Mkuu pole sana, nimejaribu kukivaa kiatu chako , nakusihi uchukulie mambo Kama mipango ya Mungu, sioni haja ya wewe kuumia kwa Jambo ambalo huenda mwenyezi Mungu hakuwahi kukupangia kuwa mwili mmoja na huyo boy wako, lakini pia tambua kuwa likuepukalo lina heri nawe, huenda Mungu kakuepusha makubwa huko mbeleni, lakini Mungu mwenyewe anatuambia kuwa alitujua tangu tuko tumboni mwa mama zetu na mkanda mzima wa Maisha yetu anao yeye, na chote tunachokifanya na kukipitia hapa duniani yeye anajua. Soma yeremia 1:5(a)Kabla sijakuumba katika tumbo nalikujua, na kabla hujatoka tumboni.
Kikubwa zaidi sahau nabusiwaze kuhusu ndugu kuwa watakuonaje baada ya jamaa kuishia mitini, wewe songa mbele na Maisha yako, sio kila mahusiano ya kimapenzi tunayoanzisha lazima yazae ndoa. Tulia utapata aliye sahihi kwako, huyo hakuwa mtu sahihi kwako kulingana na nguvu za kiroho.
Hebu jiulize kidogo, je unatatizo, Kama jibu ni ndiyo , jiulize tena je, unao uwezo wa kulitatua, Kama jibu Ni ndiyo Basi relax na hauna haja ya kuumiza moyo wako, lakini pia Kama jibu ni hapana pia relax maana hunao uwezo wa kulitatuta tatizo hilo.
Mwisho miki5 naona kuwa ulipaswa kumdodosa boy wako kabla hajapeleka posa, ungemuuliza je kwake yeye ni kiasi gani Cha mahali anaweza lipia , baada ya hapo ungewasiliana na wazazi wako na kuwaambia kuwa huyu boy wangu uwezo wake wa kutoa mahali ni kiasi kadhaa hivyo wasizidishe, hii changamoto isingejitokeza, Mimi kabula ya kwenda unyakyusani girl wangu aliniuliza uwezo wangu wa mahali baada ya hapo akawajulisha ndugu zake , hivyo nilipopeleka posa sikusumbuka sana,ilikuwa Kama kumsukuma mlevi kwenye mtelemko, lakini pia ulipaswa kuzingatia tamaduni na makabila yenu, yaani upate mwanamme wa pwani harafu wewe(binti) msukuma , balaa lake wakati wa kuelewana mahali ni kubwa sana, maana pwani ukiwa na sh 200,000/= unapata mke.So Ni ngumu kumuambia jamaa wa pwani atoe mahali ya ngombe ishirini.
Pole sana kwako mtoa mada.
