Mudawote
JF-Expert Member
- Jul 10, 2013
- 11,612
- 16,189
Watanganyika tumejenga tabia ya kutafuta mchawi wa matatizo yetu kila kukicha — tukimlenga kiongozi, chama, au mtu fulani. Wengi leo wanamlaumu Dkt. Samia, wengine CCM, wengine wafanyabiashara, na wengine polisi. Lakini ukweli mchungu ni kwamba adu yetu kama nchi siyo Dkt. Samia, siyo CCM, siyo serikali wala siyo polisi — adui wetu ni MFUMO TULIOULEA NA KUUENDELEZA WENYEWE.
Mfumo huu haukuja kwa pupa; umeota mizizi polepole katika kila familia, kila kijiji, kila ofisi, kila chuo, na kila kanisa au msikiti. Ni mfumo wa udanganyifu, uzembe, tamaa na hila. Mfumo unaomfanya Mtanganyika ajivunie wizi, ajione mjanja akipora, na ajione mshindi anapodanganya.
Mfumo wetu ni ule unaomlea mtoto aamini kwamba mafanikio hayaji kwa kazi, bali kwa ujanja. Tumejenga jamii inayopenda maisha mazuri bila kufanya kazi. Kila mtu anataka gari, nyumba, simu ya kisasa — lakini si kwa jasho lake. Tuna ndoto kubwa, lakini hatutaki jasho jingi.
Mfumo huu umetufanya tujifunze kupenda “kujipanga” badala ya kupanga kazi. Tunapenda “shortcut.” Tunaishi kwa misemo kama “toa hela mambo yanaenda,” “kila kitu ni connection,” “mjanja ni yule anayecheza system.” Haya ni maneno madogo, lakini yameua roho ya Taifa.
Angalia sekta ya elimu: mtu yuko tayari atoe hela aitwe Dokta bila hata kufanya utafiti au kusoma ipasavyo. Hii ndiyo maana marehemu Dkt. Magufuli aliwahi kusema wazi — “tunapenda vyeo kuliko kazi.” Alitufunulia kwamba mfumo huu wa heshima bandia na elimu ya kulipia umetufanya taifa la majina bila matendo.
Mfumo huu umezaa kizazi kinachopenda matokeo, siyo mchakato. Tunataka pesa bila uzalishaji, cheo bila uwezo, heshima bila kujituma, na maendeleo bila nidhamu.
Ndiyo maana hata mauaji, vurugu, na machafuko tunayoona leo Tanzania si matokeo ya mtu mmoja. Ni zao la mfumo mbovu tuliolea kwa miaka mingi. Polisi wanaoua raia siyo kwa sababu wana roho mbaya; bali ni kwa sababu na wao ni wahanga wa mfumo uleule — mishahara midogo, mazingira duni, kukosa matumaini. Wamegeuzwa silaha dhidi ya ndugu zao wanaoteseka kama wao. Mwisho wa siku, Watanganyika tunauana sisi kwa sisi kwa ajili ya mfumo mbovu tulioutengeneza wenyewe.
Tusiendelee kutafuta mchawi kwenye kivuli cha majengo ya serikali, wala kwenye sura za viongozi. Adui yupo ndani ya kila nyumba, kila kaya, kila moyo unaosema “acheni wivu, huyu kachomoka.” Adui yupo kwenye vichekesho vyetu, kwenye nyimbo, kwenye mitandao ya kijamii tunapopongeza ujanja, siyo kazi.
Dkt. Samia siyo adui wetu. CCM siyo adui wetu. Polisi siyo adui wetu. Wafanyabiashara siyo adui wetu. Adui ni mfumo wa kimaadili na kiutamaduni tulioutengeneza wenyewe — mfumo unaokumbatia rushwa, uvivu, unafiki, na tamaa.
Na mpaka tutakapothubutu kuvunja mfumo huu, tutaendelea kulalamika, kuandamana, na kuumia — lakini tutabaki watumwa wa mazao ya roho zetu wenyewe.
