Kabwe, ameahidi kuwa akichaguliwa hakuna mwanamke atakayelipa fedha wakati wa kujifungua.

Akizungumza leo katika Kata ya Buhanda, Kigoma, Zitto pia ameahidi kuboresha miundombinu ya barabara za kuunganisha Buhanda na mjini pamoja na mitaa ambayo kwa sasa ni mibovu na yenye makorongo. Amesema atajenga mtaro wa kupeleka maji Mto Mungonya ili kuokoa makazi ya wananchi.

Ameongeza kuwa miundombinu ya masoko ya jioni katika maeneo ya Kidagala na Mgeo itaboreshwa kwa kuweka pavements na taa, akisisitiza kuwa ana uzoefu wa kusimamia miradi hiyo kutokana na mafanikio aliyoyapata katika Soko la Marungu Mwanga.

Aidha, Zitto ameahidi kufuatilia kwa kina malalamiko ya wananchi kuhusu kunyimwa mafao na kuondolewa kwenye TASAF bila sababu za msingi.

Kuhusu gharama za ujenzi, amesema akichaguliwa bei ya saruji Kigoma haitazidi Sh 20,000 kwa mfuko wa kilo 50 kutokana na uwepo wa kiwanda cha saruji mkoani humo.

 

[Yoda]

Kwa nini wenye uwezo wasilipe gharama za kujifungua??

 

[Sozo_]

Akiwa mbunge alifanya mangapi na alibakisha mangapi? Viongozi kama hawa wajue wananchi hawataendelea na ujinga wao miaka yote, mambo yanabadilika.

 

[Lycaon pictus]

Zitto amekuwa na sera za kwenye Ndiyo Mzee.

 

[PureView zeiss]

Zitto wa miaka Ile sio huyu hata kidogo.
Nahisi ameshaona kuwa Wana kigoma ni wajinga WA mwisho ndiyo maana anatoa ahadi za kipumbavu

 

[Muhimbu]

Jamaa kadri anavyozidi kuchoka kisiasa na sura yake nayo inazidi kuchoka vile vile.

 

[guest-1793599959]

Jamaa kadri anavyozidi kuchoka kisiasa na sura yake nayo inazidi kuchoka vile vile.

Anajidharilisha Mnoo kwa umri wake na muda mrefu alio kaa bungeni nilitegemea awe na vitega uchumi vingi na asiwe chawa namna hiyo..hii inasababishwa na nini??

 

[Mpaji Mungu]

Huyu jamaa anaaamini wananchi wa 2025 ni wale wa 2005

 

[Muhimbu]

Anajidharilisha Mnoo kwa umri wake na muda mrefu alio kaa bungeni nilitegemea awe na vitega uchumi vingi na asiwe chawa namna hiyo..hii inasababishwa na nini??

Huyu jamaa nimetokea kumchukia sana, alituhadaa kwa kuiandama sana serikali ya Magufuli hadi watu wakamuona yeye ni jasiri na mzalendo wa kweli, hakuna kibaya ambacho kilifanywa na serikali ya Magufuli halafu Zitto akakikali kimya... alisema mpaka na vingine ambavyo wengi tulikuwa hatuvijui.

Haya sasa tuko awamu ya sita ambayo ndio imetia fola kwa ufisadi na matukio mengi ya kutisha ya unyanyasaji, lakini huyi jamaa hajafungua mdomo wake hata mara moja kukemea ufisadi au utekaji unaoendelea...

...Yaan ameonekana kabisa kumbe alivyokuwa anamuandamana JPM ni chuki zake binafsi tu na wala hakusukumwa na uzalendo, maana kama angekuwa ni mzalendo kweli basi awamu hii ndio angekemea ufisadi mara mbili ya kipindi kile, kama tunavyoona kwa Lisu.