A
Anonymous
Guest
Leo Agosti 6, 2026 nilikuwa na safari ya kutoka Dar kwenda Mwanza, kupitia usafiri wa ndege ya ATCL, nilifika Airport na kukamilisha taratibu zote za 'Check-in' kabla ya safari iliyotakiwa kuanza Saa Sita Mchana.
Tukiwa katika foleni ya kuingia kwenye ndege, abiria watano wa mwisho tukasimamishwa, maafisa wa ATCL walianza kuzunguka na kutoa sababu zisizoeleweka. Wakadai kuwa mizigo na kilo zimezidi, lakini nilipowahoji walibadili maneno.
Baada ya kupoteza takriban dakika 45 na muda wa ndege kuondoka ukizidi kusogea, ghafla walianza kutangaza: "Kuna changamoto ya kiufundi (Technical Problem), hivyo hamtaweza kupanda ndege hii na tutawafanyia taratibu za kuwahamishia (reallocate) kwenye ndege nyingine."
Kitu kilichonishtua na kunisikitisha zaidi ni kwamba ndege haikutatizika wala kuahirishwa safari, abiria wengine wote waliokuwa mbele yetu walipanda na ndege hiyo hiyo ya ATCL ilitangazwa, ikapaa na kuondoka kwenda Mwanza.
Inakuwaje sisi watano tu ndio iseme kuna tatizo la kiufundi? Walichofanya wametuchukua na kutuleta hotelini wakidai watatutafutia ndege ya usiku, binafsi nilikuwa na safari nyingine ya kuunganisha na ni muhimu sana, sasa ATCL wameharibu kila kitu nilichopanga.
Wiki iliyopita nilimwona pia mtangazaji mmoja wa Wasafi FM akisema kuna sehemu walienda wakaambiwa ndege imejaa japo haikusemwa ni ndege ya shirika au kampuni ipi, sasa inakuwaje ndege inajaa wakati abiria ameshakata tiketi na kila kitu kinajulikana, kwani zimekuwa kama Daladala siku hizi?
Tukiwa katika foleni ya kuingia kwenye ndege, abiria watano wa mwisho tukasimamishwa, maafisa wa ATCL walianza kuzunguka na kutoa sababu zisizoeleweka. Wakadai kuwa mizigo na kilo zimezidi, lakini nilipowahoji walibadili maneno.
Baada ya kupoteza takriban dakika 45 na muda wa ndege kuondoka ukizidi kusogea, ghafla walianza kutangaza: "Kuna changamoto ya kiufundi (Technical Problem), hivyo hamtaweza kupanda ndege hii na tutawafanyia taratibu za kuwahamishia (reallocate) kwenye ndege nyingine."
Kitu kilichonishtua na kunisikitisha zaidi ni kwamba ndege haikutatizika wala kuahirishwa safari, abiria wengine wote waliokuwa mbele yetu walipanda na ndege hiyo hiyo ya ATCL ilitangazwa, ikapaa na kuondoka kwenda Mwanza.
Inakuwaje sisi watano tu ndio iseme kuna tatizo la kiufundi? Walichofanya wametuchukua na kutuleta hotelini wakidai watatutafutia ndege ya usiku, binafsi nilikuwa na safari nyingine ya kuunganisha na ni muhimu sana, sasa ATCL wameharibu kila kitu nilichopanga.
Wiki iliyopita nilimwona pia mtangazaji mmoja wa Wasafi FM akisema kuna sehemu walienda wakaambiwa ndege imejaa japo haikusemwa ni ndege ya shirika au kampuni ipi, sasa inakuwaje ndege inajaa wakati abiria ameshakata tiketi na kila kitu kinajulikana, kwani zimekuwa kama Daladala siku hizi?