Watanganyika, tusipobadilika ndani, hatutabadilika nje. Mfumo wetu ndio unaotuua, siyo viongozi wetu.
Nguvu ya kweli ya mapinduzi ya taifa haipo barabarani, ipo kwenye mioyo ya wale wanaothubutu kubadilisha fikra.
#MfumoDioAdui #TanganyikaMpya #BadilikaWewe
Mfumo huu haukuja kwa pupa; umeota mizizi polepole katika kila familia, kila kijiji, kila ofisi, kila chuo, na kila kanisa au msikiti. Ni mfumo wa udanganyifu, uzembe, tamaa na hila. Mfumo unaomfanya Mtanganyika ajivunie wizi, ajione mjanja akipora, na ajione mshindi anapodanganya.
Mfumo wetu ni ule unaomlea mtoto aamini kwamba mafanikio hayaji kwa kazi, bali kwa ujanja. Tumejenga jamii inayopenda maisha mazuri bila kufanya kazi. Kila mtu anataka gari, nyumba, simu ya kisasa — lakini si kwa jasho lake. Tuna ndoto kubwa, lakini hatutaki jasho jingi.
Mfumo huu umetufanya tujifunze kupenda “kujipanga” badala ya kupanga kazi. Tunapenda “shortcut.” Tunaishi kwa misemo kama “toa hela mambo yanaenda,” “kila kitu ni connection,” “mjanja ni yule anayecheza system.” Haya ni maneno madogo, lakini yameua roho ya Taifa.
Angalia sekta ya elimu: mtu yuko tayari atoe hela aitwe Dokta bila hata kufanya utafiti au kusoma ipasavyo. Hii ndiyo maana marehemu Dkt. Magufuli aliwahi kusema wazi — “tunapenda vyeo kuliko kazi.” Alitufunulia kwamba mfumo huu wa heshima bandia na elimu ya kulipia umetufanya taifa la majina bila matendo.
Mfumo huu umezaa kizazi kinachopenda matokeo, siyo mchakato. Tunataka pesa bila uzalishaji, cheo bila uwezo, heshima bila kujituma, na maendeleo bila nidhamu.
Ndiyo maana hata mauaji, vurugu, na machafuko tunayoona leo Tanzania si matokeo ya mtu mmoja. Ni zao la mfumo mbovu tuliolea kwa miaka mingi. Polisi wanaoua raia siyo kwa sababu wana roho mbaya; bali ni kwa sababu na wao ni wahanga wa mfumo uleule — mishahara midogo, mazingira duni, kukosa matumaini. Wamegeuzwa silaha dhidi ya ndugu zao wanaoteseka kama wao. Mwisho wa siku, Watanganyika tunauana sisi kwa sisi kwa ajili ya mfumo mbovu tulioutengeneza wenyewe.
Tusiendelee kutafuta mchawi kwenye kivuli cha majengo ya serikali, wala kwenye sura za viongozi. Adui yupo ndani ya kila nyumba, kila kaya, kila moyo unaosema “acheni wivu, huyu kachomoka.” Adui yupo kwenye vichekesho vyetu, kwenye nyimbo, kwenye mitandao ya kijamii tunapopongeza ujanja, siyo kazi.
Dkt. Samia siyo adui wetu. CCM siyo adui wetu. Polisi siyo adui wetu. Wafanyabiashara siyo adui wetu. Adui ni mfumo wa kimaadili na kiutamaduni tulioutengeneza wenyewe — mfumo unaokumbatia rushwa, uvivu, unafiki, na tamaa.
Na mpaka tutakapothubutu kuvunja mfumo huu, tutaendelea kulalamika, kuandamana, na kuumia — lakini tutabaki watumwa wa mazao ya roho zetu wenyewe.
Watanganyika, tusipobadilika ndani, hatutabadilika nje. Mfumo wetu ndio unaotuua, siyo viongozi wetu.
Nguvu ya kweli ya mapinduzi ya taifa haipo barabarani, ipo kwenye mioyo ya wale wanaothubutu kubadilisha fikra.
#MfumoDioAdui #TanganyikaMpya #BadilikaWewe
