Ndugu yangu
BAK, wanachokosea wengi ni kutuweka katika kundi moja na waliokuwa wakitetea tawala za kifisadi zilizopita lakini sasa wanalialia kwa utawala huu. Nasema na narudia, wengine wetu tunapinga utawala huu wa kifisadi wa jiwe kama tulivyopinga utawala wa kifisadi wa Mwinyi, utawala wa kifisadi wa Mkapa na utawala wa kifisadi wa Kikwete.
Tawala hizi zinapotofautiana ni katika mikakati ya kufisadi na jinsi walivyopambana kuzima sauti za watetezi wa utawala unaozingatia sheria. Kwa wale waliokuwa wana JF kwa muda mrefu kidogo bila shaka wana kumbukumbu na kauli mbiu yangu kwamba
kila baada ya miaka kumi CCM itaendelea kutupatia viongozi wa hovyo kuliko waliowatangulia!
Hii ndiyo hali ambayo imetukumba sisi Watanzania kwa kipindi cha miaka zaidi ya thelathini. Mwanzoni ufisadi ulifanyika kwa woga kwa kuogopa sheria lakini hivi sasa ufisadi unafanyika kwa ubabe bila kujali sheria. Sababu ni kwamba vyombo ambavyo kwa kawaida vingetegemewa kusimamia sheria vimegeuka na kuwa vyombo vinavyosimamia uvunjifu wa sheria.
Imekuwa kawaida kwa hivi vyombo kuwashughulikia wanaotetea sheria badala ya kuwashughulikia wanaovunja sheria ama kwa kauli, maagizo au matendo. Jeshi la polisi kwa mfano, badala ya kuwalinda wananchi wanaotumia haki yao kikatiba ya uhuru wa mawazo, inatumiwa kuzuia uhuru huo na viongozi uchwara wasiopenda kukosolewa hata kama wamekosea.
Sikuwahi kumtetea Mwinyi, sikumtetea Mkapa, sikumtetea Kikwete na simtetei Magufuli kwani wote ni wapemba, wanajuana kwa vilemba! Huwezi kupanda maharage ukavuna nyanya, hapana, utavuna maharage. CCM, ni chuo cha mafisadi...katika wanaofuzu wapo webamba na wanene, warefu na wafupi, wanawake na wanaume...wote ni CCM waliofuzu katika ufisadi.
Tukishachagua hovyo, tuache kulalamika hovyo tukitendewa hovyo na kwa CCM, hovyo ndiyo taswira na sifa yake kuu. Salama yetu kama Watanzania ni kuikataa CCM na hapo ndipo tutaweza kuvuna zao tofauti.